آخر 10 مواضيع
أوامر بالقبض على أبرز قيادات «الإخوان» في السودان (الكاتـب : - مشاركات : 0 - المشاهدات : 15 )           »          تجمع المهنيين يطالب بإعادة هيكلة الخدمة المدنية (الكاتـب : - مشاركات : 0 - المشاهدات : 53 )           »          عبد الجليل سليمان يكتب: حل (قحت) هو الحل؟ (الكاتـب : - مشاركات : 0 - المشاهدات : 22 )           »          المحكمة تصدر قرارًا يُلزم مسجل الاحزاب بحل المؤتمر الوطني (الكاتـب : - مشاركات : 0 - المشاهدات : 17 )           »          البرهان يتعهَّد بإحلال السلام في ربوع السودان ومحاربة الفساد (الكاتـب : - مشاركات : 0 - المشاهدات : 28 )           »          اجتماعات سد النهضة.. محاولة أمريكية لامتصاص الاحتقان (الكاتـب : - مشاركات : 0 - المشاهدات : 76 )           »          ترامب: المحادثات بشأن سد النهضة تمضي بشكل جيد (الكاتـب : - مشاركات : 0 - المشاهدات : 57 )           »          أهم ما اتفق عليه وزراء خارجية مصر وإثيوبيا والسودان بشأن "سد النهضة" (الكاتـب : - مشاركات : 0 - المشاهدات : 63 )           »          إطلاق أول قمر اصطناعي سوداني (الكاتـب : - مشاركات : 0 - المشاهدات : 63 )           »          ترامب يؤكد للسيسي تأييده لمحادثات سد النهضة (الكاتـب : - مشاركات : 1 - المشاهدات : 87 )


العودة   منتديات الحصاحيصا > «۩۞۩- منتدى الأدب والفنون -۩۞۩» > بيت الثقافة
بيت الثقافة مبدعي وفناني الحصاحيصا في كل المجالات



إضافة رد
قديم 01-18-2011, 08:35 AM   #1


الصورة الرمزية منزر شايقي
منزر شايقي غير متواجد حالياً

بيانات اضافيه [ + ]
 رقم العضوية : 27
 تاريخ التسجيل :  Oct 2010
 أخر زيارة : 08-03-2013 (04:46 AM)
 المشاركات : 10 [ + ]
 التقييم :  20
لوني المفضل : Cadetblue
افتراضي الذكري 15 لرحيل الفنان الاستاذ مصطفي سيد احمد



بالامس مرت علينا الذكري 15
لرحيل الفنان الانسان مصطفي سيد احمد
و ترك ارثا ثقافيا لا يزال وتر اغنياته
تلون وجدان الناس باروع الاغنيات
و هاهو صداها يتردد رغم الفقد
و الغياب ......


سيرة زاتية

مصطفى سيد أحمد المقبول مختار عمر الأمين سلفاب.

من قرية ود سلفاب ـ الجزيرة ـ عام 1953 م.

قدم جده الأمين سلفاب من شمال السودان ، منطقة الشايقية وأستقر جنوب غرب الحصاحيصا
درس الأولية والمتوسطة " المدارس الصناعية " وكان مبرزاً حيث جاء ثانى السودان على مستوى الشهادة الفنية ...
لكنة لم يواصل فى المدارس الفنية حيث إلتحق بمدرسة " بورتسودان الثانوية " ومنها لمعهد إعداد المعلمين بأم درمان
تخرج منة وأصبح مدرساً بالمدارس الثانوية العامة .
إلى جانب ما أشتهر عنه من ممارسته لهواية الغناء ، أيام دراسته بمدينة بورتسودان ، كان موهوباً فى مجال الرسم وفنون التشكيل ...عندما لم يسمح له أثناء عمله بالتدريس بالإلتحاق بمعهد الموسيقى والمسرح
قدم إستقالته وعمل فترة مصمماً للأقمشة بمصنع النسيج ببحرى .
إلتحق بمعهد الموسيقى والمسرح وأكمل خمس سنوات بقسم الموسيقى " قسم الصوت
إلاّ أنه لم ينتظر حتى ينال شهادته الأكاديمي
عمل بالتدريس بالمدارس الثانوية لفترة طويلة من حياته
برز كمغني في نهاية السبعينات عبر مهرجان الثقافة
عرف عنه لونية خاصة من الكلمات المعبرة ومساسه المباشر لقضايا البسطاء والمحرومين، في قالب لحنى مميز يجمع بين الأغنية الشبابية والوقار في نفس الوقت
لذا كان مفضلا من قبل النخبة والمثقفين وشباب الجامعات، وبسطاء الناس.
ولهذه الميول وجد الاستاذ مصطفى سيد أحمد نفسه محاصرا من قبل الحكومة
فبما انه كان يميل للبسطاء والمحرومين فقد كسب عداء السلطة.

مرضه ووفاته
اصيب بمرض الفشل الكلوي وسافر الي روسيا وقطر للعلاج توفي الي رحمة مولاه بالدوحة في 16 يناير 1996م مخلفا ارثا كبيرا من الاغنيات. وكان استقبال جثمانه في مطار الخرطوم حدثا مؤثرا، رغم منع السلطات الأمنية للجماهير من الحضور والتعتيم الإعلامى على خبر وفاته فقد ضج الناس بالبكاء في ساحات المطار والشوارع.



فتح الجسد باب الخروج للروح
ولج من سم الخياط للطين
بنت قندول شتتناهو في البلدات
ولمناهو في زمن الجفاف محصول
كأنو الأرض مافصّد وشيها لحد
ولا بدت الخليقه الموت
ولا انشق الأديم لي زول
مرق فد زول
أمناهو سر القول وسمناهو
ود سيد أحمد المقبول
وقدمناهو لي قدام
براهو كان الولي صاحي
وكان في الحضرة كم درويش
بلد في حافة الهدام
ونحن نيام
علي حد الفجيعة نيام
كل ما نعبي الخاطر بالاحلام
نرجع منكسرين ومحتشدين للآخر بالالم
وانت كأنك ما صدقت تباعا نسقط
أو نتراجع عام ورى عام
ولا صدقت نسيبك وحدك
واقف أعزل وراهن امرك للايام
وانت بتطلع من احزانك ورده وقنديل
طاوي النيل في عبك وطالع … طالع للمملكوت
كنت تدندن آخر نص لحنته تشرح سر الغنى للموت
خصمناك بي حق السقيا وانت الضارب عرقك عرق المويه بلا حدوت
توضيت بالنيل وقفت في ذات اللحظة وقف محمود
وصلى معاك يناير حاضر
ادركناك في آخر ركعه…في آخر كلمة حق انقالت
وانت بتعدل عوج الدنيا المالت
أملناك ياصاحب عين الشمس
ورضيناك في المطرة الشالت .. شالت وختت
وكل ما شالت شالت شدره روحك بالنوار واتحتت
ولما الشمل وراك اتشتت طارت زي عصفورة وركت
فرحانه تردد غنواتك نزلت تقط في صورتك
شربت من نقاع الزير ورجعّت بترف في الصورة
هشيته ابت ما تطير خليتها أظنها من طيرك
بس يا صاحب كتر خيرك متصالح حتى مع الطير
لاهّد قوافيك الخوف لا الموت غير خط سيرك
وأهو لسه أنحن بنتونس
والشاي في النار مستعجل ليه
والونسه بتمسخ من غيرك .. خليك معاي الموت
ملحوق والشاي في النار ..أقعد بي جاي الشاي… الشاي
يا زول الشاي…
لمتين متيمم شطر النيل
متوقي اليابسه ووارد
متوكي الغنيه عصا موسى
بتهش في غيم الالفه الشارد
مهدود القدره وفترانه
حردان الضل البارد
بتوجل لي يوسف في البير
يطلع من بطن البير المارد !
* * *
فات الكان بدينا احساس بالالفه
وكان رواينا
فات الباكي جرحنا وناسي جرحو
ولافي ورانا مدينه.. مدينه
فات الصاحي ونحن نغط
في النومه السابعه
طالق حسو ولا حسينا
حتحت فينا غناه الطاعم
وفات قنعان من خيرا فينا
سلامات يازول يا رائع
سلامات عوافي
سلامات يا خلاصة الخير الفي الناس
وترياق الزمن المتعافي
سلامات يا زول يارائع
سلامات عوافي
محاصر فيك
بسأل عن سكه تطلع منك
او سكه تودي عليك
بسأل عن مخرج منك وليك
زي نهر بينبع
وما لاقي مصب
بتمدد عشقك من اقصى ضواحي الروح
لي اقصى نواحي القلب
يتكثف بسعة اطلاق الرب
وانا كنت بتفلي القلب بسيرتك
سميتك حلاب الغيم
من ضرع الجدب
وظنيتك مارست الفعل السري
وحفظت فحولة النيل
أيام الخصب
ولمحتك وانت بتمشي
وترقص في حمامك
علي حمة ايقاع الحرب
وتكتل جلد الكلمه الحافه
لحبيبه بتفتح مجرى الغنا في الدم
وتفلس بيبان القلب
فيا بنوت الشارع الطاعم
قومن كب!
قومن للما قصر
في غناكن ضمه
ولا لإتلوم بواركن تب!
ولو تبقى السكه الماشه طشاش
ما تبقى السكه الجايه ضهب
وسلامات يا زول يارائع
البارح عصفورتك
ركت في البال
رقصت
وادت عصفور الريد شبال
وطارت من قولة كر
ما الزول النهر العصفورة
بحرض في كلاب الحر
لابسني وداخل في اللحم الحي
راصد كل البسأل عن حالي
حرش ضلي علي
ونتف زغب الخاطره التخطر علي بالي
ومنع العصفوره تحوم
استجوب كل الناس البجو في النوم
ما تقوم!
يا زول يا رائع ومهموم
يامضيع ضي عيني وراك
واقف
حاحاي للنوم
يا مستف رئة الدنيا شهيق
ومشحتف روح الخرطوم
كيف حال يا بوي
كيف حال يا خال
وتعال
***
اتفضل علي باحة بيتنا الطيب!
ماعون الاطفال
ضمد جراحاتك تعال!
من ضلاماتك تعال!
من حافة البرزخ تعال!
من شرفة الملكوت – تعال
ادينا هينين من صبر
السكه ابعد من مشيك
والجرح اعمق من حدود الاحتمال
السابله والاطفال هناك
قدامك المشوار طويل
والريح وراك
كل البيوت
اتشرفت لي طلعتك
والونسه ما كملت معاك
القرقراب والقهقه
مين سمى ترحالك غياب ؟!
والغيبه بتزيدك بها
لو يرتق الحزن المصاب
كان بعدك الموت انتهى
يا اقصى حالات الحضور المشتهى
يا منتهى
تعال قرحنا بي دهشة غناك الحي
وحي من جرحك الدامي
وفتر حيلك
وحي من ضلك الرامي
وحمل شيلك
تموت متل الشدر واقف
تموت واقف علي حيلك
فيا حليلك
ياحليلك .. بنستناك
علي صهوة جياد الرياح
بنستناك
في الزمن اللديح القيح
علي باب الحلم في غناك
بنستناك
رحيلك شهلت الدنيا
ورتب العالم البهناك
بستناك
وانا تاني وراك شن لاحق
دهستني في بعدك
حدو الخوف
الداخله علي بالساحق
اديني القدره التمنحني
بحجمك سعة الشوف
لو اقدر اطل من شاهق
لو اقدر الوح لعيونك
تلمحني
وانا ضعفي امامك فاضحني
سامحني
ما قدرت اطولك
سامحني
شفتك من وجع طالع
علي برزخ ملتقي النيلين
كنت هناك وحيدك
وكل الناس اتنين .. اتنين
براك واقف
في حد السيف
براك الما وقف بين .. بين
تغازل حلمك الفارع
فتح بابين علي الملكوت
تسلم خواتم عمرك اليانع
تسلم علي حضرة جلال الموت
وتفتح في الارض نفاج
اذا امتلأ الفراغ بالصوت
فيا باطن الديم افتح
براحات الحنين مشرع
وانده لي مدن شاخت
انده لاطلال القرى الراحت
بيوت في بيوت
تمرق من شبر مسرح
مدن فاضله
وعالم باتساع الحلم
بقامة يشتهي التابوت
فما لفظ البحر يونس
ولا انسدت
شهية الحوت .. ويا زول يا رائع تمشي
بالحسره وتموت؟
وسلامات يازول يارائع ...
(ازهري محمد علي)..




 

رد مع اقتباس
قديم 01-18-2011, 08:50 AM   #2


الصورة الرمزية منزر شايقي
منزر شايقي غير متواجد حالياً

بيانات اضافيه [ + ]
 رقم العضوية : 27
 تاريخ التسجيل :  Oct 2010
 أخر زيارة : 08-03-2013 (04:46 AM)
 المشاركات : 10 [ + ]
 التقييم :  20
لوني المفضل : Cadetblue
افتراضي



نقره لعرض الصورة في صفحة مستقلة
كان مشارك في البيت

نقره لعرض الصورة في صفحة مستقلة
حنة مصطفي سيد احمد
نقره لعرض الصورة في صفحة مستقلة
زواج مصطفي سيد احمد
نقره لعرض الصورة في صفحة مستقلة

نقره لعرض الصورة في صفحة مستقلة

نقره لعرض الصورة في صفحة مستقلة

حفلة عيد الاستقلال 1996 اخر حفله له قبل الوفاء

نقره لعرض الصورة في صفحة مستقلة

نقره لعرض الصورة في صفحة مستقلة
مصطفي واعضاء الفرقه....

نقره لعرض الصورة في صفحة مستقلة


 

رد مع اقتباس
قديم 01-18-2011, 09:09 AM   #3


الصورة الرمزية منزر شايقي
منزر شايقي غير متواجد حالياً

بيانات اضافيه [ + ]
 رقم العضوية : 27
 تاريخ التسجيل :  Oct 2010
 أخر زيارة : 08-03-2013 (04:46 AM)
 المشاركات : 10 [ + ]
 التقييم :  20
لوني المفضل : Cadetblue
افتراضي



مصطفى سيد أحمد فى بوح حميم

نقره لعرض الصورة في صفحة مستقلة



أحمد نصر......
رحل النهار بضوضائه .. وجاء المساء يرفـل فى عباءة هدوئه ونسماته الرقـيقة .. كنا أنا ومصطفى لوحدنا .. أدركت أن شهيته كانت مفـتوحة إلى آخرها للبوح .. كان يتحدث عن الحب .. لم أقاطعه .. تركته .. حتى يقـف عند نقطة مناسبة ... وقلت له:

الحب ماذا يعـنى لديك ؟
* ولازلت أذكـر نـبـرات صوته وهى ترن فى أذنى قائلاً
: الحب يـقـترن فى داخلى باللون البنفسج .. فيه هدوء الأزرق وسخونة الأحمر... وبتعادلهما يصير دافـئاً.

وحتى لا يفـلت مناخ اللحظة منى قلت له : (غدّار دموعك )؟
إمـتـدت لحـظة مـن الصمت .. ســـرح فيها طويلاً .. حتى خـلته يتجاهل الإجابة على سؤالى .. وهى عادته فى مواجهة بعض الأسئلة ... إلاّ أن صوته إنتشــلنى من خيالى وهو يقول :
غـــــدّار كانت نـتـــاج تجربة واقعية ... عندما كانت العواطف يافعة .. فى زمان غير الزمان .. ومــكــان غــيـــر المكان .. إشـتعل الإحساس البكر مغالطاً لترتيب الواقع والمجتمع .. وخبأ ونحن نستوحـش السير بدونه ...

- قلت له : هــــذه إجابــة جميلة .. أنا أسأل عن تفاصيل تـفـسـير .. دون الخوض فى تفاصيل دقـيقـة؟
* أجابنى : تفاصيل ليسـت للنشـر .. غير ذلك لا ..

- قلت له فـليكن .. وحكى لى مصطفى التفاصيل ... وإختتمها قائلاً: أنا أحـترم أمانتك المهنية ... فأجبته : وأنـــا أحترم ثـقـتــك فىّ.....

إذن حـدّثـنى عن ( ضياع العشم ) و ( الغصّة ) الذان وردا فى غدّار دموعك.
* أجـاب : ضـيـاع العـشــم هو إنطفاء شمعة المـستوحـش ... والغصّة لغةً .. هى ما يعـترض الحـلــق عــنــد الـفجـيــعة .. وإحساساً هى المفازة التى يمتد خـلفها الطريق المعبّد !
طفولة

- فى طفولتك .. هل كنت شقياً؟
* ويعود مصطفى بخياله إلى زمن البراءة ... والشـقـاوة ، ويقول ضاحكاً : نعم كنت شـقـياً .. بل حاد الطباع ، كثير الإنفعال .. وألتقـط كل ما يدور حـولى من معلومات من الكبار .. وأتمرد عليها عندما يحدث التناقـض .

- وفى دراستك .. هل كنت ذكياً؟
* لم أكــن أحـب الإسـتـذكار الكثـيـر .. بل لم أكن أحب المقررات المدرسية ، وكنت أهرب كثيراً منها للإطّلاع الخاص .

- نـقـطة ضعف .. ما هى ؟
* المجامـلة .. والإحساس بالزمن .. حيث يكون تافهاً عند البعض.

- ومصدر نفـورك ؟
* النفاق .. ونقـص القادرين على التمام .

- ومصدر خوفـك ؟
سـباق الزمن .. حيث أن الحـياة قـصيرة .

- متى فرح قلبك ؟
* حلمت البارحة بالجـدب إخضراراً .. وبالخواء إمتلاءاً... والإنكسار شـموخاً ... والفرح والصدق يلوّنان هذا المهرجان .

- هذه أفـراح الحـلم .. فأين أفــراح الواقع ؟
* يا صديقى .. تـتـداخـل أحـلامى مع واقـعى لأبـقى ..

- هل تشـعـر بالسـعادة .. ومـتى ؟
* السـعادة هى الرضاء .. والرضاء لا يـتوفـر فى الأزمـنة العجـفـاء .. بـل فى تـلك التى تمـتلىْ مشاركةً .. وتوافـقاً .. وإنسجاماً ..

- ما الذى يشعرك بالإضطّهاد ؟
* عندما أحس بأننى قادر ... وأشعر أن الآخرين يقـفون حائلاً بينى وبين إستطاعتى .

- هل صحيح أن الوعود ..أرخص هدية تـقـدّم فى الأزمات ؟
* أنا شخصياً لا أحب الربت على الكتف.


- قلت له : المرأة .. هل ملهمة عاطفة أم شريك وعقل ؟
* العاطفة والعقل هـما الإلهام الذى يفجره الإنسان .. رجلاً كان أم إمرأة ..


- المرأة أم الرجل .. أيهما أصدق فى الحب وأوفى ؟
* كلاهـما صادق إذا تـوفـر التوافـق والإنسـجام .

- وفى الكراهـية؟
* كلاهـما أيضاً أصـدق فى الكراهية .. حيث أنـهـما دائماً واتـر .. ومـوتـور ..

- هل توافـق عـلى أن وراء كـل رجـل عـظـيـم .. إمرأة تـعـذبـه ؟
* هـذا إذا كـان مـعـدن الرجل لا يـجـديـه الـطـرق الا ..وهو سـاخـن .
(I loved how smart this comment was )

- سلاح المرأة مع الرجـل من وجهة نـظرك ؟
* هو الخيار الوحيد الذى تركه الرجل فى يدها ..
- وما هـو ؟
* السلاح الذى تستعمله !!
حـــــرمـــــــــان
- المرأة تـذبـل إذا فـقـدت الرجل .. الرجـل ماذا يحـدث له إذا حـرم من المرأة ؟
* يـجـف فيه نـبـض الإنسـانـيـة .. ويـصـيـبـه القحط العاطفى .. وخواء المشاعر .. ويتعاطى الحياة كما لو كان يسف نشارة الخـشـب .

- هل سبق أن شعرت بملل .. وأنت تـتـحـدث مع إمـرأة جـمـيـلـة ؟
* عـنـدما تـعـطـيـنى الإحسـاس بأننى أتحدث إلى دمـيـة فى إحـدى فـتريـنـات شـارع الجمهورية !!

- المـرأة المـثـقـفـة .. فى بـيـت الـزوجـيـة .. ماذا تـعـنى ؟
* تـعـنى إمـكانيـات إنـسجام عـالية إذا أقـر الطرفـان مبـدأ التوافـق .. وليس التطاول .. حيث يستحيل الأخير .

- متى تطلع الشعيرات البيضاء .. فلى قلبك ؟
* عنـدما يـتـضاءل إحساسى بالحب .. والحياة.

ـــــــــــــــــــــــــــــــــــــــــــ
وقبل أن تغادر شهيته المفتوحة للبوح - على آخرها - أدرت دفة الحوار إلى منحى آخر .. وقلت : من هم مماليك هذا العصر كما تعتقد ؟
* هم اؤلئك الذين حولوا مقدرة العطاء إلى الأخذ فقط .. وإمكانية المشاركة للإستغلال .. وأفرغوا مفردات اللغة من مضامينها ومحتواها .

- البطل .. الديمقراطى .. الفدائى ... كيف تراهم من وجهة نظرك ؟
* البطل هو أكثر الناس عطاءاً للناس ...
الديمقراطى هو الذى إستطاع أن يعالج نفسه ويصححها من عيب وخطأ تربوى وتاريخى ...
أما الفدائى فهو الذى ينكر ذاته حقيقةً.

- قلت له حدثنى عن معان تنبع فى دواخلك تجاه الجمال .. الغيرة .. الحقد .. الخيانة .. الأخلاق .
* الجمال فى شىء قليل عنه كتب هـيـغـل كتاباً ...
الغيرة أشواك لثمرة طيبة ..
الحقد إتساخ للداخل ..
الخيانة ماقلته عن الحقد بإضافة حسابات مختلفة ...
الأخلاق نداء يصيح فى دواخلنا
( تماسكى هذه الأشياء.... ما حان زمان التساقط ) !!

- الخطأ الذى لا يغتـفر فى وجهة نظر مصطفى .. ما هو ؟
* ما لا أستطيع أن أجد له موقعاً فى دائرة تسامحى....
منقول


 

رد مع اقتباس
قديم 01-18-2011, 03:06 PM   #4


الصورة الرمزية ياسرسرالختم
ياسرسرالختم غير متواجد حالياً

بيانات اضافيه [ + ]
 رقم العضوية : 11
 تاريخ التسجيل :  Oct 2010
 أخر زيارة : 09-05-2017 (05:17 PM)
 المشاركات : 2,604 [ + ]
 التقييم :  87
لوني المفضل : Cadetblue
افتراضي



شكرا منزر للبوست الجميل الذى حلق بى بعيدا فى ذكرى أيام مضت وحتما لن تعود وسيبقى صداها فى النفس وسيبقى مصطفى رمزا للكثير من المعانى الساميه والفرح النبيل
أسأل الله له الجنه ولاصدقائه الصبر الجميل


 
 توقيع : ياسرسرالختم

واذا هاجر الانسان من أوطانه فالله أولى من اليه يهاجر
وتجارة الابرار تلك ومن يبع بالدين دنياه فنعم التاجر
وما البيع الربيح سوى الذى عقد التقى وكل بيع خاسر



رد مع اقتباس
قديم 01-21-2011, 01:57 PM   #5


الصورة الرمزية منزر شايقي
منزر شايقي غير متواجد حالياً

بيانات اضافيه [ + ]
 رقم العضوية : 27
 تاريخ التسجيل :  Oct 2010
 أخر زيارة : 08-03-2013 (04:46 AM)
 المشاركات : 10 [ + ]
 التقييم :  20
لوني المفضل : Cadetblue
افتراضي



رحل خلي الجرح نازف بتاوق للدباره رفيق

رحل والكون مستف ضيق

نشف حلق الوتر آسف عشان صوتو الببل الريق

رجع فتح المواني فريق

وماخليت وراكا طريق



...خبارك يعني يا إنسان

مشيت لارجعه لاهجعه ورقد حلم الوطن ندمان

واتوكيتنا في دربك عصاية حرقه لي فنان

بكب في الضل علي الشارع وينورق في ضرا النسيان



خبارو انحنا أمناك وما اديتنا راحة الليل

خبارك والزمن واقف علي حس الفراغ والحيل

رقدت ولا خبر لاحس ولا اتقفيت هروب الخيل

سرحت معانا ياحاضر ممدد متل ابونا النيل



وماقلينا من نبضك متاع السكه للاطفال

وما دسينا من وشك قفاك لا شفنا سترة حال

وماصدح الوطن طربان ولافضل فرح لافال

ولازال الوجع راقد ممدد بالعرض في البال



خبارك هسي فايت ساي

خمستاشر خمستاشر واعاين لي مروق الناي

خمستاشر وافوت بي جاي تتاوق في الفراغ اعضاي

ولا كان الحضور عندك ولاجيت مره تبقي معاي



خبارك يعني ماحسيت وكت صبح الشعور واجب

قرنت مع الوطن حاجب

وقف ضد الصراخ حاجب



حجب بيني ورؤاك ورؤاي

ومالوليت وراكا جناي

هديل شفع قصايدي هديل يكفتو في الوجع لسه

ورحيلك يعني كان ميلاد وجع تكوين حرف حس

وخمستاشر سنه اتغنيت غناك في البوصله اندس

وضهب كل الوراك غناك كتل حيل الغنا وعس



واشاراتك عشان القاك مقيل في ضرا الافراح

ضريح لي آخر الصلاح

علاج اعمق والذ جراح

ولا عشم الزمن يرتاح

ولارقد الوجع وارتاح

هدا الضل الحلبناو من شمش احزانا عد وراح

هدا الوطن الحلمتبو خير نزف لامن شبع اتراح

هدا الليل المليتو نحيب بكاك لحظة شروقو صباح

سلامات يارهيف الحس

عساك بعد السفر مرتاح.؟



نضال حسن الحاج 17-1-2011


 

رد مع اقتباس
قديم 01-21-2011, 02:10 PM   #6


الصورة الرمزية منزر شايقي
منزر شايقي غير متواجد حالياً

بيانات اضافيه [ + ]
 رقم العضوية : 27
 تاريخ التسجيل :  Oct 2010
 أخر زيارة : 08-03-2013 (04:46 AM)
 المشاركات : 10 [ + ]
 التقييم :  20
لوني المفضل : Cadetblue
افتراضي



العزيز ياسر ....
ممتن لحضورك .....
كن بخير....


 

رد مع اقتباس
قديم 01-23-2011, 08:52 AM   #7


الصورة الرمزية mohamed ali
mohamed ali غير متواجد حالياً

بيانات اضافيه [ + ]
 رقم العضوية : 66
 تاريخ التسجيل :  Dec 2010
 أخر زيارة : 07-21-2011 (08:07 PM)
 المشاركات : 23 [ + ]
 التقييم :  20
لوني المفضل : Cadetblue
افتراضي



يصعب علي المرء ان يتحدث عن فنان عبقري مثل مصطفي سيد احمد


 
 توقيع : mohamed ali

لما ارجع للوطن يعود معاي مجدي القبيل


رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الذكري 15 لرحيل الفنان الاستاذ مصطفي سيد احمد
الموضوع كاتب الموضوع المنتدى مشاركات آخر مشاركة
الفنان التاج مصطفى admin2 فنان الاسبوع 26 03-11-2013 07:28 AM
مصطفى سيد احمد نايل في ذمة الله عادل اورناصر قسم الوفيات والتعازي 7 02-24-2013 02:14 PM
مصطفى سيد احمد - عم عبد الرحيم محمد ابوعمر منتدى الصوتيات والمرئيات 0 12-27-2011 04:29 PM
الفنان الشيخ الطيب يغني في زواج الفنان مصطفي سيد أحمد بكري حاج احمد بيت الثقافة 7 12-27-2011 03:55 AM
صور نادرة للراحل مصطفي سيد احمد عبدالمنعم احمد ابراهيم منتدى الصور والوسائط المتعددة 0 11-16-2011 02:15 PM

الساعة الآن 03:48 AM.

Powered by vBulletin® Version 3.8.7
Copyright ©2000 - 2019, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون