مكتبة الشاعر خليل فرح

مكتبة الشاعر خليل فرح

الشاعر والمطرب خليل فرح

فقد كان رفيقا لسرور وكرومة
وقد تأثر الخليل بالحركة السياسية والاجتماعية وأحدث في الأغنية تغييرا واضحا بإدخال آلة العود وعرف الغناء على عهده ما يعرف بغناء الصالونات للنخبة فكانت قضايا أغنياته وطنية واجتماعية فغنى من الأغنيات الخالدة :

(عازه في هواك)

عازة في هواك عازا نحن الجبال
وللبخوض صفاك عازا نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عازا ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال
***
عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عازة في حذا الخرطوم قبال
وعازة من جنان شمبات حبال
وعازة لي ربوع ام در جبال

وعازة في الفؤاد دوا يشفي الوبال

المصدر: منتديات الحصاحيصا

في الضواحي
في الضواحى وطرف المداين

يلا ننظرشفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجومأصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقناساسن والمجاهل

مين غيرنا ساسن

ان عطشنا نمز مر وآسن

وأنعشقنا بنعشق محاسن

فى المحاسن كفي يومنا راح

في الخميلة انجلتالمحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون منلدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن

يا جمال النال في ثراكن

ياحلاةالبرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوفخضاره وصيده ورماله

شوف يمينه وعاين شماله

شوف نسيم الليل صاحيماله

شوف فريع الشاو مين أماله

القمر خجلان من كماله

والصباح لا بهل الوشاح

يا أم لسانا لسع معجن

كلمة كلمةوحروفه ضجن

ديل خدودك غير داعي وجن

ديل عيونك من غير سبه لجن

ديل دموعك من نظرة شجن

ده دلال ايه ده دلال معجن

محنالامات يا رداح

ماك نسيم الليل بي برودك

نامت الازهار فوق خدودك

غرد العصفور فوق عودك

النفوس ما اتعدت حدودك

ما عرفنا عدوكمن ودودك

بس أنا المقسوم لي صدودك

يا حياتي وأملي الليراح

الاستاذ الراحل المقيم خليل فرح

هو شاعر نوبي من شمالنا الحبيب والقرى والمناطق النوبية قد خرجت الكثير من المواهب بداية من حلفا والمحس والسكوت والكنوز ، امثال الاستاذ خليل فرح والدكتور الجيلي عبد الرحمن ورائعته الشهيرة

أحن اليك ياعبري *** حنين ماج في صدري

ولد بقرية دبروسه بحلفا عام 1894 من أب محسي وتلقى تعليمه الاول بجزيرة صاي ، للعلم ان لجزيرة صاي أول جمعية إجتماعية سودانية بمصر ومقرها عابدين ، ثم انتقل الي دنقلا لمواصلة تعليمية وبعدها التحق بكلية غوردون القديمة بالعاصمة وتخرج من قسم الهندسة الميكانكية

لقد وصل الي العاصمة صبيا وكانت الرطانة تؤثر عليه وبالرغم من ذلك استطاع ان يجيد اللغة العربية بالفصحى والعامية فعطر الساحة الفنية بعدد من الاشعار تورث جيلا بعد جيلا الي ان يرث الله الارض ومن عليها ، وهو من المثقفين الذين نادوا بتعليم المرأة وايضا من الذين ناضلوا نضالا شديدا ضد الاستعمار الي ان توفاه الله في 30 يونيو عام 1932 وبالرغم من مرور 75 عام على وفاته الا اننا مازلنا نستتمع بكلماته عازة في هواك تذداد حلاوة وعذوبه حينما نسمعها من الاستاذ كابلي

إستطاع خليل ان يرتقي بالذوق العام وأن يلهب الحس الوطني ويزكي روح النضال ضد المستعمر وأن يسهم في قضــايا المجتمــع كالحــث على العمل كقيمة اجتماعية والمناداة بتعليم المرأة , ويعتبر خـليل فــرح الاب الروحي لجميع الشعراء الوطنيين كما جاء في كتاب الاستاذ الدبـــلوماسي عبدالهادي الصديق ( نقـوش على قبـر خلــيل ) وكـان العمل الفـني يصـدر عن خليل متكاملاً كلمات ولحناً وغناء في لحظة أبداع واحدة وخليل فرح هو أول فنان سوداني يلحن الشعر العربي الفصيح ويغنيه فيضيف بذلك ثروة جديدة للغناء السوداني عندما أختار رائعة عمر بن ابي ربيعة

أعبـــــدة ماينسى مودتك القلب

ولا هو يسليـه رخـــاء ولاكرب

ورغم أن خليل فرح قد عاصر شعراء وفناني حقيبة الفن إلا أنه كان مدرسة فنية قائمة بذاتها


الشرف الباذخ
نحن ونحن الشرف الباذخ
دابي الكر شباب النيل
قوم وم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل