آخر 10 مواضيع
حمدوك في واشنطن مطلع ديسمبر المقبل (الكاتـب : - مشاركات : 0 - المشاهدات : 24 )           »          أوامر بالقبض على أبرز قيادات «الإخوان» في السودان (الكاتـب : - مشاركات : 0 - المشاهدات : 38 )           »          تجمع المهنيين يطالب بإعادة هيكلة الخدمة المدنية (الكاتـب : - مشاركات : 0 - المشاهدات : 82 )           »          عبد الجليل سليمان يكتب: حل (قحت) هو الحل؟ (الكاتـب : - مشاركات : 0 - المشاهدات : 57 )           »          المحكمة تصدر قرارًا يُلزم مسجل الاحزاب بحل المؤتمر الوطني (الكاتـب : - مشاركات : 0 - المشاهدات : 48 )           »          البرهان يتعهَّد بإحلال السلام في ربوع السودان ومحاربة الفساد (الكاتـب : - مشاركات : 0 - المشاهدات : 60 )           »          اجتماعات سد النهضة.. محاولة أمريكية لامتصاص الاحتقان (الكاتـب : - مشاركات : 0 - المشاهدات : 104 )           »          ترامب: المحادثات بشأن سد النهضة تمضي بشكل جيد (الكاتـب : - مشاركات : 0 - المشاهدات : 90 )           »          أهم ما اتفق عليه وزراء خارجية مصر وإثيوبيا والسودان بشأن "سد النهضة" (الكاتـب : - مشاركات : 0 - المشاهدات : 102 )           »          إطلاق أول قمر اصطناعي سوداني (الكاتـب : - مشاركات : 0 - المشاهدات : 98 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 04-09-2012, 09:00 AM   #1


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
 اوسمتي
درع الابداع  درع التميز 
لوني المفضل : Cadetblue
Icom23 الشاعر الفنان عثمان خالد



الشاعر الفنان عثمان خالد

ولد الشاعر الفنان عثمان خالد في عام 1943م بحي البكراوية بمدينة بارا .
تلقى تعليمه بمدرسة بارا الغربية الأولية والأميرية الوسطى والفاشر
الثانوية ثم ام درمان الأهلية الثانوية .

عمل ببنك السودان ، ثم تركه ليلتحق بالعمل الصحفي
فعمل بصحيفة الأيام ، والتحق بجريدة الثورة بجمهورية العراق
وبعد عودته من العراق واصل كتاباته بالصحف اليومية إلى حين
وفاته ( 2مارس 1993م) .

له أربعة دواوين مطبوعة وهي:
( إلي مسافرة)
(أحلى البنات)
(الساعة ستة)
(سهر الغربة)
وديوانه الخامس((انا يا بلد) لم يرى النور حتى وفاته

تغنى له عدد من الفنانين :-
حمد الريح
(إلى مسافرة) 1968
عثمان حسين
(احلى البنات)1970
ابراهيم عوض
(قلبك حجر)
سيد خليفة
( يا غربة لا) 1979
صلاح بن البادية
(رحلة عيون )
ومحمد سلام
( برجاك)
عبد العزيز المبارك
(بتقولي لا ) و (أحلى جارة )
محمد ميرغنى
(سمحة الصيدا) ،
البلابل
( طير الجنة)




 
 توقيع : حسن عمر احمد ادريس



رد مع اقتباس
قديم 04-09-2012, 09:00 AM   #2


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



قصيدة: بللور
شعر: عثمان خالد


زي دَفْـقة عطور
على بللور ونور
جذب الروح بنظره
وسابني أهيم أدور

في عالم جمال
كل جِنان وحور


طَغَي حُسْنُه أستبَّد
لما الصيد وَرَدْ
واتباهي النسيم
من عبقُه ابتردْ
كم ربرب مُحاذر
بان فيه الحسد
وكم مر هف معني
بقي مكتول كمد

****

دغدغني الهديل
لما بسم لهج
إصباح في عيونه
وليل وكمان دعج
ومِنَ الومضة والله
أنا خفت الوَهَجْ
والكون حوله راعش
مذهول .. ابتهجْ

****

الجاذب العيون
وحُسْنُه صبِح مَحَطْ
نادِي وخدُه ورده
عليها برد نُقطْ
كل غنايا ليكا
ولي حُسنك فقط
أصله جمال قبل دا
ماخلقوه قط
زي دفقة عطور
على بللور ونور


 

رد مع اقتباس
قديم 04-09-2012, 09:12 AM   #3


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



أحلي جارة يا أحلي جارة

عطرتي كل الدنيا و أنت مارة

وحياة حرير خديك وحياة نضارة

سالمينا لو بالعين أو بالإشارة



الدنيا أمست فرحة و ليلنا نور

كل الوجود أصفى في أحلي منظر

نقاء ورقة خطوة و الكون تعطر


وقف الزمان و قلوبنا مشت و راكي

و قلوبنا من الشوق زادت تباكي

ما كفانا يا جارة عذاب معاكي


 

رد مع اقتباس
قديم 04-09-2012, 09:13 AM   #4


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



بعد السـنين الكنت ما بحسب
حساب الوقت فيها ولا بعد
بعد العلاقة الطيبة والحب اللى عاش
فى الارض .. فد مـرة... وبعد
ما كان مودة و رقة .. ما كـان طيبة
واستلطاف و تحنان متقد
ما كان مواسم فرحـة ما كـان
يهيم بالنشـوى .. وبعد
ما كـان اناقة لفظة .. تغريد نظـر
همسـة ثغر موسيقى نهد
ما كان اماسـى رحيمة تطـرب ديمة
وانت نعيمـة يا ست البلد
ما كان صباح .. لا مرة راح
من عيـنى لا نوره ابتعد
ما كـان وكان و انـا كنت قايل
نفسـى انـى اعيشه فرحان للابد
ما كنت واضع فى حسـاب الدهر
قسـوة ولا دموع كاويات فى خـد
ماكنت قـايل يوم حأنزف
قلبى يا مكتول كمد
00 0
يا قلـبى يا مكتول كمد اعصـر دموع
هات غنوه لى سيد البلد
يا حليله .. قال سايب البلد
يا حليله .. كيفن يبتعد
وكيفن نسيبه يروح بعيد
فى رحلة مجهولة الامد
كل العمر كان لحظه واحدة
نشوفه والشوق يتقد
نسكر .. نغيب
من لطفـه... من دله الحبيب
من لونه .. من كرز المغيب
الرامـى محـلو الثمر
فى شفايفه زى ياقوت ندر
فى شكله زى نص القمر
مبتل .. مثـير
مخلوق عشان احلى الثغور
واشواقنا تتعطر .. تتطير
من نفحه من مجرى العبير
من لفته من جيده النضير
من لفظه من ثغره المثير
الفيه ريـان الثمر
شوفوا القلوب كيف تأتمر
لو مرة سيد الناس امر
بى نظره بتذوب حجـر
بى بسمة بطول عمر
000
يا حليله قال ناوى السـفر
ناح الغروب ..جمره استعر
وآغربة الفل والزهر
وآغربة النيل والقمـر
وآغربة الطير والشجر
وآغربة النسمه الرقيـقه
وشوقه لعناق الشعر
وآشوقـى لى رعشة شفايفه
الحلوه لمـا اقول شعـر
وآ شوقى للخدر اللذيذ لما العيون
تمـلانى بى شحنات خدر
وآ غربتى
ما كان صباحى ودنيتى
واغلى الكنوز ..اغلى الدرر
يا حليله ..قال سايب البلد
ناوى السفر
خلانى العـن فى القـدر
مالو القدر؟
اهديته اضمامة زهر
داس الزهـور
جرعنى كاسات الكـدر
ما راعى للقلب الحزين
والفيه عايش من سنين
جوه الضلـوع فرهد كبر
00ـ0
ياحليله قال سايب البلـد
كم ليل طويل
وانا جفنى لا نام لا غمـد
مشدوه امام لوحة جمـال
لى حسن اخاذ ما اتوجد
الوانه بتداعب الخيـال
بى حرف ريان ما اتولد
النهد فيـها عنيد ..عنيد
عمره فى يوم ما سـجد
لى ربه لا اتهجد عبد
والوجه فى قلبى الحنين
من شفته لا زال لا ابتعد
وعيون بنظراتها الحنان
كم زول شقى ..كم زول سعد
قدامه كم مرهف بكى
قدامه كم فنان سجـد
قولوا الصلا ..ما تقولوا لا
تكفيه من شر العيون
من شر حاسد كان حسد
0ـ00
الليلة مالك يا زمان
تحسدنى فى اجمل نعـم
ما كنت عايش فى امـان
ما كنت تغمـرنى السـعاده
الصـادقه لا من يبتسم
يا حليـله لا من يبتسم
وآ حلاته وكتيـن يبتسم
ارحـل ...... اطيـر
فى كون نعم
واعيش على واحات عبيـر
تحملنى ارجوحـة نغـم
000
يا حليلو قال سايب البلد
من بعده كيف حال البلد
وكيف حال عيونا ما بتشوف
حسـنا براك ولا بترد
وكيف حال قليب ما عـرف
غيرك حنـانا اوعبـد
بعد السفر كيفن حياته
وكيف يضوق بعـدك سـعد
ما كان بسـبح للعيـون
لى سحرهن يا ما سجد
ما كان بيفتن بالخـدود
يا احلى فتـنه واحلـى خد
ما كان بينسى الدنيا لا مـن
حـرف مـن اسمك يرد
ما كان بمـوت بى نظرة منك
ويحيا بى هزة نـهـد
00ـ0
يا حليـله قال ناوى السفر
من بعده ما عارفين مصير
غير الدموع غيـر السهر
وعشـانه ما احلـى السهر
وعشانه ما احلى الدموع
الصادقه لا من تنهمـر
ما دموع رجال بتهد جبـال
هـداره زى رعد المطـر
ما حب عنيـف لكن رقيـق
فى لطفه زى انسام سـحر
من بعده مين يحـرق جبين
بى نظـره والحب يستعـر
مين يرضى بـى شاعر خجول
بيقضـى ليله مع القمـر؟
الحب عنده سفر خيـال
يـرتـاد بحـار.. يرتاد جـزر
مين يرضى بى انسان بعيـش
الدنيـا من اجل الشعـر
مين يفهـم الحـب البيسـرى
مع الانـامـل فى خـدر
مين يرضى بى فـنان
بيعصـر قلبه لو الحب امـر
مين يـرضى بى عابـد جمـال
عايـش وحيد بين البشر
الحـب عنده سفـر خيال
فى كون عـيون وقـت السحر
ميـن يـرضـى بى صيـاد حـروف
مكتول جمـال .. مصروع قدر
من بعـده مين يدّى الحنـين
ويكفكف الدمـع الطفـر
000
يا حليله قال نـاوى السـفر
حزن النهـار واللـيـل بـكـى
ودفق دموعه عليك بحـر
وآ غربة القـلب اللى عاش
يـا غالـى نشوان بيك عمـر
و آ ضيعـة النغم اللـى ذوب
نـفسه فى ثغـر الـوتر
بيغنى للوجـه الـصباح
و اللـيل عـلى خصلة شعر
و آ ريـدى يا سيد القـلوب
لى ضـو شـروقك .. للسـحر
و أ ريـدتى يا اجمـل صباح
و آ ريـدتى لليـل للقمر
يا ويلى من لحـظة وداع
آمالى فيـها تصير ذكر
يا ويـلى مـن عمـرا اعيشـه
براك يا واهـب العمر
0ـ00
يا حليـله قال سايب البـلد
ناوى الـسفر
كيف الوداع لامـن يحـين وقـت السفـر
اهـديك زهور ؟ حاشـاى وانت ندى الزهر
اهـديك حـروف؟ يا احـلى احرف فى الدهـر
اهديك حنـان ؟ ما قلبى عندك من زمـان
وانا راجى عطفـك منتظـر
اهديك دموع ؟ ما دمـعى سـايـل فيك بحر
اهديك نجوم ..معقوده بخيط الزهـر
باقات زنابق حلـوه .. فى لون القمر
ودمـوع محـب ... يا اغلى حب
من قلب فـى حبـك صبر
كـتم الغرام من سبعه عايش بالسـلام
لا قـال حـرف لا افـشى سـر
اهـديك خواطـر فى الخـيـال
فى حبـك اتـرامت زمر
اهديـك حب حيـر عـقول
من بـعـده قـلبى خلاص عقـر
حـب زول بعيش بالنظـره منك
وناوى تـحميه النظر
اهـديـك غـيوم
وقطيع نجـوم
ومحـب عفيف
بين الـنجوم هيمان سـدر
اهديك سحابه من الحـنان
تـحـمـيك دوام من كـل شـر
اهديك حـروف ما قالها زول
وما اظن يـقـولهـا وراى بشر
اهديك عيونى عـشان اتوب
الـدنيـا بـعـدك ما بتسر


 

رد مع اقتباس
قديم 04-09-2012, 09:13 AM   #5


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



يا سلافة الفن و لهفة البتمنا
يا هدية من الله , والله بدي الجنة

فرحة البتأمل في لهب إستنا
ورعشة المتشوق وخبة البتهنا

يا فرح يا رقة بيك عمرنا غنا
يا هدية من الله , والله بدي الجنة

زيدنا عمرنا محنة لينا منها طولة
لملم إنت حزنا بأبتسامة وقولة

ياما قلبنا شال في المحبة ولولا
يا هدية من الله , والله بدي الجنة

قلبي في ترحالو يا ما صيف وشتا
شاف ظلال ألوانو في مداين شتى
لا فرح لا بسمة لما طليت إنتا
وياكا إنتا الإنتا بيك إتهنا
يا هدية من الله , والله بدي الجنة

يا سلافة الفن و لهفة البتمنا
يا هدية من الله , والله بدي الجنة


 

رد مع اقتباس
قديم 04-09-2012, 09:16 AM   #6


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



مدينتي {بارا}
الشاعر عثمان خالد
:: ::
بشوف قبال تشيلني الفرحه ترحل بي لعمراً فات
بشوف يا بلدي أحكي هواك واقول يا بارا فيك ابيات
اعطر كل فاصله انيقه من الفرحه بالدمعات
واخط .. يا أغلى من العافيه .. من صادق وفاي صفحات
كان اقدر اسدد دين وطن غالي وديار غاليات
واجيك في العيد أتوق للطيبه لامن تعكسه البسمات
اجيك واحضاني شوق وقاد يحن لضلوعك الحانيات
بحبك .. وانت اصلك حب عميق ما بتوصفه الكلمات
دا حب عمراً طويل واهباه .. ماحب يوم ولا ساعات
* * *
احبك في الصباح بيرش عليك النور صفا وزينات
احبك في الضحى الوقاد شموسه عليك حنت هامات
احبك في المسا الفنان ظلاله تراقص ( اللبخات )
احبك في السواقي الدايره والدوبيت نغم وصلات
احبك في الخضار وروايحه لما تداعبه النسمات
احبك في الرمال وامواجه لما ادوب هناك ذرات
احبك لما لون القمره ساهر في سماك وبات
احبك لما توب الليل يبعثر فيك نجوم تايهات
واحبك في العيون الشايله طيبة الدنيا في النظرات
واحبك في الضفايرالشاربه لون ليلات طوال ناعمات
واحبك في الشفايف الراعشه نديانات ومكتنزات
واحبك في فريق القوز ملاحن من عيون واسعات
واحبك رقصه من جيد حلوه لما تموسق الحفلات
واحبك في فريق معروف اصيل دايب على وجنات
واحبك لما يهل العيد عليك بالبهجه والفرحات
واشوف ( سوسن ) عليها الطرحه في وسط الصغارجايات
واسمع صوت حبيب لي قلبي صوت الذكر والنوبات
واحبك لما عمي ( كدومه ) يغرق في بحور غايبات
واحبك لما صوت (( أمامه )) يفرح بي يزيد عبرات
واحبك دمعه صادقه حزينه يوم قالو ( النعيسان ) مات
دا كان فنان بعيش الدنيا بينه وبينكم انتو صلات
عليه الرحمه في كل لحظه ترفعوا فيها كف دعوات
* * *
حنانيا قلبي زيد تحنان ويا عيون اسكبي دمعات
ويا شوق وا شقاكا معاي وزيد يا صدري في الآهات
ويا ديار امي فيك تحناني مزروع من زمان شتلات
وجيت بي شعري ارعى سقايته واهديك يا ديار باقات
::: :::


 

رد مع اقتباس
قديم 04-09-2012, 09:35 AM   #7


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



لقاء
الشاعر عثمان خالد
****
يا سلام... !
عالحسن لما يقول كلام
يفتر ثغر الصبح
وتمشي العين على أجمل غمام
هلت خطاويك بالفرح
والقلب داب بالريد وهام
في نظرتيك شفنا اليمن
وعلى خدودك شفنا شام
والهند ذابت بالغزل
في شعرك انسابت هيام
والقرط يتقطر فرح
بيطارح الوجنات بغرام
والله يا اجمل عيون
في الكون وانضر ابتسام :
انا في محاسنك
يا محاسن الدنيا هيمان بيك هيام
::::


 

رد مع اقتباس
قديم 04-09-2012, 09:35 AM   #8


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



صباح العين



الشاعر عثمان خالد
::::::::

غرامك ما بهون احكيه
أوتفشيه نظرة عين
عزيزاً سره زي عينيكا
يا اجمل صباح للعين
* * *
أقول إسماً حروفه الحلوه
في أعماقي لحن جميل؟
أبوح بسر عزيز عالقلب
تشيله النسمه لما تميل ؟
لا .. وحياته .. صباح العين
وحاة حسنه البيملي العين
وحاة النور وقف محتار
يشوف في جبينه أحلى نهار
ومن نظرات عيونه يشيل
* * *
بشوف في عيونه دفقات نور
ترش الكون بأحلى صباح
وفي كتفيه ليلاً مال
وحطّ رحال وقف يرتاح
وأنا المشدوه أمام عينين
في اجمل ليل واندى صباح
وانا المفتون بسحر البسمه
والنشوان بعطراً فاح
لقيت العمر يادوب بادي
بي نظراته .. بالأصباح
وكل سنيني قبال شوفته
عمراً ضاع عليا وراح
* * *
اعايش الفرحه .. يا أفراحي
في نظرات عيون حلوين
نقاء الدنيا والحنيه
من قلباً عطوف وحنين
واسافر في العيون يا غالي
يا ما عيوني مشتاقين
وكلما النشوه تملا قليبي
بي حباً عليه امين
اقول والدنيا شايله غناي :
احبك يا صباح العين
بحبك يا عواطفاً حولت
أحزاني لي بسمات
بحبك يا حنان نساني
بي دفقاته عمري الفات
بحبك يا نغم دغدغني
ذوب قلبي بالرعشات
بحبك يا اراجيح نشوه
شايله الفرحه والبهجات
بحبك وانطرب للغته
لي موسيقة الخطوات
بحبك ويا حلاة الدنيا
في عينيكا .. في الوجنات
بحبك وواسعادة قلبي

يا منبع سعادتي الجات
:::::::::


 

رد مع اقتباس
قديم 04-09-2012, 09:36 AM   #9


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



الشاعر عثمان خالد

:::::::::



قايلاني بتنكر أنا .. ! أيام هواك ما أذكره !


أنساها كيف أنسى الفرح .. ؟ والأمسيات المزهره

يا حلوه لا .. أيام هواك .. حتى النسيم ما بنكره
* * *





شفتيها كيف كانت فرح .. وليالي ديمة منوره



ولون الأماسي الكان بشيل دايماً قلوبنا ويأسره


* * *


ياخد دوام من لون شفايفك أحلى كرزه محمره

ويبكي الغروب من الفرح .. ألوانه ترسم أسوره


* * *

تلتف في رقصة فرح .. تسبي الوجوه بي منظره
فرحانه بي عاشقين أحالو الدنيا جنات مزهره
* * *
شفتيها كيف .. يا عايده .. كانت بي حناننا مخضره !
أنساها كيف .. ياعايده .. وحياة العيون .. بتذكره
* * *
أطراها ديمه .. وفيها عايش دنيا حلوه منوره
هاك أغنياته هديه ليك تختاري منها إسوره



 

رد مع اقتباس
قديم 04-09-2012, 09:37 AM   #10


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



قلبك حجر

عثمان خالد

أقول شعر ؟
ماقلته يا منبع غنايا ولحني لما الليل سكر
دوخت بيك الليل معاي . بالحرقه بكيت القمر
وتعبت معاي كل الحروف واتنهدت كل الصور
والقلبه فيك .. شاهد الله .. بيقطع قلوب الليل وبيبكي الوتر
ولو ما بتحن
مالك مضوق قلبي في دنياك مر
يا بهجه .. يالهفه مشاعر الناس .. ويا فرح العمر
* * *
قبال اشوفك كنت شوق من شوقه غرقان في بحر
ديمه بيهاتي بكف ضراعه ولهفه ساعات السحر
دنياه ليل لامن لقاك يا نور حياته المنتظر
ولقاك صباح كحّل عيونه وصرت في الليلات بدر
فيك انزرع آمال تعانق النجمه وتصافح القمر
واصبح يشيل من الغيوم والشمس ويلون صور
من روحه طرز ليك قلايد شوقه بي انفاس زهر
من دمه كان يروي السطور .. ياحلوه .. يكتب فيك شعر
* * *
يا أحلى من كل الحروف .. يا أغلى حتى من النظر
يا شوق موقد لي جبين اشواقي بي أندر درر
مالك قسيت خليتني بين أمرين أحلاها مر
لا قلبي بقدر يوم يفارقك اريته كان في يوم قدر
ذوبته حب .. عذبته شوق .. خليته عايش في خدر
والليلة جيت تشعل مواقد بعده بي نار تستعر
خليته حاضن الليل عذاب آماله في كف القدر
* * *
مالك قسيت وانت الحنان والرقه والوجه النضر
وانت العليك غنينا دوخنا الشموس بالحرقه بكينا القمر
خليتني بعدك زي يتيم بي يتمه مافي قليب شعر
سارح ابث الليل شكاتي واحكي لعيون القمر
وحالي العلي ما بسر حبيب لو شفته كان دمعك طفر
ولو شفته كان حنيت علي .. يا قاسي .. لو قلبك حجر


 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشاعر الفنان عثمان خالد
الموضوع كاتب الموضوع المنتدى مشاركات آخر مشاركة
الفنان خوجلي عثمان admin2 فنان الاسبوع 49 03-11-2013 07:03 AM
الفنان عثمان الشفيع admin2 فنان الاسبوع 88 06-01-2012 03:46 PM
الشاعر خالد مصطفى الفزازى حسن عمر احمد ادريس قسم المكتبات 160 02-13-2012 01:54 PM
الشاعر الصوارمي خالد حسن عمر احمد ادريس قسم المكتبات 65 02-11-2012 04:12 PM
الفنان عثمان حسين admin2 فنان الاسبوع 142 01-29-2012 12:21 PM

الساعة الآن 09:07 PM.

Powered by vBulletin® Version 3.8.7
Copyright ©2000 - 2019, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون