آخر 10 مواضيع
اليوم التاسعه مساء علي الجزيرة (الكاتـب : - مشاركات : 0 - المشاهدات : 942 )           »          ده ماسلامك (الكاتـب : - مشاركات : 0 - المشاهدات : 810 )           »          الفهم قسم (الكاتـب : - مشاركات : 0 - المشاهدات : 833 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 889 )           »          خواطر (الكاتـب : - مشاركات : 0 - المشاهدات : 822 )           »          الدورة التدريبية مستشار الإدارات القانونية (الكاتـب : مى محمد احمد - مشاركات : 0 - المشاهدات : 807 )           »          اسأل نفسك (الكاتـب : - مشاركات : 0 - المشاهدات : 1223 )           »          الســــــــــلام عليكـــــــــــــــــــم (الكاتـب : - آخر مشاركة : - مشاركات : 1 - المشاهدات : 1310 )           »          خمسون قاعدة (الكاتـب : - مشاركات : 0 - المشاهدات : 914 )           »          الدورة التدريبية إعداد الموازنات الحكومية والحسابات الختامية (الكاتـب : مى محمد احمد - مشاركات : 0 - المشاهدات : 978 )


 
 
العودة   منتديات الحصاحيصا > «۩۞۩- المنتديات الخاصة -۩۞۩» > منتدى التربية والتعليم > منتديات الكمبيوتر والإنترنت > تعليم برامج الكمبيوتر
 
 

إضافة رد
 
أدوات الموضوع إبحث في الموضوع انواع عرض الموضوع
قديم 04-08-2015, 10:23 AM   #1


الصورة الرمزية شهاب أبومنة
شهاب أبومنة غير متواجد حالياً

بيانات اضافيه [ + ]
 رقم العضوية : 671
 تاريخ التسجيل :  Apr 2015
 أخر زيارة : 09-19-2017 (09:42 AM)
 المشاركات : 146 [ + ]
 التقييم :  22
لوني المفضل : Cadetblue
Icon13 كيف تصنع توقيعك الفلاشي بنفسك من الألف للياء



كيف تصنع توقيعك الفلاشي بنفسك من الألف للياء
أحبتي أعضاء منتديات الحصاحيصا
السلام عليكم ،،
ده اول موضوع لي في المنتدى وبتمنى إنو ينال إستحسانكم ويعجبكم وحنستخدم فيهو برنامج خفيف وظريف والموضوع كلو على بعضو ساهل شديد مازي ماكنت متخيلو قبل ما اتعلمو
البرنامج إسمه ( سويش ماكس swishmax )
أولاً :
حمل البرنامج من الوصلة دي
هنـــــــــــــا
ملف مضغوط بحجم 10.9 ميغابايت
محتوى الملف :
برنامج سويش ماكس(SetupSwishmax) + الكراك (Swishmax )

ثانياً :
تركيب البرنامج :
بعد تحميل البرنامج ،، فك الضغط ببرنامج winrar archiver

لو ماعندك حمله من هنـــــــــــــا

في حال كان جهازك يعمل بنظام تشغيل windows xp :
أفتح الحافظة وأنقر نقرتين على الملف SetupSwishmax ثم إضغط علي yes وسيبدأ المعالج بالتثبيت ،، وبعد الإنتهاء من التثبيت ،، سيطلب منك البرنامج فك القفل ،، لاتهتم بها كثيراً ،، أغلق النافذة وحسب ومن ثم أنسخ الملف Swishmax وإنتقل للحافظة program files وألصقه علي حافظة البرنامج .... سيسألك إستبدال الملف الحالي بالجديد ،، وافق على الإستبدال وأغلق النوافذ وأبدا البرنامج .......
في حال كان جهازك يعمل بنظام تشغيل windows 7 :
كرر نفس الخطوات السابقة بس مع مراعاة إنو (إحتمال) تواجهك مشكلة عدم إمكانية نقل الكراك لحافظة ال program files ودي لأنها واقعة في القرص المحلي c ونظام الوندوز 7 فيهو جدار حماية ممتاز حيمنعك وفي الحالة دي الحل بيكون بطريقتين
1. الطريقة الأولى : إنك قبل التنزيل تغير مسار تنزيل البرنامج من c\program files لأي قرص تاني خلاف القرص اللي نازل فيهو النظام وتنقل الكراك ليهو بكل سهولة
2. الطريقة التانية : وهي إنك بعد تنزل البرنامج عادي تمشي تنسخ الحافظة بتاعة البرنامج من حافظة program files وتوديها للقرص اللي بتشوفو مناسب معاك وتنسخ فيها ملف الكراك وتفعل البرنامج عادي
لو في أي سؤال في التنزيل ممكن تسأل من غير حرج .......




 
 توقيع : شهاب أبومنة

رب, إرحمهما كما ربياني صغيرا
******
رب, أوزعني أن اشكر نعمتك التي أنعمت علي وعلى والدي وأن اعمل صالحاً ترضاه


رد مع اقتباس
قديم 04-08-2015, 11:42 AM   #2


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 09-05-2017 (04:10 PM)
 المشاركات : 6,326 [ + ]
 التقييم :  147
 الدولهـ
Sudan
 الجنس ~
Male
 MMS ~
MMS ~
لوني المفضل : Cadetblue
افتراضي



ده الشغل وانا طالب توقيع اول واحد ياداب المنتدي سخن


 
 توقيع : بكري حاج احمد

مواضيع : بكري حاج احمد



رد مع اقتباس
قديم 04-08-2015, 12:02 PM   #3


الصورة الرمزية شهاب أبومنة
شهاب أبومنة غير متواجد حالياً

بيانات اضافيه [ + ]
 رقم العضوية : 671
 تاريخ التسجيل :  Apr 2015
 أخر زيارة : 09-19-2017 (09:42 AM)
 المشاركات : 146 [ + ]
 التقييم :  22
لوني المفضل : Cadetblue
افتراضي



انت تأمر اخ بكري ونحن تحت الخدمة
ومشكور كتير على الدفعة المعنوية دي


 
 توقيع : شهاب أبومنة

رب, إرحمهما كما ربياني صغيرا
******
رب, أوزعني أن اشكر نعمتك التي أنعمت علي وعلى والدي وأن اعمل صالحاً ترضاه


رد مع اقتباس
قديم 04-08-2015, 12:11 PM   #4


الصورة الرمزية السارة
السارة غير متواجد حالياً

بيانات اضافيه [ + ]
 رقم العضوية : 673
 تاريخ التسجيل :  Apr 2015
 أخر زيارة : 06-01-2015 (06:05 AM)
 المشاركات : 29 [ + ]
 التقييم :  53
لوني المفضل : Cadetblue
افتراضي



ومعاك واحد توقيع للسارة

وصلحووو

شهاب مشكور على الشرح الوافى
مع انى ماعملتو والله

بس بكرة بفضى ليهو وبنشوف البحصل


 

رد مع اقتباس
قديم 04-08-2015, 01:41 PM   #5


الصورة الرمزية شهاب أبومنة
شهاب أبومنة غير متواجد حالياً

بيانات اضافيه [ + ]
 رقم العضوية : 671
 تاريخ التسجيل :  Apr 2015
 أخر زيارة : 09-19-2017 (09:42 AM)
 المشاركات : 146 [ + ]
 التقييم :  22
لوني المفضل : Cadetblue
افتراضي



حاااااااضر انتو تأمرو شباب
ونحن ننفذ
وبالنسبة للتطبيق بيجي في وقتو لما تلقي الفرصة
هسا المهم تعرفي الكيفية

وبالنسبة للتواقيع بس رسلو المواد (الصور والصوت والرؤية الإخراجية ) وعلينا التنفيذ ان شاء الله


 
 توقيع : شهاب أبومنة

رب, إرحمهما كما ربياني صغيرا
******
رب, أوزعني أن اشكر نعمتك التي أنعمت علي وعلى والدي وأن اعمل صالحاً ترضاه


رد مع اقتباس
قديم 04-09-2015, 02:49 AM   #6


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 12-28-2017 (11:59 AM)
 المشاركات : 50,970 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



والله لكن ماشاءالله تبارك الله دا الابداع العايزنه

منافسات وكدا واخد راحتك ياحبيب هنا في دوت اورغ

تقلب المنتدي فوق تحت زول بقول ليك حاجة مافي همهم الابداع والتوثيق والجمال

شكلها ح تكون في منافسه رهييييييييبه بين ناس كدا وشهاب ابوامنة





اها بعد النقه دي كلها التوقيع بتاعي وينماتقول لي جيب مواد وجيب بتاع

تعمل وتقول دا هديه مني لي فلان وبس بعدين لوماعجبنا طوالي بنقول خلينا

النشوف زوقك كيف بس الاغنية عايزة سودانية 100% نقره لعرض الصورة في صفحة مستقلة


 
 توقيع : محمد ابوعمر

مواضيع : محمد ابوعمر



رد مع اقتباس
قديم 04-09-2015, 04:04 AM   #7


الصورة الرمزية شهاب أبومنة
شهاب أبومنة غير متواجد حالياً

بيانات اضافيه [ + ]
 رقم العضوية : 671
 تاريخ التسجيل :  Apr 2015
 أخر زيارة : 09-19-2017 (09:42 AM)
 المشاركات : 146 [ + ]
 التقييم :  22
لوني المفضل : Cadetblue
افتراضي



لاااااااا لا ياخ
مين ده اللي جيت ابيع الموية في حارتو ده
انا زاتي بتشوبر مالي المفروض اعرف اول كان مايقوم يجينا معلم طاير بهنا
ووووو
ابشر يا اخوي عوجة تب مافي
ومشكور على المرور والمشاركة


 
 توقيع : شهاب أبومنة

رب, إرحمهما كما ربياني صغيرا
******
رب, أوزعني أن اشكر نعمتك التي أنعمت علي وعلى والدي وأن اعمل صالحاً ترضاه


رد مع اقتباس
قديم 04-09-2015, 08:37 AM   #8


الصورة الرمزية شهاب أبومنة
شهاب أبومنة غير متواجد حالياً

بيانات اضافيه [ + ]
 رقم العضوية : 671
 تاريخ التسجيل :  Apr 2015
 أخر زيارة : 09-19-2017 (09:42 AM)
 المشاركات : 146 [ + ]
 التقييم :  22
لوني المفضل : Cadetblue
افتراضي



رجعت ليكم تاني بالحصة التانية من الدرس
بعد ما عرفنا كيف نثبت البرنامج نجي نعمل لينا فلاش سريع كده عشان نقرب بيهو الفهم
قبل مانخش في الفلاشات المعقدة والفيها حركات وحاجات بتلخم ديك 
طريقة عمل فلاش سريع وعادي مكون من صورة وصوت وبعض التأثيرات

حنستعين في الشرح بالصورة دي
نقره لعرض الصورة في صفحة مستقلة
وحنكتب رقم الدائرة الزرقاء أثناء الشرح
يللا نبدا بسم الله
أول ماتفتح البرنامج حيسألك إنت عايز تسوي شنو ؟؟
وبيديك 4 خيارات
الأول : بدايه جديدة خالية
الثاني : بداية جديدة من النماذج
الثالث : العمل علي ملف موجود سابقاً
الرابع : العمل علي آخر ملف تم صنعه
وفي الآخر بيديك خيار عرض الرساله دي من عدمة ،،، إفعل ما شئت

حانختار للدرس دا الخيار الأول وحيفتح لينا صفحة خالية
أولاً يجب إختيار أبعاد مناسبة للفلاش إختر الأبعاد التي تناسب نوع العرض لديك على أن تكون أصغر من الشاشة بقليل وذلك تجده عند فتح البرنامج في خيار movie الدائرة 6 ..
من دائرة 4 أضغط إدراج صورة insert image وأدرج الصورة التي تريد
*حاول جعل أبعاد الصورة مطابقة لأبعاد الفلاش التي إخترتها عند بدايه العمل حتى لا يتم قصها ....
*حاول أيضاً تسوية حواف الصورة مع حواف حقل العمل حتى لا يتم بتر الجزء الواقع خارج النطاق ....
*إذا لم تكن تملك برنامج فوتوشوب أو أي برنامج يمكنك من تعديل الأبعاد نزل برنامج PhotoFiltre من هنـــــــــا وهو برنامج صغير جداً ولا يحتاج لتثبيت ، فقط أدخل الحافظة PhotoFiltre بعد فك الضغط وأنقر على أيقونة البرنامج وسيباشر العمل .وسنعرض في المساحة التالية شرحاً سريعاً لكيفيه تعديل أبعاد الصورة مع برنامج PhotoFiltre ....
* كيفيه تعديل أبعاد الصورة مع برنامج PhotoFiltre :
إفتح البرنامج ، أدرج الصورة إما عن طريق فتح ملف من القائمة الرئيسية
أو بطريقة السحب والإسقاط في البرنامج بعد فتحه ...
أمشي للقائمة الرئيسية فوق وأضغط على image وإختر من القائمة المنسدلة خيار image size حجم الصورة ، أو إضغط على ctrl+h ، حيعرض عليك الأبعاد الحالية للصورة ، عدل الطول والعرض ولكن ،،،،،،، إتأكد أول حاجة من إنك معطل الخيار preserve aspect ratio
مالم تعطل الخيار دا ماحتصل الأبعاد الدايرها مالم تكون إفتراضيه
أقفل ملف الصورة وأضغط على موافق إذا كنت داير تحفظ التعديل عليها أو إضغط حفظ كـ save as لو ما داير تغير الصورة الأصليه واقفل البرنامج .....

بعد مادخلنا الصورة بعد كدا عايزين ندخل لينا كلام ،، أي كلام ، نعمل شنو ؟؟
نمشي للدايرة 4 حنلقي زر مكتوب فيه حرف تي t نضغط عليه وحنلقى المحرر فتح لينا مكان الدائرة 7 ونكتب العايزينه وننسقه باللون والحجم الدايرنو .....
بعد كدا عايزين ندخل لينا مقطع صوت ،، يفضل mp3 حنعمل شنو ؟؟
حنمشي للقائمة الرئيسية وحنختار insert ونختار من القائمة المنسدلة sound track ...

كدا كل العناصر نزلت فضل التاثيرات ،، طبعاً الصوت دا هنا ماممكن تعمل ليه تأثيرات ... إلا تعملها ليه من قبل بأي برنامج دي جيه إستريو ....
نزلو من هنـــــــا وبرضو برنامج صغير جداً ولو واجهت اي مشكلة في التعامل معاهو ارجع لي وماتخجل 

طيب حنبدأ أول حاجة بالصورة ، من الدائرة 2 حننقر علي إسم الصورة وننشطها في حقل العمل بتاعنا ، ونمشي للدائرة 1 وننقر علي إضافة تأثير وحتنسدل قائمة فيها بعض حزم التاثيرات وفي كل واحدة في سهم بمجرد ماتقيف عليه حتطلع معاك قائمة بالتأثيرات المنتميه ليهو ......

إختر مايناسب من التأثيرات ،،، ممكن تختار أكتر من تأثير ولكن إنتبه لما تطبق التأثير التاني والتالت ووووو لأنو حيسألك في كل مرة أستبدل ليك التأثير القديم بالجديد ؟ ،،، شوف إنت عايز شنو وأعملو .
بالنسبة للكتابه حنعمل زي العملناه مع الصورة بالضبط من دون زيادة أو نقصان ....



حنقيف هنا ..... لأنو تنسيق التأثيرات والحفظ الأمثل للفلاش محتاج كتابة كتيرة ... وحنرجع ليكم تاني بعد نشوف الردود منكم ،، ونكون جهزنا البقية

المشاركة الجايه حنتكلم فيها عن شريط الزمن وكيف ننسق التاثيرات ونضبط الصوت حسب الكلمات المكتوبة عندنا لو كنا كاتبين آية مثلاً وخاتينها هي في شريط الصوت
وكيف كمان نعطل عنصر من العناصر في منطقة معينة ونعيد إظهاره في مكان تاني عشان فلاشنا مايكون جايط


 
 توقيع : شهاب أبومنة

رب, إرحمهما كما ربياني صغيرا
******
رب, أوزعني أن اشكر نعمتك التي أنعمت علي وعلى والدي وأن اعمل صالحاً ترضاه


رد مع اقتباس
قديم 04-19-2015, 09:47 AM   #9


الصورة الرمزية شهاب أبومنة
شهاب أبومنة غير متواجد حالياً

بيانات اضافيه [ + ]
 رقم العضوية : 671
 تاريخ التسجيل :  Apr 2015
 أخر زيارة : 09-19-2017 (09:42 AM)
 المشاركات : 146 [ + ]
 التقييم :  22
لوني المفضل : Cadetblue
افتراضي



السلام عليكم شباب
زي ماوعدتكم المرة دي حاتكلم عن شريط الزمن وكيفية حفظ الفلاش بالطريقة الصحيحة
وحأشرح هنا تصميم عملته مسبقاً عنوانه ( مع آية )
تلاوة ، وقراءة ، وتفسير مع الأدلة
وحنستعين بالصور

نقره لعرض الصورة في صفحة مستقلة

الصورة الفوق دي بتوضح شريط الزمن المقصود ، هو في البرنامج ما بالأبعاد دي ، بس انا هنا مكبرو شوية عشان يكون أوضح
الثانية في طول الملف = 12 وحدة زمنية في شريط الصوت ( إفتراضياً )
ممكن تعدلها زي مافي الصورة التحت دي
وحتلقي جميع الملفات اللي دخلتها في الملف يسار الشريط ، وبرضو موضح مكانها في الصوره التحت دي

نقره لعرض الصورة في صفحة مستقلة

وفي صورتنا دي :
1. طول الثانية : ودا بيمثل لينا عدد الصور المعروضة في الثانية الواحدة ( تردد عرض الفلاش بتاعنا )
2. vertical : ودا بنستعرض بيه جميع ملفات الفلاش بتاعنا بتحريكه من أعلى لأسفل والعكس ،، لأنه زي ماشايفين عندنا في يسار الصورة تظهر جميع الملفات ولكن في الشريط يحجب بعضها
3. horizontal : ودا بنستعرض بيه جميع التأثيرات اللي عملناها علي عنصر من العناصر من بداية الفلاش ولغاية النهاية
4. ملف الآية المكتوبة : وانا هنا مقطعها علي أجزاء حسب تلاوة القارئ ليها عشان تتيح لي الفرصة لإظهار الجزء العايزة في الوقت المناسب معاه
5. صورة لخلفية الفلاش ووضحنا كيف نضعها هنا
6. ملف الآية ( صوت ) وبرضو عرفنا كيف نضعه هنا
لو ملاحظين في وسط الصورة بنلقى الآيه كلها متواجدة في مكان واحد وفوق بعضها ، ودا عشان ما وقفنا كل جزء منها قبل بداية الجزء الآخر .
طيب ،، كيف نوقف جزء معين في منطقة قبل الجزء التالي
الخطوات :
أولاً : نشوف الزمن اللي بيقرأ فيه القارئ كل جزء من الآية ودا بعد تشغيلها بالميديا بلاير عادي
مثلاً قرأ الجزء الأول من 0 لغاية 19 ثانية والثاني من 19 لغاية 24 ( 5 ثواني ) وهكذا
حنضرب 19 * 12 اللي هو طول الثانية في شريط الزمن حتطلع معانا 230 ثانية تقريباً
يبقا المفروض تأثير دخول الكتابة الأولى + تأثير خروجها ينتهيان قبل 230 في شريط الزمن .
ونضرب تاني 6 * 12 حتطلع معانا 60 ،، نضيف ال230 حتبقا 290 تقريباً
يبقا المفروض تأثير دخول الكتابة الثانية + تأثير خروجها يبدآا عند 230 وينتهيا قبل 390 في شريط الزمن .

وهـــــــــــــــــــــــــــــــــــــــــــــكذا حتي النهاية

ثانياُ : التأثيرات
تأثير الدخول ودا بنلقاه زي ماشرحنا في الدرس الأول بالضغط على add effect ومن القائمة نختار appear into position
وتأثير الخروج من نفس الزر ولكن حنلقاه disappear from position حنضغط الأول علي تأثير دخول ونختار أي وحد منهم
ولما نضغط علي تاثير مرة تانية نختار تاثير خروج ،،،، تنبيه ،،،، حيسألنا هل نبدل ليك القديم بالجديد ؟؟ حنقول لأ أو نضغط على no ...
حينزلو لينا التأثيرين ورا بعض بنفس الترتيب اللي ختيتهم بيه
نشيلهم زي ماهم بنفس ترتيبهم ونختهم في الزمن المخصص ليهم حسب معادلاتنا البسيطه العملناها قبيل ..

ثالثاً : نقل التأثيرات
أقيف في التأثير وأضغط عليه كليك يمين وإختار ( قص التأثير ) cut effect وأمشي مكان عايز تنزله ونزله وأعمل لصق ....

وبكدا نكون خلصنا كلام عن شريط الزمن والتأثيرات على الفلاش بتاعنا
ومافاضل لينا غير الحفظ بس

ممكن نحفظ الفلاش بتاعنا بأكتر من تنسيق وهم :
1. Avi : والتنسيق دا عبارة عن ملف فيديو عادي مضغوط وحجمه صغير جداً مقارنة بالملفات التي يمكن صنعها بالموف ميكر أو صانع الأفلام المضمن مع الوندوز .
2. Exe : ودي صيغة ضعيفة جداً أمام الفيروسات ، وأكتر الفيروسات إنتشاراً بتنتشر بالملفات دي ، ودي عموماً صيغة برامج أكتر من إنها أفلام ( لقدام حنعرف فائدتها شنو ) .
3. Html : أغشكم لو قلت ليكم فاهمها وللا عارف معناها شنو ( ماتحمرو لي ،، دي مافي الفلاش ولا حاجة ) .
إتخيل لي دي بتاعت ناس بكري وكدا
4. Swf : ودي بقا هي الصيغة الحنحفظ بيها فلاشنا .

وعشان نحفظ الفلاش نضغط علي ملف file من القائمة الرئيسية وبعديها إختار export
ومن القائمة الحتطلع معاك swf , or , exe , or , avi , or , html
وزي ماقلنا قبيل ، الطريقة الأمثل للحفظ هي swf .

• مرفق الملف الإشتغلت عليه الشرح دا عشان الصورة توضح أكتر ، كل العليك بس تنزل الملف وتفتحه بإستخدام البرنامج سويش ماكس .
وحتلقى كل الخطوات الإشتغلناها فوق دي عندك في البرنامج .......
حاول عدل فيها ،، غير التأثيرات ، اللون ، أي حاجة كدا وخت بصمتك فيها ورجعها لي ( لو حبيت ) .
• انا كمان هنا موقفها بدون تفسير الآية ، والفلاش غير مكتمل
• وحأخت ليكم هنا شكل الفلاش لغاية اللحظة دي



وبكدا أكون خلصت الفلاش بتاعي ومافاضل غير الرفع والعرض في المنتدى بس .....
وعشان نرفع الفلاش لازم أول ندخل الرابط دا ، وهو موقع رفع ملفات وانا برفع فيهو فلاشاتي
http://arabsh.com
وبعديها نضغط على زر browse ونعلم على الملف بتاعنا ونديه أمر بالرفع
وننتظر لغاية ما الموقع يعالج لينا الوصلات الحيدينا ليها ،، الصور تحت

نقره لعرض الصورة في صفحة مستقلة

نقره لعرض الصورة في صفحة مستقلة

أووووووووووعك شفت ثم أوعك تختار الوصلة المكتوب عليها ( كود المنتديات ) ، شيء كان عاملها فيني غيرها مافي ، مع إنها بتاعة المنتديات سبحان الله

إختار الوصلة الفي الصورة دي ( الرابط الصحيح )

جيبها وتعال للمنتدى وأدخل البروفايل بتاعك وإختار تعديل التوقيع ( دا لو كنت عامل توقيع )
ولو عامل تصميم عادي أدخل البوست وإختار من صندوق التعديل العلامة الفي الصورة الصغيرة التحت دي


نقره لعرض الصورة في صفحة مستقلة


حيظهر ليك مكان ويطلب منك وضع الوصلة فيه
تنبييييييييييييييييييييييييييييييه :
حتلقى بادئة عنوان ويب مظلله ،،،، أحذفها أول وخلي البلد خلا
أو نزل وصلتك في التظليل وحتتمسح ( أوتوماتيكلي ) شفتو الإنجليزي دا كيف ؟؟ خخخخخخخخخخ


نقره لعرض الصورة في صفحة مستقلة

بعد ماتضغط أوكي حيطلب منك طول الفلاش
دخل الطول القبيل كتبته لما جيت تعمل الفلاش
وبعد تضغط أوكي تاني حيطلب منك العرض
نفس الشيء ،، وأضغط أوكي ،، وإعتمد مشاركتك

أدعووووووووووووووووولي

تخريمة:
لغاية هنا فلاشنا ده فلاش بسيط جداً ومافيهو غير صورة وصوت وتاثيرات
وده المهم حالياً
لقدام حنعرف كيف نعمل اشكال تانية ورسومات ونجوم تتلالا وجمال لافة في الصحراء وطيور وحصين وحاجات كتيرة
إنتظروني بس

تخريمة تانية :
كتار منكم هسا راسهم ضرب ومتخيلين إنهم ممكن مايتعلمو الشيء دا خالص ....
كلامكم صح ، ولو ماعملتو كدا تبقو مغرورين عديل ، بس والله ماصعب
هو يمكن أزرارو كتيرة صح لكن سهل والله ، وانا زيكم في البداية لخبطت الدنيا وجطت الحكايه
فوق تحت ، وكلما أزهج منه بتسلى بيه هو زاتو ، ولما أخرمج تاني برجع وأخرمج


 
 توقيع : شهاب أبومنة

رب, إرحمهما كما ربياني صغيرا
******
رب, أوزعني أن اشكر نعمتك التي أنعمت علي وعلى والدي وأن اعمل صالحاً ترضاه


رد مع اقتباس
قديم 04-19-2015, 09:53 AM   #10


الصورة الرمزية شهاب أبومنة
شهاب أبومنة غير متواجد حالياً

بيانات اضافيه [ + ]
 رقم العضوية : 671
 تاريخ التسجيل :  Apr 2015
 أخر زيارة : 09-19-2017 (09:42 AM)
 المشاركات : 146 [ + ]
 التقييم :  22
لوني المفضل : Cadetblue
افتراضي



معليش ياجماعة الشرح قديم ليهو قريب 5 سنين
وإحتمال يكون في تغيير بسيط في موقع الرفع (عرب شير)
ولو واجهتك اي مشكلة في الرفع ممكن تسأل بدون حرج
كمان ايقونة وضع الفلاش في منتدانا ده مختلفة شوية من المنتدى اللي كنت شرحتها فيهو
برضو لو واجهتك فيها مشكلة ياريت ويسعدني تعذبني وتغلغلني بالأسئلة
بس بالنسبة للبرنامج والشرح نفسو ما بيتغير وبتمنى إني اكون قدمت ليكم فائدة وتكونو إستفدتو من الشرح اللي فات
وعلى امل اللقاء بكم قريباً
تحياتي : أبومنة


 
 توقيع : شهاب أبومنة

رب, إرحمهما كما ربياني صغيرا
******
رب, أوزعني أن اشكر نعمتك التي أنعمت علي وعلى والدي وأن اعمل صالحاً ترضاه


رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
آبل تصنع سيارات محمد ابوعمر منتديات الكمبيوتر والإنترنت 0 02-14-2015 02:41 PM
ثق في نفسك تصنع حياتك هند خلف الله ديوان الحصاحيصا 4 02-25-2013 01:51 PM
الملف السوري الي مجلس الامن محمد ابوعمر المنبر الحر 1 01-31-2012 07:13 AM
الألف اللينة (المتطرفة) بت امها(نعمات) منتدى التربية والتعليم 2 04-11-2011 01:10 PM
احزروا الجوال فانه كاشف للحال عبداللطيف عوض الله ديوان الحصاحيصا 0 12-04-2010 04:37 PM


الساعة الآن 10:16 PM.


Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتديات الكمبيوتر والإنترنت