مكتبة الحقيبة

خاطرك الغالي
----------------------------------
دائما أطيب خاطرك الغالى واسامحك لو نسيت
ودعت من يهواك وقلبه بقربك مهما نئيت ...
كم مرة كم حاول يفرق بينا حاسدا او عزول ..........
كم مره قالوا جنيت عليه بدلت ضوء ايامه ليل
لكنى يا نور العذراى انا ما بضيع حبى قول ..
تلقانى دايما في رجاك وغناى في حبك رسول
اسال عليك الليل ونجمه وحتى انوار الصباح
وكل طائر في سماه اسال مشاعر عن هوانا
وليه حنانك لى راح .......
تلقانى في غاية الألم آمالى تزروها الرياح
حيران اسال نفسى ايه كان السبب واصل الخصام
يمكن اكون في حقك اتلومت في ساعة مـــــلام
لكن ما معقول يكون انا قلبى ليك حفظ الفراق
ما اظنه من عرف الهوى يعرف عدوه مع السلام

حارمنـــي ليــه

---------------------------------------
عارفنه ... حبيبى ... عارفنى ... بحبه
ده حـــرام عليكمــ ... تقيفـــو فى دربه
حـــارمنى ليـــــه ... ليـــه والله بحبـــه
وين درب السعادة ... يا الباكين لحالى
دلــونى ... عليها ... انا ساهر ليالى
حتى لو بعمرى ... لو بالروح ومالى
ما شايفين حبيبى ... يحرق فى شبابه
دهي حرام عليكم ... عارفيني حبى ليه
شايفنه بريدنى ... والشوق فىي عينيه
ليل الوحدة قاسى ... وأنا خايفي عليه
يومي تتخلو عنه ... ياما تقولـــوا فيه
يالناسين ضميركم ... وما خايفين عذابه
يوم الحق هناك ... يومي واقفين يفى بابه
يوم يسألكــــم الله ... يالناسيـــن حسابه
حـــارمنى ... ليـــه ... ليــــه والله بحبه

عشرة الأيام
----------------------------------
عشرة الأيام ما بصح تنساها ... كانه ما حبيتك وكأنه ما عشناها
وضمانا أحلى غرام .....
ليه تجفى دون اسباب ... من غير عتاب او لوم
اخترت غيري صحاب ... واصبحت قاسى ظلوم
هان ليك فراقى خلاص ... وانا برضى حولك احوم
كان عهدى بيك ترعاه ... واجمــل صلاتنا تدوم ...
آمـــــل المحبة ســـــلام ....

بعــدك أمانى هواى ... بعـــدك جنيته عــــدم
ولا عرفـــت صديق ... لقلبى غير الهــــم
كم غيرى يشدو سعيد ... وانا في هواك مغرم
ورينى ايه ضراك ... لو كان صبرت شوية
واسلم من الأوهـــــام
ما كان فراقنا المر ... في بيتى أو فى ايدي
لكن ظروفك أبت ... وقست ظروفي علي
واتلاشت الأحلام ... وين حسن ظنك بي
ورينى إيه ضراك ... لو كان صبرت شويه
عمر السنين أيام

ربيع الدنيا
----------------------------------------

يا ربيع الدنيا فى عينيا يا نور قلبى يا معنى الجمال
يا اخت روحى يا معانى هوايا عشته فى دنيا الخيال
انا فيك عشقته الروعه ما احلاه فى الدل والدلا
والمعانى الراسمه نور اشراقة فى عينك ظلال
وابتسامتك لما تأسر قلبى وتحكى عن المحال
تحكى عن شوقك اليا تحكى عن بعد الوصال
من قلبى من اجل المحبه وهبته ليك شعر الغزل
مع انو قدامى الطريق انا عارفو يا السمحه انقفل
مافى قسمه ومافى يا نور قلبى حتى بصيص امل
لا قدرته اقرب من ضراك ما قدرته لى بعادك اصل
يا حبيه ليه قلبك قسى وكتمتى ما تخفيه عنى
انا عشته فى حبك مقيم ما عرفته نكران او تجنى
ما عرفته غير حبك غرام وسبحته فيهو سنين بغنى
سكبتو دمعاتى الغوالى سكبتو حبى وسكبتو فنى
يا ربيع الدنيا فى عينيا يا نور قلبى يا معنى الجمال
يا اخت روحى يا معانى هوايا عشته فى دنيا الخيال

عشقك حرام
عشقتك وقالوا لي عشقك حرام
يا مجدد نور عيونى يا مبدد نار شجونى
يتهم عرفوا المحبة وعرفوا اسرار الغرام
عشقتك وقالوا لى تعشق وايامك ربيع
تقضى ليلاتك مسهد وابتساماتك دموع
وزاد حياتك يبقى غيره وتطفى من عمرك شموع
وتنسى عشاق اغنياتك وتمسى افراحك حطام
لم يكن حبى متاعا لا ولا كان التياعا
أو لقا او وداعا
حبى نابع من بلادى من جمالها وانطلاقها
أودعت حسن حبيبى من صباها كل باقة
من صفاء الطيبة والكلمة الحبيبة والطلاقة
كل رعشة حرف فيها ترجمت سر العلاقة
يا عوازل كيف تكون الدنيا لو عزَّ الغــرام

قلبي فاكرك
السر دوليب

----------------------------------------------------
حبيبي ليه قلبي فاكرك وإنت ليه خالي قلبك
خالي والله ما عليه
***
كنت فاكر ألقى عندك الحنان تغمرني بيه
قلبي يرسى ألقى جنبك
الأماني الأماني تدوم عليه
بحنانك تحتويني
وبي ودادك تصطفيني
ليه تسيبني يا ضنيني لدلاك اشتكيك
****
عهدي بيك وأشكي ليك
وتواسيني في آلامك
غيروك بدلوك عن حنيني ياغرامي
لا بقيت تسأل علي لا بتقول واحشاك عيني
أو عذابي رضيته ليا يا حبيب أنا راضي بيه
******
إنت لي نور عيني في الليالي تضوي ليا
ذكرياتي وأغنياتي في فؤادي لسه حيه
لو نسيت أشواقي ليك أو شبابي هان عليك
قلبي لسه أملو فيك راجي لو تعطف عليه
****
أي لحظة أي لمحة من حياتي إنت فيها
في كلامي في ابتسامي في الأماني البشتهيها
يا نضاري وإزدهاري يا ربيعي واخضراري
يا حبيبي وإنت داري بالعذاب الإحنا فيه

محراب الحب
-------------------------------------------------------
أنت يا نيل يا سليل الفراديس نبيل.. موفق.. فى مسابك
ملء أوفاضك الجلال فمرحى .. بالجلال المفيض من أنسابك
حضنتك الأملاك فى جنة الخلد ورفّت على وضئ عبابك
وأمدّت عليك أجنحة خضرا وأضفت ثيابها فى رحابك
فتحدرت فى الزمان وأفرغت .. على الشرق جنة من رضابك
بين أحضانك العراض وفى .. كفيك تاريخه وتحت ثيابك
مخرتك القرون تشمّر عن ساق .. بعيد الخطى قوى السنابك
يتوثبن فى الضفاف خفافا .. ثم يركضن فى ممر شعابك
عجب أنت صاعدا فى مراقيك .. لعمرى أو ساقطا فى أنصابك
مجتلى قوّة ومسرح أفكار .. ومجلى عجيبة كل ما بك
كم نبيل بمجد ماضيك مأخوذ .. وكم ساجد على أعتابك
سجّدا ذاهلين لا روعة التاج .. ولا زهو إمرة خلف بابك
أيها النيل فى القلوب سلام .. الخلد وقف على نضير شبابك
أنت مسلك الدماء وفى .. الأنفاس تجرى مدويا فى انسيابك
إن نسبنا إليك فى عزة الواثق .. راضين وفرة من نصابك
أو عبدنا فيك الجلال فلم .. نقض حق الزياد فى محرابك

من أجلـي حبـي
جاي تترجاني اغـفر ليك ذنبك
ما كـفـاية الشفتو من نـارك وحـبك
انت فـاكر تـاني أرجـع لـك واعاتبك
لا يـانـاكـر دربي أصـبح مـاهـو دربـك
كـنـت تـحـلم بالسـعـادة فـي كلـمـة مـودة
وهـي غـير ما إنت فـاكـر
وهـي فـي نـبضـة مشـاعـر
فـي الـقـلـوب الـما بـترد أي زائر
شايلة هم الدنيا زاده وما لية كل الكون بشاير
إجتمعنا علي المحبة في ثواني
في طريق مفروش بي حبي وحناني
وإفترقنا كل واحد في طريقه
أنا ضـائع وإنت مخدوع بالأماني
كل زادي في ضياعي
قـلبي مفتوح للأحبة للجمال الأشقى روحي
في شعوري سحره شبه
ورسالة فني سـامـي تـدعو للخير والمحبة
إلا قـلبـك يا حبيبي لسـة ما أدرك وشـبا ..

ريدتنا ومحبّتنا



وليالي هنانا
إن شاء الله ندوم
نتهنّى .. نتهنّى
ونعيش في صفانا


******


يا نعيم الروح سالمني
الشوق والريد كلّمني
عن أحلامنا
عن آمالنا
عن المستقبل القدّامنا
نبينهو ونحميهو
من حسّادنا
من عزّالنا


*******


أفراحنا تهلّ في ربوعنا
أحبابنا يضوّوا شموعنا
في دنيانا
ما أحلانا
أرواحنا الهيمانة
تتلاقى مشتاقة
لي غرامنا
وهنا أيّامنا


*******


يا حبيب يلاّك في طريقنا
زادنا الريد ورفيقنا
نمشي برانا
ما همّـــــانا
كل الحبّ الضمّـــانا
هادينا وحادينا
في رحلتنا
لآمالنا

غلطة

ليه تقول أيامنا راحت وانتهينا
ياحبيبي ولا كانت ديك سحابة
لو حصل في العمر مرة وافترقنا
هي غلطة ونحن نتحمل 00 عذابها
*****
كنت عايش كل أيامك محنة
وانا بحرق كل عمري .. في الصبابة
ياحبيبي ليه حياتنا ما تبقى جنة
ننسى ظلم الدنيا ناخد من شبابها
نبعد الشك من قلوبنا .. والمظنة
نمشي في درب الأماني المستطابة
*****
لست أدري هل عذابي أم عذابك كان أكثر
حين شق الدهر بينا والفراق المر أجبر ..
فلماذا كنت تخشى ماضي المسير
*****
كل واحد ليهو في تاريخه ماضي
أي ماضي وليهو ذكرى حب قديمة
وأنت عارف لما أخترتك حبيبي
كان في قلبي جرح ينزف بالهزيمة
لكن إنت صرت أغلى حب عندي ...
****
وكنت راضي معاي بظروفي الأليمة
وكنت راضي بالشقا البتبع خطاي
والمآسي المرة في طفولتي اليتيمة000
******
ليه ماتصبر .. ونتحمل يا حبيبي
بكرة تلقى الدنيا بي خيرها .. ونعيما