آخر 10 مواضيع
فاتونا (الكاتـب : - مشاركات : 0 - المشاهدات : 205 )           »          حظي أغرب حظ أشوفه.. ا (الكاتـب : - مشاركات : 0 - المشاهدات : 213 )           »          كيدي العوازل (الكاتـب : - مشاركات : 0 - المشاهدات : 180 )           »          صباحكم قشطه (الكاتـب : - مشاركات : 0 - المشاهدات : 228 )           »          اليوم التاسعه مساء علي الجزيرة (الكاتـب : - مشاركات : 0 - المشاهدات : 2908 )           »          ده ماسلامك (الكاتـب : - مشاركات : 0 - المشاهدات : 2606 )           »          الفهم قسم (الكاتـب : - مشاركات : 0 - المشاهدات : 2699 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 2456 )           »          خواطر (الكاتـب : - مشاركات : 0 - المشاهدات : 2504 )           »          الدورة التدريبية مستشار الإدارات القانونية (الكاتـب : مى محمد احمد - مشاركات : 0 - المشاهدات : 2390 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 04-09-2012, 07:34 AM   #1


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
 اوسمتي
درع الابداع  درع التميز 
لوني المفضل : Cadetblue
Icom23 الشاعر: كامل عبد الماجد



الشاعر: كامل عبد الماجد


تـــــــــــــــــــــــائــــه الخـــصـــــــــــل

امانة عليك يا تايه الخصل
ويا خير عمّ في دروب عمرنا الضايع هطل
انحنا متين عرفناك ومتين الكنا ما دايرنو يحصل
داس مشاعرنا وحصل

شلناك شمعة نسقيها الحنان
غصونها ضوها ما فتر
وغنيناك كاشواق شاربة روعتنا وحنان
همساتنا روعتنا وحنان
همساتنا لابسة ضيء القمر
وغنيناك كامال ما بتخيب
ريانة تنضم نجمة نجمة
تغزل الاهات بعهود مغسولة بعرق السهر
شلناك فوق رموش العين
سنين يا عمري كانت ساكرة تواهت درب

وحيات الحنان الدقنا ليلات لو بتتذكر عسل
وحيات اهة ساقيها الدلال من النعاس خدر الكسل
تايه الخصل








 
 توقيع : حسن عمر احمد ادريس



رد مع اقتباس
قديم 04-09-2012, 07:34 AM   #2


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



تانى قاموا على الشوارع زينوها
وبى شجر ضواى ملون حفلوها
ودوروا المزيكه بره
صادحه رقاصه وشجيه
وكل زول لزول بريدو عزل هديه
وانت ياجبل الاسيه
بس تأمل
كم كريسماس مروا بيك وكم ضحيه
منك الحبان مسافه والبلد نائيه وقصيه
لونوا الليل بالكهارب
وانت يا الطير المهاجر
فكرك الليل كله هارب
طالى فى البلد البعيد
اللون سماها شفق مغارب
صافى ليلو ونجمه مارق
زاهى نورو وضيه ضارب
وانت بين احباب زمانك
هانى بين صفو المشارق
وباللقاءات النديه
وبس تأمل
كم كريسماس مروا بيك وكم ضحيه
منك الحبان مسافه والبلد نائيه وقصيه
فى الحوارى الماها هولك
تمشى والناس ينظرولك
عنك يهمسوا وانت ساهى
ولما تنظر يبسمولك
كل زول حاضنو زولك
وانت وين بالله زولك
فارقك خلاك وليهو شوقك الصادق رسولك
و ليه تحنانك هديه.. بس تأمل
كم كريسماس مروا بيك وكم ضحيه
منك الحبان مسافه والبلد نائيه وقصيه
فى المحطات الغريبه
تمشى خطواتك تحنن
فى المحطات الغريبه
تمشى خطواتك تألم
مره تلقى البدى كلمه
ومره تشتاق للبكلم
ومره .. مره .. يرحبوبك
ومره ما بتلقى البسلم
أو يرد حتى التحية
بس تأمل
كم كريسماس مروا بيك وكم ضحيه
منك الحبان مسافه والبد نائيه وقصيه
كل زول عندو بلدو
المابحن تب لى سواها
وانت ريدك فى الجوانح القاصيه
سارح فيها واصل منتهاها
زى عصافيراً بترحل كونه ترجع لى جناها
بس تامل
كم كريسماس مروا بيك وكم ضحيه


 

رد مع اقتباس
قديم 04-09-2012, 07:36 AM   #3


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



يا الجفيتي وطال خصامك
خلي باب الريد موارب
يمكن يرجع لي حمامك
****
مالو عز علي سلامك
ومالو قل معاي كلامك
تمشي في الناس نسمة نادية
وفيني واقدة جحيم ضرامك
زى تقول ما كنت زولك
ودنيتك وأجمل غرامك
خلي باب الريد موارب
يمكن يرجع لي حمامك
****
في جفاي كملتي عامك
ولسه تقدلي فيني سارحة
ناصبه في جواي خيامك
يسري ريدك فيني ماشى
ويضوي في ليلي ابتسامك
وفي هجير الدنيا لسه
فوقي هامي رزاز غمامك
خلي باب الريد موارب
يمكن يرجع لي حمامك
****
في مسامي سكن هيامك
هل هيامي سكن مسامك
ولا ليك أنا صرت ماضي
وما صبحت من اهتمامك
تنسي كيف الكان بعزك
وفي الأعالي رفع مقامك
خلي باب الريد موارب
يمكن يرجع لي حمامك
****
في غيابك عز نومنا
وأنتي بعدنا كيف منامك
هل بعد ماسبتي زولك
نلتي في الأيام مرامك
وهل لقيتي المثلي رادك
وصان ودادك واحترامك
خلي باب الريد موارب
يمكن يرجع لي حمامك
****
القمرشافك تعجب
في طلوعك وانتظامك
ليهو قال في تمامو ليلة
وانتي طول العام تمامك
ولي ندي الأغصان مواسم
وانتي نادي دوام قوامك
خلي باب الريد موارب
يمكن يرجع لي حمامك
****
كلما أقول ابتعدت
برضو ماشة علي سهامك
وكلما أقول انتصرت
امتثل مهزوم أمامك
وكلما أقول انعتقت
القي نفسي أسير غرامك
يا سلام أنا منو أسرك
ومن حصارك واستلامك
خلي باب الريد موارب
يمكن يرجع لي حمامك
****
تمشي مالية الدنيا زحمة
واتنسيت أنا في زحامك
وما ارتويت من صافي نبعك
ومن رحيقك ومن مدامك
وحتى لو انفض سامرك
عني واتباعد وئامك
خلي باب الريد موارب
يمكن يرجع لي حمامك


 

رد مع اقتباس
قديم 04-09-2012, 07:36 AM   #4


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



ذبح فؤادي إنني

بك يا حبيب متيم

أيضئ مصباح الهوى

إن لم يضئ فيه الدم؟

إني وقفت أمام بابك

بالعذاب أجمجم

لأراك تشرق في الظلام

وفي المشارق أظلم

×××
أنت الزلازل هدمت حصني

ففي التشريد أمني

وسجنت فيك معانقاً

حريتي في ليل سجني

جهلوا فما يدرون أنّا

ملتقى وتر ولحن

×××

أسفرت فيّ فإنني

مرآة وجهك يا جميل

وسملت عيني كي أراك

بعين قلبي يا خليل

فأنا الضرير يقودني

شوقي إليك ولا دليل).


 

رد مع اقتباس
قديم 04-09-2012, 07:39 AM   #5


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



مالو عجلت الرحيل
ما المسافة بعيدة لسه
وانت في عز الصهيل
***
يا سلام وكتين تغني
وتطرب الكون بالهديل
تنشر الالق الموشي
وتنثر الحزن النبيل
وتوعد الناس الغلابة
بالزمان المستحيل
وتورق اشجار الاماني
وتزهو جوانا وتميل
وتسمو قاماتنا وتشابي
وتعلو بي فوق للنخيل
مالو عجلت الرحيل
ماالمسافة بعيدة لسه
وانت في عز الصهيل
***
ماشي في الاجيال هديلك
جيل يغني ويدي جيل
وانت زي النيل بتمضي
صافي نبعك سلسبيل
يا سلام لمن تغني
وينجلي الهم الظويل
وتزدهي الدنيا ونحلق
زي عصافير الخميل
والمحبة قطوفة تدنو
وكل شي يصبح جميل
مالو عجلت الرحيل
ما المسافةبعيدة لسه
وانت في عز الصهيل
***
بسأل الطير الخداري
وبسأل الدوح الظوليل
بسأل ازهار البراري
وبسأل الوان الاصيل
بسأل اسراب القماري
وبسأل البان والنخيل
بسأل المطر النهاري
وبسأل الزمن الجميل
ياتو غيماً جيتنا منو
وياتو برقاً وياتو سيل
مالو عجلت الرحيل
ما المسافة بعيدة لسه
وانت في عز الصهيل
***
يا زمن كترت دموعنا
ونحن هدانا العويل
الحبايب راحو فاتو
واثرو السفر الطويل
افردو الجنحين وطارو
وما فضل للروح خليل
والفرح لملم متاعه
وفرهد الهم الثقيل
مالو عجلت الرحيل
ما المسافة بعيدة لسه
وانت في عز الصهيل
***
نحن لسه مع الطيور
المابتعرف ليها خرطة
ولا استراحة ولا مقيل
نمشي في كل الدروب
الشايكة فاقدين الدليل
فينا ماثل لسه طيفك
وعودك الفارع النحيل
وفينا لسه دندناتك
وفينا جددت الخليل
فجأة عزلت ورحلت
وانت في عز الصهيل
مالو عجلت الرحيل
ما المسافة بعيدة لسه
وانت في عز الصهيل


 

رد مع اقتباس
قديم 04-09-2012, 07:40 AM   #6


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



الهوي البعدت فصولو
ما زمان هدا في الدواخل
جاية مالك تيقيظيلو
وتشعلي النار فيه تاني
وتحيى انقاضو وطلولو
***
الزمن جار واستبد
وارخي في الاعمار سدولو
وانتي لسه في بهاكي
زي غزالن في خميلو
الجمال ابي منك يمشي
استقر وساب رحيلو
والعمر زي البهابك
يرمي سهمه وتبعديلو
يغشي كل الناس ويصيبهم
وانتي ماكي بتسمحيلو
***
الفراش لسه بهوم
وانتي لسه رحيق خميلو
طوف الافاق وابعد
بالسنين حاير دليلو
تبعدو الايام وينأي
ويمشي من عطرك ويجيلو
شتتي الضو بابتسامة
وبي رموشك احتويلو
يــــــــــــاكي ضلو
ويــــــــــــاكي فلو
وياكي خلو البشتكيلو
***
شوف بعد ما افترقنا
والهوي اتبدل سبيلو
وعدو عشرين عام واكتر
وقالوا حبنا يا حليلو
والزمن جاب غيرنا لينا
وكل زولا ىساقو زولو
لسه ريدك فينا ينمو
اصلو ما جفت حقولو
واصلو ما فارقنا طيفك
كل ما يطل نستميلو
***
همسنا النغم المموثق
النسيم كان يرتجيلو
يكسي بي عبقو ونداهو
ويطوي في حضنو ويشيلو
وريدنا سارت بي القوافي
تحكي عنو وتصطفيلو
وغني بي القمري البقوقي
وحل بيهو نغم هديلو
واحتوي النيل في ضفافو
ولف بي توب سلسبيلو
***
كنت لي يشهد زمانك
بس كتر قول البقولو
قالو ماني قدر مقامك
قلت بالتحنان بطولو
وبي وداد ما بحدو ساحل
وبي حنان تهدر سيولو
كنت راجيك بي قصايد
تبقي لي حسنك طبولو
شفتي كيف فد غنوة خلت
شخصك الناس يرحلولو
الشباب ابي منك يرحل
وفي رباك طول مقيلو
لسة بالعود الزرافي
بتخجلي البان تفضحيلو
ولسه بالحسن الخرافي
بتسعدي الكون تفرحيلو
ولسه يا ألق المرافي
ريدي ليك باسق نخيلو
والزمن مادام بريدك
كلميهو يتم جميلو
كان نشوفك مرة مرة
والوصال اجمل قليلو


 

رد مع اقتباس
قديم 04-09-2012, 07:46 AM   #7


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



الزمان الزاهي مرّ
وعدت ايام المسرة
وفضلت الذكري الحبيبة
نارة توقد مرة مرة
حار خلاص الكون ده اصبح
وخوفنا بكرة نشوف احرّ
واسه ما طايقين مرارتو
كيف مع الجاي الامرّ
***
اسدل الابداع سدولو
وما فضل بس غير طلولو
العمالقة انفضو فاتو
وابتدو الاقزام يطولو
يا زمن ايه النقولو ؟
هل نقول نضب المعين ؟
وفننا اندثرت حقولو
او نقول كملو البغنو
والشعر اجدب خميلو
***
كانت ايامنا الخوالي
حلوة طاعمة ومستطابة
يا زمان رجعنا ليها
كان فضل عندك عقابة
نحن منها ما ارتوينا
مالو قافل بدري بابة ؟
النوابغ شتو فاتو
خلفو الاسي والرتابة
لا قصيدة تهز كيانا
لا كمنجة ولا ربابة
لا ولد هز الشباك من تاني
او سجل اصابة
كورة ماف زولا بعدنا
للشباك اسدا مشابا
وفرح الامة الجسورة
الكورته العالم بهابة
***
العصافير الوديعة
الراكه في ينبوع امان
افردت جنحينه طارت
لما خضاها الزمان
في الاقاصي وفي الفيافي
اصلو ما خلت مكان
انحسر صخب الاماسي
وانبهم حس الكمان
***
كانت امدرمان وديعة
وليلة عامر بالحدائق
البصادفك كلو ضاحك
والبقابلك كلو رائق
والحبايب اللينا فيها
بالجمال لفتو الخلائق
الا ما قطعو العلائق
***
كانت الخرطوم جميلة
وليله يلصف بالكهارب
المتاجر الضخمة تفتح
لما فجر اليوم يقارب
الشجر ظالي الشوارع
النوافير النجايل والملاعب
المحطة الوسطي كانت
ملتقي الناس والحبايب
ناس تناقش وناس بتضحك
وناس تقالد وناس تطايب
جاطت الدنيا الجميلة
واصبحت ساحة مأرب
ناس بدون مجهود تحصل فوق
وتصفالة المشارب
وناس تقول مافي البطولا
وفجأة نجمها يمشي غارب
وناس تكابد وناس تجابد
وبرضو ما سادة المطالب
الخليل الكان بزورنا
صدّ مننا مالو هارب ؟
والحسان الكانو غزلان
كيف تحولو لي عقارب ؟
***
يا سلام انا من زمنا
الكان ينابيع من سرور
كانت الحاجات عديلة
ودوغري لا زيف لا قشور
الطيور كانت طيور
والعطور كانت عطور
والزهور كانت زهور
بي شذاها وبي نداها وبالعبير
الغني مجاور الفقير
والوزير صاحب الخفير
***
مجتمع كان من بساطة واحترام
لا تطاول لا تباهي
لا تجافي ولا ملام
تبدا يومك بي حبابك
وتنهي بي مرحب سلام
***
وكل زول حايم اخوكا
وان ختيت او يوم غلطت
في الكبار البزجروكا
والمعلم كان ابوكا
كنا نحترمو ونجلو
كانت الناس بي سلوكا
كان صحابك في المدارس
طول حياتم يذكروكا
لما تطلع فوق تشيلهم
ولما يطلعوا يرفعوكا
كنت تشتاق للحبايب
ولما تبعد يشتهوكا
والقطر كان ستة شوكة
الزمن ما فوضة روكة
بيهو للحبان نسافر
ولا هم حلوين يجوكا
كانت البوستة التواصل
ان بعد منك خليلك
وان بعدت يحنو ليكا
يقولوا وينك يا حليلك
والخطابات المسطرة
والمناديل المعطرة
زي حمام زاجل تجيكا
***
الوداد شار فوقنا ضلو
والحبيب كنا بنجلو
العواطف حاجة تانية
والغرام كان طعمه حلو
المحبة قطوفة زاهية
ولي فروعا الناس يعلو
تزدهي الحيشان وتجمل
الحبايب يوم يطلو
كنا اوفي الناس مودة
في عموم الكون ده كلو
اصلو مافي اتنين تدانو
وفرتقوا وبعدوا وتخلو
***
العفاف كان سوقه عامر
وليهو ما بنفض سامر
كنا بي رقتنا نزهو
وكنا بالتهذيب نفاخر
الصغير كان كلو طاعة
والكبير كان ناهي امر
والوداد كان البشكل
العلاقات والاواصر
***
البلد كانت رخية
لا كلاش لا بندقية
القروش تكفي وتفضل
حتي لو كانت شوية
مافي زول ساكي المعايش
والاكل ما كان قضية
كانت الناس بالعواطف
والمشاعر جد غنية
لا بتجيك من زول اذية
لا بتواجهك يوم اسية
ظلل الابداع زمانا
وطالت اشجارو الطرية
كانت المزيقة طاعمة
صادحة منسابة وشجية
كانت الجامعة في زمنا
واحة زاهية وشاعرية
الثقافة قطوفه دانية
والشعر كان بالسجية
كل يوم اشعار جديدة
كل يوم نكتب قصيدة
مرة في المهدي الامام
ومرة في غصن السلام
ومرة في بدر التمام
مرة في نهرو المناضل
ومرة في عزة الفتية
مرة في الزهرة الندية
ومرة في الجارت عليا
ومرة في الدر البراري
الفيها شفت شبه صغاري
وليها اوفيت الله داري
ومرة في اخت القماري
ومرة في الحلوة القصيدة
ومرة في النافرة العنيدة
ومرة في الاسرني ريده
مرة في الوادعة القيافة
ومرة في الجادة البخافة
ومرة في ست الظرافة
ومرة في الاسر عفافة
ومرة في السامقة الزرافة
مرة في عبدالفضيل
ومرة في شدو الخليل
ومرة في برعي الجميل
ومرة في حسبو الطويل
***
صاح زمانا الزاهي مرة
وتفضل الذكري الحبيبة
نارا توقد مرة مرة


 

رد مع اقتباس
قديم 04-09-2012, 07:48 AM   #8


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



لله عالم ماني جافي
ليكي طاري وليكي وافي
وعنك ان طال انصرافي
القدم بس ليهو رافع
يا اريج ورد المنافي
طيفك الفنان سكنا
وسوا في العينين مرافي
خلا صورتك لينا دانية
وانتي في البعد الخرافي
كلما نعاين نشوفك
طالعة من برد الشوارع
ومارقة من جمر المدافي
يا ام ضباب لو ما ظروفنا
كنا عدنالك حوافي
احكي ليك انا عن شقايا
ولا عن سعدي المجافي
ولا عن زمني المشاتر
ولا عن قتري وكفافي
ولا عن جور الليالي
ولا عن ضن الاماني
ولا عن طول اعتكافي
ولا عن قمحان طوافي
احكي ايه واخلي ايه
وحالي واصلك ماهو خافي
الله عالم ما نسيتك
الا ليكي طريقة مافي
من حزمت متاعي فتك
طاشي في التيه والفيافي
اغفو بي نغم الهبايب
واصحو بي صوت السوافي
والنهار يصليك سمومو
ونارو ما بطفيها طافي
في مدن يادوبة قامت
من بعد نوم العوافي
ليلة غارق في سكونو
ونورها قدر الفيها طافي
وانتي في غيمك تغني
والرزاز باليك صافي
وبالجليد متغطي ليلك
برا حالم وجوه دافي
اعفي لي كان بعدي طول
ماني ليك انا عمري عافي
وسلميلي علي الاحبة
والبقابلك كلو عافي
يا زمان هل عودة تاني
نعيشا ايامنا الصوافي
مافي زول سائم شبابو ؟
نشتري ونجزي ونكافي
مافي زول يدفع صباهو
وندي من فيض القوافي
قدلة يا مولاي حالق
في ضفاف التيمس وحافي
وسهرة بين خلاني رايق
تاني في الغرف الدوافي
ووقفة في بيكاديلي ضاحك
وجنبي محبوبي الموافي
وجلسة في ترافلقا هاني
وخلي في احضاني غافي
يا ام ضباب انا ما نسيتك
والله عالم ليكي وافي


 

رد مع اقتباس
قديم 04-09-2012, 07:49 AM   #9


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



حدها متين الحرابة


كامل عبدالماجد

الحمام الفر جافل
امتي يرجع ليكي قافل
والسلام من تاني يقدل في رباكي الحلوة رافل
****
يا عرين اهلي البواسل
ما عرفنا الفيكي حاصل
الجيوش تزحف حيالك
جيش يفوت والتاني واصل
والاذاعات بيكي ترطن
من صباح لي ليل تواصل
والوفود قاصداكي تتري
فيكي تفتي وفيك تفاصل
والحمام الفر جافل امتي يرجع ليكي قافل
****
يا عرين أهلي الكرام
البعشوا الضيف نعام
البشيلوا الليل قيام
الزمان جلجل هديرم
وساروا في جيش الإمام
والزمان دفقوا العطايا
ودثروا البيت الحرام
يا سلام أنا يا سلام
كيف أفل بالله نجمك
وصرتي في الآخر حطام
والحمام الفر جافل امتي تاني يجيكي قافل
****
ياعرين أهلي الطيابة
حدها متين الحرابة
الدمار ماخلا حلة
والحريق ما خلا غابة
عشعش البوم في طلولك
والبيوت صبحت خرابه
والخيام صبحت ملاذ ك
بي جحيمة وبي عذابة
كيف تعيشي علي الإغاثة
وكنتي للوطن السحابة
كافي خيرك ويكفي غيرك
ليكي شنة وليكي رنة وليك مهابة
هل كبارك شتوا فاتوا وسدت الجودية بابة
والحمام الفر جافل هل بعود ليك تاني راحل


 

رد مع اقتباس
قديم 04-09-2012, 07:51 AM   #10


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



دي ابتسامة
ولا قمرة في ليل تمامة
ولا شمسا نورة يجهر
منّو ياالله السلامة

******

دفقة الضو المطلة
جودي بيها
عليكي الله
وشتتي النور
في المحلة
دي ابتسامة
ولا مجموعة اهلة
بي سناها
وبي ضياها
وبي زحامة
ولا عالم من وسامة

******

ابتسامتك ادهشتنا
وبالسنى الوضاح سبتنا
وفجرت فينا القصائد
انتي حكمة
ولا آية
ولا بدرا في وسطنا
ولا برقا شع ساطع
بدد الوان الغمامة

******

ابسميلنا
ياعطر روحنا وخميلنا
ابسميلنا
يانبع قولنا وهديلنا
انثري النور
في نفوسنا
وبابتسامتك
ضوي ليلنا
وخلي حسنك
في جناح الريد يشيلنا
لي شواطئ
ولي مشاعر مستدامة
دي ابتسامة
ولا قمرة في ليل تمامة


 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشاعر: كامل عبد الماجد
الموضوع كاتب الموضوع المنتدى مشاركات آخر مشاركة
ملف كامل عن الحمل والولادة ايه عبدالقادر منتدى الصحة 17 07-14-2012 07:11 AM
إعتقال الدكتور كامل إدريس بكري حاج احمد المنبر الحر 0 06-21-2012 02:42 PM
حاج الماحي (الشاعر) و(المغني) و(المادح) سيف الدين حاج احمد قسم المكتبات 26 02-28-2012 03:02 PM
إلهى صلى على الخيارا كلمات حاج الماحي اداء اولاد حاج الماحي محمد ابوعمر منتدى المدائح النبوية 0 12-15-2011 07:15 PM
الفوتوشوب الاصار 12 الداعم للعربية :: كامل:: بكري حاج احمد تعليم برامج الكمبيوتر 0 05-09-2011 06:29 PM

الساعة الآن 03:11 PM.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون