آخر 10 مواضيع
فاتونا (الكاتـب : - مشاركات : 0 - المشاهدات : 199 )           »          حظي أغرب حظ أشوفه.. ا (الكاتـب : - مشاركات : 0 - المشاهدات : 212 )           »          كيدي العوازل (الكاتـب : - مشاركات : 0 - المشاهدات : 179 )           »          صباحكم قشطه (الكاتـب : - مشاركات : 0 - المشاهدات : 226 )           »          اليوم التاسعه مساء علي الجزيرة (الكاتـب : - مشاركات : 0 - المشاهدات : 2901 )           »          ده ماسلامك (الكاتـب : - مشاركات : 0 - المشاهدات : 2603 )           »          الفهم قسم (الكاتـب : - مشاركات : 0 - المشاهدات : 2696 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 2450 )           »          خواطر (الكاتـب : - مشاركات : 0 - المشاهدات : 2501 )           »          الدورة التدريبية مستشار الإدارات القانونية (الكاتـب : مى محمد احمد - مشاركات : 0 - المشاهدات : 2387 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 04-05-2012, 08:04 AM   #21


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




خليهو .. عايش .. عشم ..



داير إصرح بي مشاعرو ليك

لكن خايف ردك إكون: فاهم غلط

وحالو من حال زول بريدك ..

بي قُدرة قادر إتبدل .. عبط

وتنهار في لحظة آمالو فيك

ونبيلة عندو مليون خُطط

سيرة ووقفة عروس وأبشرن

وإشتت فوق الحسان رحط

حاسب نفْسك .. أقيف إتأمل

وما تمشي مع غرورك شطط

ما تمشي دايس فوق قلب بريدك

وتَظْهِر حكايتو معاك

رامي نفسو عليك .. لُبط

خليهو عايش حبك .. عشم

لو كان ردك: فاهم غلط

خليهو عايش حبك .. وهم

لو كان قلبك .. قسوة زلط

خليهو .. بين بين .. وسط

حالة كدا فيها ولو طيفك فقط

خليهو عايش حبك أحلام

موجة تتكسر رمال ضاميها شط


إيه ذنبو .. لما شافك رقة

ومن حُسنك إعجاب إنبهط

وإيه بالله إضيرك لو إنسان أسيرك

عاشك عشم سعادة وإنبسط

خليهو في ظلك .. ولو ..

واحد في رهط

خليهو حبة خرز في عِقد

جميل لا أذاك لا جِيدك إنفرط

أحسن من ردك مهما كان لطيف

إخليهو بائس وعايش في سخط

أحسن من رد إشوفو قاسي

إسيب الدنيا والفيها .. يائس قنط

خاف الله .. إنت السبب .. لو عن

وعيو غاب .. وقلبو تعبان هبط



 

رد مع اقتباس
قديم 04-05-2012, 08:04 AM   #22


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



لا .. للحرب ..


سهلٌ أن ترفعه السلاح

صعبٌ أن تنتهي بعد إندلاعها الحربُ

في الوطن الواحد في الكون الواحد

شمال جنوب شرق كان أو غرب

لا للحرب لا للطلقات مدوية لاتميز

بين عدوٍ وصديقٍ طفولةً يتوكأها شَيبُ

لا لأنهار الدماء مهرقة لا للبيان

والبيان المضاد وسيل الشتم والكذبُ

لا لخيرات الوطن مهدرة في لاشيء

يتبعها إهدار لطاقات الأُمة والشعبُ

لا لسلب الارواح لا لسلب العقول

لا لكل انواع الغش والتدليس والسلبُ

لا لحقٍ ثمنه دم أخي وعنه

إن تنازلت لا جرم أو تفريط أو عيبُ

لا للاوداج منتفخة والعين تتطاير شرراً

والشرر نار يزكيها غضبُ

الوطن وأهله وثرواته وكل ما فيه أمانةٌ

لاتجعلوا مصيره بالأيادي لعبُ

كم شردت الحرب أناساً وكم أهلكت

من انفس حرة زكياً دمها سال منسكبُ

أزالت المروج خضراء ورائع الطيور

مضى بعيداً سرب إثره سربُ

كم من أُمٍ أضحت ثكلى تبكي وحيداً

وكم عروسٍ باتت ليلها وهي تنتحبُ

وكم من طفلٍ تيتم حل الأسى في

عينيه بعد أن ساد ودان له الغَلَبُ

وكم ضيعتم من شباب يدخر لبناء

الوطن أَم تريدونه دكاً جدباً وخَرِبُ

أم هي السلطة واحد يريد أن يركبها

ولن ينزل من قبله سرج والحق يُغتصبُ

كم من حرمات كثيرة بإسم الوطن

لا بل في حق الوطن وبنيه ترتكبُ

الفاقة سمة للاجيال غدت والحقوقُ

تُغتصبُ والتساؤل مَنْ المغتصبُ


خمسون عام والمحصلة صفر لا بل

تحت الصفر وحرب هي الجدبُ

الثروات تحتها دوماً وميض نار

لعن الله من مشعلٍ لها حطِبُ

تضاءلت الآمال عاماً بعد عام بعد أن

كانت عند الاستقلال تتعانق والسُحبُ

ما بال الخطى الوئيدة الواثقة الجريئة

في نصف الطريق تحتار تضطربُ

ضع يدك في يدي ضعها في يد أخيك

في يد (عدو الامس) غداً لاترحم الحِقبُ

تأمل الحال متسلحاً بالعلم ولا تتعجب

إن انتابك صرعك في وعيك العجبُ

الناس تبحث قطرة ماءٍ نقيٍ للشُربِ

وماء النيل يجري خالداً كوثرٌ عذبُ

ثروات الأوطان للاجيال بوعي تصان

وثرواتنا تهدر عنوة وغفلة شدٌ وجذبُ

فلا نتعجب غداً جميعاً إن لحقتنا لعنةُ

رضيعٍ هزيلٍ هَدّه من أمٍ مريضةٍ حَلبُ

عذراً عزه لاتغضبي إن بعض أبنائك

آذوك مراتٍ أو أُسِيء في َحقِك الأدبُ




 

رد مع اقتباس
قديم 04-05-2012, 08:05 AM   #23


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




بي كيفِك

بي كيفِك أمشي ..

وين ما دُرتي تمشي

تاني لا تعبان معاكي

لا مساهر ليك رمشي

لا عذاب الجرح جابِك

لا ربِك فيّ تخشي

معاي حق لو نزلتك

مـنو عالي عرشي

دايره ترجعي وفي

الماضي قاعده نبشي

قايله غيرك لي تاني

ما طالعه شمسي

حبيتك بس فَرِق بين المحبه

والمذله وما بذل ليك نفسي

شايله ذنبي صابحه

بيهو وأمسي

ما حديثي عندِك

كان ليهو جرسِ

ما خطاي ليكي

كانت افراحه عُرسِ

ماتقولي حظي عاثر

وفي يومو نحسِ

غلطانه في السِرُو عنك

ما كان مَدَسِ

غلطانه بس لي متين

انتظارِك تحسي

غلطانه ايه ذنب الشايلك

فيهو همسِ

حزنانه بس بُكره

زي كل الناس بتنسي

اتعلمتي ايه لو راجعه

مره تاني تقسي

بلملم جراحي كأنو

ما كان بينا أمسِ

بلملم جراحي كأني

يادوب عرفتك هسي



 

رد مع اقتباس
قديم 04-05-2012, 08:05 AM   #24


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



مافي داعي ..

لما ألقاك بتهرب مني أوجاعي ..

صدقيني


في غيابت جُب .. بعيدة ..

ماخده معاها كل آلامي وصداعي

شايله احزاني وأفضل أكتب

فيك مليون مليون قصيدة ..

بي دم قلبي ..


ما دا أصلاً ليك حبري ويراعي



وتفرهد الدنيا زاهية بيهو حُب ..

مشاعرك ليهو تروي

وفينا إصُب

والقواسم والطلاسم

فيهو تبدو غير..



الفرحة شلال طاير

إغرد بيها طير

ممزوجة بي صمتك وإلتياعي



والحكاية هنا تبدو عاطفة عاصفة

وجد جديده

عصافير تتناجى والأعشاش بعيدة

والأثير صبابة جابه أشواق وريدة

بداعي الحب وغيرو أصلاً في داعي



أسأليني .. لو شئتِ..

أو أعذريني وقولي إنتِ ..

كلميني عن ..

الغِبطة الجاية ندية صوتك

وردة وحارسك فراشة وين أفوتك



وعن سر الجاية طالعة

حَرى مَرة ومُرة .. آها

والدنيا الماخدة من عيونك

لونه وصفاها

وعن مشاعر عطشانة

وعشمانة تلقى عندك رَواها



وعنك ..

وعن كيف كان أول إنطباعي

أحكي .. ولا ما في داعي



لو تدري إنك .. أول مرة شفتك ..

أو بي الأحرى شفتَ جمال حروفك

كانت أول مرة أشوفن

وفيهن أشوفك



مُهرة .. جامحة جاية جاريه

قلبي مضمار عامله ضربة بدايه

وفي أخرى روايه

عامله أشواط لي النهايه



النظرات المتعة القراية

ساربة سايرة قصة وحكايه

يا للجمال الروعة آيه



أحكي لسه ولا .. ما في داعي

أحكي ..

ضاحكة وجمالك .. يا الله .. إبَكي



شايله حِسِك .. من مَدَسِك

مغاراتك كهوفك

دافقه فيّ صوتك

وهامسة عليّ خوفك



وليّ وصية قايلة ..

بالله .. من نفسَك خلي بالَك

ما تسرح وشوية ألجم خيالك

وإن نسيت سؤالك



أعذرني

ما حالي أصبح زيو حالك

خايفاهو مني بعيد

جاك شالك



بعدين بجيك أجاوب سؤالك ..

هو شنو كان سؤالك؟!!!

نسيتو ما حالي مش قلت ليك

بقى زيو حالك



كانت كلماتك لي وصيتك

في كل مرة فيها لينا جيتك

ربنا إديك على قدر نيتك

ومن نفسِك برضك خلي بالك



في زمن الأنفاس فيهو لاهثه ..

وهو إقسى

لي وين .. ومتين بينا إرسى ..

أنا ما عارف ما إنتِ أدرَى



إلا ريدك حقيقة بيهو بتَّ أدري

يا ريت لو عرفتك من زمن بدري

كان حاجة تانية أصبح بيك عمري



دي لحظة كانت حاجة تانية خالص ..

بقيت في حالة تانية .. وصدقيني

لو قلت أني في حكم الواعي

لكني بقيت ماني واعي



ولو تدري القلب سوا فيّ العجب

مساهر الليالي وإمكن عارفة السبب

ما الفراق قسوة وفي حكم الصعب

زايد وواقد جوانا لهب



يا قمري الطلوع ما أحتجب

ما الليالي .. لي الزيو حالي

جد طويلة

معقولة بعد دا كلو ..

لسه عايزه تعرفي عنك إنطباعي



 

رد مع اقتباس
قديم 04-05-2012, 08:06 AM   #25


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




مزامير .. لمن أحب ..

رضعتَ شهدك

نيلك .. نهدك

صَبِك .. وَجْدِك

مزحك .. جَدك

واديك وَهْدِك

إنتِ وحدِك

رضعت عهدك


ورضعتَو حُبك

جاري في دماي

طفولتي وصباي

كهولتي وألا ليت

هِناك هَناك وراي

وعيونك تعال لبيت

حضنك داري بيت


ماضي حاضري

وعمري اللسه جاي

فرحي وأساي

همي وعزاي

وبي رضاي

كامل قواي


واعي .. جِيتك

وأخترتك عديلة

سامية ونبيلة

أحبابي قبيلة


وظلالك خميلة


رايعة وجميلة


براحاتي المهيلة

وفي الدنيا العجيبة


وحدك إخترتك حبيبة




 

رد مع اقتباس
قديم 04-05-2012, 08:08 AM   #26


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



كانوا هنا .. ومضوا .. ومضاً



كانوا هنا .. بالأمس نسمة الفجر


وفي إشراقهم دفئاً


يُطلُ تمايُل


في عيون السنابل


وضحكتها أشعة الشمس


وشيءٌ مغموسٌ في الأسحار


كانوا الأمسيات الجميلة رقصاً


تكحلت بمزيج الليل ونوره البدر


البراحات الوشوشة تتراءى


وتتثنى بالهمسِ


كانوا هنا .. فأين ذهبوا أين رحلوا


خبرني


يا من في الأخبار لنا أيقظ


وقيل رويترز


وفي أخرى رواية


قيل (بلاّلة)


(الخبر الأكيد بتجيبو بلالة)


هكذا سمعتها غناءً في ذات


صيفٍ نهاره حره أغيظ


التي يبدو أنها في الأخبار .. صدقاً


عصيُ التجاوز


لو .. أثراً لهم ترى .. أو خبراً تدري


لا زال صوتهم دفئاً يأتي وفيّ يسري


لا زالوا آهة الوردِ عانَقَهُ الندى


نجمةٌ وسنا في عمري


كبريق الوعد بسمةً في العيون


ربيعاً بديعاً أريج


وأشياء من هذا وذاك والروعة مزيج


كانوا برتقالاً وبشاشات وحبات تمر


وشيء يجعلك بين اليقين والتردد


بين الإطمئنان والتشرد


بين الوقوف والتودد


والإنطلاق سؤدد


ودعوة ..أن إتفضل تعال


الدهشة وشيء من الخُطى


المثقلات إعتلال


بطرب النعال وبالسؤال


شيٌ من بهجةٍ ومن لهجةٍ ومن مهجةً ..


من غضبٍ


ومن حُلمٍ


ومن فرحٍ


ومن حزنِ ..


شيء في الخاطر .. وفي أكباد الزمنِ


ومن هذا وذاك ..


شيء من الحياة والهلاك ..


وردٌ ..


وخرزٌ


ونزٌ


ولزٌ


ووخزٌ .. أشواك ..




 

رد مع اقتباس
قديم 04-05-2012, 08:09 AM   #27


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




متى كانت الأم قسمة!!! ...


لا تقتسموها ..

فالأم رحمة

متى كانت الأم قسمة!


لا تقتسموها ..

فالأم بسمة

متى كانت الأم قسمة!

لا تقتسموها ..

فالأم نسمة

متى كانت الأم قسمة!

لا تقتسموها ..

فالأم همسة

متى كانت الأم قسمة!

لا تقتسموها ..

فالأم حانية لمسة

متى كانت الأم قسمة!

لا تقتسموها ..

فالأم شمعة

متى كانت الأم قسمة!


لا تقتسموها..

فالأم حنينة دمعة

متى كانت الأم قسمة!

لا تقتسموها ..


فالأم أسمى

متى كانت الأم قسمة!

لا تقتسموها ..

فالأم حكمة

متى كانت الأم قسمة؟

لا تقتسموها ..

فالأم عِصمة

متى كانت الأم قسمة!

لا تقتسموها ..

فالأم سُلطة

متى كانت الأم قسمة!

لا تقتسموها ..

فالأم ثروة

متى كانت الأم قسمة!

الأم سُلطة

والأم ثروة ..

لا تقبل إلا على

المحبة القسمة ..

ومحبة خارج القسمة

متى كانت الأم

غير ذلك قسمة!!!؟؟؟




 

رد مع اقتباس
قديم 04-05-2012, 08:09 AM   #28


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



يا داخله من باب الوريد

يا داخله من باب الوريد

أدخلي في عمقي الأبعد بعيد

في عمري المعاك أزهر جديد

والدنيا حالمة باسمة عيد

جواي وواقفة في المدى والخطر

يا بِنيه إياكِ الحذر .. الحذر

معاك إنهدت متاريس الوقار

صَحّت وجع المزامير الأنين

السَنين وحار

والسنين الصابرة وتشهق إحتضار

من زمن راجياك تفرهد إزدهار

في وسط اللمة وجلسة السُمار

صوتك جاني ولي إختيار

همس الندى العانق النُوار


راجيك أنا وأرضي السَمار

راجيك صبر القِفار

الغافية وما ملت إنتظار

لي جية خريفك والمطر

يا بنيه أقبِلي .. أهطلي

المطر .. المطر

في أصقاعي البعيدة والحضر

أطلعي في لونك بهيج

خلي أشجاني التهيج

أطلعي في شتى الصُوَر


وهواكِ .. إياك المدى والخطر

يا بنيه إتوجسي الحذر .. الحذر

يا بنيه إتحدثي مدك لي غمر

ولي جية ربيعك إخضرار

أصحَى وأنوم في بردك والسَموم

في مطرك والغيوم

ما همِك غير الهموم

أنة طبول وموجوع بالألم دقه طار

جايب الآهة الفَتَر

الرويانة من أوجاع الليل والسهر



يا بنيه معاكي وقاري إنحسر

يا بنيه هيا أقبلي

يا بنيه هيا إتهللي

يا بنيه هيا أهطلي

وجهك صباح ووهجك نهار

وأنا المحتار

ما بين دهشتي والإنبهار

إنتشيت .. واقف والظن مشيت

ما أجمل دربك مسار

رغم العواصف والهواجس والغبار

واليابسة عطشانة أوراق الشجر

أعاينك سما وراجيك مطر


يا داخله من باب الوريد

خليني تاني أحكي واعيد

عن عمري المعاك أزهر مديد

ما الدنيا بيك دايماً باسمة عيد



 

رد مع اقتباس
قديم 04-05-2012, 08:10 AM   #29


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




إليها في أثيرها .. ذات عام (ثوجد)



هناك .. عند خط الحُنوِ .. الأفق البعيد ..

والتقارب بين شفاه الثرى

وأنفاس الثريا

الأرضُ تفيض إنوثة في كرمٍ وإشتهاء

تُمكن .. في دلال .. أكف الأفق

من خصرها

فتلاحقها .. تبتغي إطعاما .. النظرات سماء

ثم دعاءٌ .. فدعاء .. يتكاثر ويتوالد دعاء

تلاقت .. تعانقت الثريات

عُرس السنا الوهاج .. إذهالا

ثوراً وجدياً

تمخض العُرس ينعاً ..

يا لطفل الوهج الابراج

زكيا بهياً اسمه:


الثوجد

إندلق ضوءٌ مع الأسحار في فم العشق

والفجر نطق للوالهين الاحتراق ..

المحبين الاشواق .. روزنامة للعشاق

تقويماً .. تاريخاً


ق ث ج
و
ب ث ج

قبل الثوجد
و
بعد الثوجد

باركته احتفاءً النجوم والكواكب .. الشموس


والاقمار والمجرات والافلاك

إزدانت السماء وإزدادت وهجاً فخفوتا

بريقاً .. سحراً .. غموضا

فأصبحت ساحة .. لواحة ..

يتداعى إليها الرواة وتتثنى فيها الرواية

مع روعة الحكي الجميل أساطير

بأساطيل وقناديل وتعاليل وتباتيل

وأهدته الى الأرض والدنيا


استلقت الرؤوس على الظهور

تقوست الاعناق ..

لو تخترق الابصار الانشداه

مهرجانات الثريات وهجا

انظروا .. انظروا .. أنظروه

وتحبو الاصابع من الاكف

استطالة .. استطالة .. وإستمالة

ودت لو تلامس السماء والاقمار

فهل يباركه أهل الارض في لهثهم (الترتار)

يمسحون على رأسه .. ويباركوه

أم يفعلوا به فعل التتار

يضرموا فيه وفيهم مع جديدهم النار





 

رد مع اقتباس
قديم 04-05-2012, 08:11 AM   #30


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



الحُزن نجمة وحيدة ..


والحزن نجمة وحيدة بعيدة

تسامر ظلام الليل

طالعة دليل

حزينة وتغسل حزن الناس

وحيدة وترسل خيوط

الضي إحساس

وتهتف

يا سُمار العتمة هاكُم ضيْ

الحيرة المشي والجيْ

ويا سُهّار الوجع الوَي

أسحار الصبح النَيْ

سراب القفر الطَيْ

العشم الهمة جِنَيْ

ويا جُلاس

الرقة نِدَيْ

الإلفة الجدول

أول وزَيْ

وأكتر أجمل

إعود ينبوع النور الجدول

فرح الناس إتشكل

محبة وفضل الزاد إتجدل

ميعاد اللهفة الما بتبدل

ولا بتتعدل

تصهل جايه دون أنفاس

شالت نوم العين ونعاس



 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشاعر : حيدر الشيخ
الموضوع كاتب الموضوع المنتدى مشاركات آخر مشاركة
جهاز الأمن : الحلو يدير العمليات في جنوب كردفان محمد جعفر فضل المنبر الحر 1 05-12-2013 07:32 AM
الشاعر إمام علي الشيخ حسن عمر احمد ادريس قسم المكتبات 19 03-08-2012 11:08 AM
عمر قسم السيد حسن عمر احمد ادريس قسم المكتبات 93 02-05-2012 09:13 AM
الصدى سيف الدين حاج احمد المنتدى الأدبي الثقافي 0 01-23-2012 03:27 PM
حيدر بورتسودان عبداللطيف عوض الله ديوان الحصاحيصا 0 07-23-2011 06:51 PM

الساعة الآن 02:06 AM.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون