آخر 10 مواضيع
زفة المولد (الكاتـب : - مشاركات : 1 - المشاهدات : 231 )           »          كل عام وانتم بخير (الكاتـب : - مشاركات : 0 - المشاهدات : 733 )           »          المنتدي يفتقد عضويته (الكاتـب : - مشاركات : 0 - المشاهدات : 808 )           »          فاتونا (الكاتـب : - مشاركات : 0 - المشاهدات : 642 )           »          حظي أغرب حظ أشوفه.. ا (الكاتـب : - مشاركات : 0 - المشاهدات : 740 )           »          كيدي العوازل (الكاتـب : - مشاركات : 0 - المشاهدات : 578 )           »          صباحكم قشطه (الكاتـب : - مشاركات : 0 - المشاهدات : 670 )           »          اليوم التاسعه مساء علي الجزيرة (الكاتـب : - مشاركات : 0 - المشاهدات : 3589 )           »          ده ماسلامك (الكاتـب : - مشاركات : 0 - المشاهدات : 3107 )           »          الفهم قسم (الكاتـب : - مشاركات : 0 - المشاهدات : 3339 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 04-05-2012, 09:12 AM   #31


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



مشت في ذاتي ..



مشت في ذاتي آتيه عاتيه طاغيه ذاته


دي الشموخ الما بعدو وحاتكم وحاته


شُفته الدلال فيها مازِح ممزوج بي غتاته


إتمنيت لو أي دلال إتعطر بيها مزحاته



أزهر الشارع لما طَلّت والبيوت وشُرفاته


وسَرّتْ سَرَتْ فرحه ومعاها ضحكاته


البال ليها إنشرح والقلب طار فرح


ليها ولي رايع صفاته



لي نضاره إزهاره إبهاره أنهاره جناته


خُطاها الدهشه اللّينة وهشه مشياته


الأرض تشتهيها ماشة فيها وطياته


تفرهد تغرد تزغرد تحيا ويزهر نباته



لما ودعت مشت وفجأة نظرتْ إلتفاته


الأرض إتشهدت مادت وكادت إنفراطه


بسيطة وفي البسيطة سطعت إنبساطه


شتيلة القمر من صغيرة ريده شَبَّ تاته



كِبْرَتْ وكِبر معاي جُواي جَوَى آهاته


أحيت فيّ الفصول بعد ذبوله وإنحتاته


أينعت كل السهول لما هاشه ماشه جاته


الصابة وعد النزول مطر غيماته



الهابة بعد الهطول عليلة ندية نسماته


أروت العطش المَهُول من كوثر فُراته


أزهرت كل الشتول في أديم مساماته


الأفق صَمتْ الذهول بَرَقَتْ فيهو بسماته



إتكحلت مرافي الوصول بيها جياته


دندت مواقيت الحلول تناجي طلاته


قالت سلام فارقت نفسي صِراطه


وتاني سلام أسْلَمَتْ روحي حياته



غلبني الكلام ونفسي شافت مماته


والممات الزي مماته حياه من حياته


وإتلاشت رويداً رويداً ذاتي فيها ذاته


ورويداً رويداً إتلاشت روحينا ذاته



الدنيا شهقة ماجت ولاجت إنفلاته


إتمنيته لو لي روحي أبَدْ مَرْقَدْ سُباته


أيقظت كُلي إنتباه بي حضوره ميقاته


زينت كل الدورب في أبعد مسافاته



معاها تَسْبَح الروح وتَسعَد مَداراته


ولي ريده لو شُفتو كيف مُداراته


في عيونه حاجَة تلجِم عُصاته


ورموشه سيوفه والفاتكة عَصَاته



إصابة وصبابة وتتمنى الأجل لحظاته


والصَوْلَة الصَليل تَصْهِل فيها ساحاته


حبيت حديثه الشارده بيهو نظراته


حبيتو ليهو كاتمه وبيهو ناطق سُكاته



مشيت ومشاعري قَبْلي مشت سِكاته


لي المزاح المغطغط ممغنط غتاته


ولي الوجه القمر وصمت السَحَر إنصاته


لا عيوني عنو حادت لاحديثي مره فاته



وأحلى الأيام مشيناها نحنا كنا تلاته


هي وأنا وقلوبنا دقاته إسراعه وسكناته


رَمَتني بي لِحاظه وتالَتْ فيّ غزواته


ناري وحاصرتني .. في عقر داري


فأهديته أول وكل إنتصاراته


مشت وَلّتْ وفي ذاتي خَلّتْ لفتة وداع تحياته




 

رد مع اقتباس
قديم 04-05-2012, 09:15 AM   #32


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



باكية .. مشيت ..


لاقيتو والزمن جَد بينا طال

الجال حبو وحبي

جوانا وصال

خليت دربو مشيت

وقلبي ليهو ميال

ناداني ..

بصوتو الزايدو جمال

بالله تعال

ما تمشي تعال

وقفته وقلبي لي الهم شيال

سألتو إيه عايز

كان ردو ..

وآه من جَدو

نارو ووردو ..

بالله دا سؤال

جاوَبني أريتو ما جاوَبني

عذبني بي ردو عليّ وقال

بحبك وجواي

حبك تدري مازال

سكته

وحبو في عيوني باين زلزال

هزاني ..

أبكاني ولي دمعي اسال

حاولت أرد

بي الفي خاطري جال

لقيت بيني

والكلمه مسافة أميال

لقيت بيني

والهمسه قمم وجبال

أغمض وأقول

أخاف تفسيره دلال

يا ريت

لو أقدر أقولو زي ما قال

برضي بحبك وراجياك منال

بي عيونو سألني ..

ما معناه .. آمال

بعدته عيوني

أحرجني ولسه ما قال

خِشِيت

فيهن إلمح جوابو سؤال

مشيت ..

ومعاهو فؤادي

سمعتو إنادي ..

يا عمري تعال

بين عقلي ..

أقولي ريدو تاني محال

وقلبي معاهو ..

إردد ما تمشي تعال

مشيت ...

بي أساي .. وخطاي تُقال

مشيت ...

ومشاعري جواي قِتال

مشيت ...

وأشواقي طاعنه نِصال

باكية مشيت ...

والدمع شلال

إتمنيت

لو ليهو جيت أختال

بس حالي لو دُرتو مثال

الليل

الأظلم ومليان أهوال

أخدته أنفاسي ..

ما قدرته ..

وين إحساسي

آه يا راسي

لو تدري .. وتعذر ناسي

كان أدوني معاهو مجال

دا الكاد إكتُلني غزال

كما حباني أحِبو وأكتر

وحُبو جواي لازال

حُبو جواي زلزال ..



 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشاعر : حيدر الشيخ
الموضوع كاتب الموضوع المنتدى مشاركات آخر مشاركة
جهاز الأمن : الحلو يدير العمليات في جنوب كردفان محمد جعفر فضل المنبر الحر 1 05-12-2013 08:32 AM
الشاعر إمام علي الشيخ حسن عمر احمد ادريس قسم المكتبات 19 03-08-2012 12:08 PM
عمر قسم السيد حسن عمر احمد ادريس قسم المكتبات 93 02-05-2012 10:13 AM
الصدى سيف الدين حاج احمد المنتدى الأدبي الثقافي 0 01-23-2012 04:27 PM
حيدر بورتسودان عبداللطيف عوض الله ديوان الحصاحيصا 0 07-23-2011 07:51 PM

الساعة الآن 03:33 PM.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون