آخر 10 مواضيع
زفة المولد (الكاتـب : - مشاركات : 1 - المشاهدات : 45 )           »          كل عام وانتم بخير (الكاتـب : - مشاركات : 0 - المشاهدات : 567 )           »          المنتدي يفتقد عضويته (الكاتـب : - مشاركات : 0 - المشاهدات : 644 )           »          فاتونا (الكاتـب : - مشاركات : 0 - المشاهدات : 436 )           »          حظي أغرب حظ أشوفه.. ا (الكاتـب : - مشاركات : 0 - المشاهدات : 488 )           »          كيدي العوازل (الكاتـب : - مشاركات : 0 - المشاهدات : 386 )           »          صباحكم قشطه (الكاتـب : - مشاركات : 0 - المشاهدات : 455 )           »          اليوم التاسعه مساء علي الجزيرة (الكاتـب : - مشاركات : 0 - المشاهدات : 3235 )           »          ده ماسلامك (الكاتـب : - مشاركات : 0 - المشاهدات : 2838 )           »          الفهم قسم (الكاتـب : - مشاركات : 0 - المشاهدات : 3034 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 04-09-2012, 06:42 AM   #1


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
 اوسمتي
درع الابداع  درع التميز 
لوني المفضل : Cadetblue
Icom23 مكتبة الشاعر إسماعيل حسن



الشاعر الكبير إسماعيل حسن

مما لا شك فيه أن الشاعر الكبير الراحل المقيم إسماعيل حسن شاعر مجيد وفنان عبقري ....ملأ الدنيا وشغل الناس بأشعاره وقصائده الغنائية العاطفية والوطنية التي لا تعد ولا تحصى فتوج نفسه بقصد أو غير قصد أميرا لشعراء السودان أو شاعر الأمة كما يقولون ، ليس فقط بسبب أغانيه العاطفية التي تغنى بها عمالقة الطرب في السودان ، بل بسبب إرتباطه وإنحيازه القوي يابناء شعبه في كل الجهات الأربع ، ومن هنا كان حنينه الدائم للأرض والنيل للوطن والشعب الذي أعطاه كل خفقة من قلبه الكبير .

نشأ وترعرع في قرية صغيرة لا تكاد تذكرها كتب التاريخ والجغرافيا ، إنها قزية البار القريبة من جلاس ، كان ذلك عام 1929 ، وكانت أمه حدالزين يحلو لها بأن تناديه ب " سما عين " وليس إسماعيل وذلك لحبها العميق لوالدها سماعين ، وعلى الرغم من أنه من جلاس إلا أنه كان يردد أنه من شرق كورتي نظرا لتاريخها ومعاركها التي يحفظها التاريخ .

تلك كانت مرحلة البحث عن هوية داخل وطنه الكبير السودان ، من جانب آخر كانت وشائج العلاقات السودانية المصرية تسمح بالتنقل الحر بين البلدين بسبب المخاطر المحدقة بمصر شمالا وشرقا ، فعرف التاريخ هجرة كثير من العائلات السودانية مع أبنائها ورجالها الشجعان لحماية مصر من الأعداء ، وهكذا كانت رحلة والد إسماعيل إلى مصر وإلتحاقه بحرس الحدود ومن ثم كانت رحلة إسماعيل حسن إلى مصر لمواصلة دراسته إلى أن تخرج في معهد

الزراعة في مصر .

عاد إسماعيل إلى السودان بعد أن تسلح بالعلم وبالفهم العميق لمعنى الأرض والإرتباط الوثيق بالشعب والوطن ، كانت عودته محطة فارقة في كل حياته عندما إلتحق بالبنك الزراعي في السودان وصار يتنقل من وظيفة إلى أخرى في إطار العلم والحلم الكبير الذي ربطه بالأرض فعمل في عدة مشاريع زراعية مكتسبا خبرة وفهم متطور لإمكانيات بلاده الزراعية ، وقد كافأه أبناء جيله على تلك الحميمية بإنتخابه عضوا في مجلس الشعب في عهد مايو لعدة دورات بدا من سنار والشمالية ، لم يكن وقتها يبحث عن الجاه والسلطان والثراء وإنما خدمة لمواطنيه لمزيد من الحرية والإنعتاق ، فربط بوعي شديد بين مهامه الوظيفية والسياسية ومهامه الأكبر كشاعر .






 
 توقيع : حسن عمر احمد ادريس



رد مع اقتباس
قديم 04-09-2012, 06:43 AM   #2


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



وكان أن تغلبت شاعريته على مهامه ومسؤولياته السياسية والإجتماعية فانصرف كلية للشعر والغناء والإنشاد في حضرة الوطن والشعب الذي أحبه

بلادي أنا

بلاد ناسا في أول شئ

مواريثهم كتاب الله ،

وخيل مشدود،

وسيف مسنون حداه درع،

وتقاقيبهم تسرج الليل مع الحيران

وشيخا في الخلاوي ورع

وكم نخلات تهبهب فوق جروف الساب

وبقرة حلوبة تتضرع وليها ضرع ،،،

وساقية تصحّي الليل مع الفجراوى..

يبكى الليل ويدلق في جداولو دمع

يخدر في بلادي سلام ..

خدرة شاربي موية النيل ..

تزرد في البوادي زرع

بلادي أنا بتشيل الناس وكل الناس

وساع بخيرها لينا يسع،

وتدفق مياه النيل علي الوديان

بياض الفضة في وهج الهجير بتشع،،،

بلادي سهول ،،بلادي حقول،،

بلادي الجنة للشـافوها ،أو للبرة بيها سمع ،،

بلادي أنا بلاد ناساً تكرم الضيف

وحتى الطير يجيها جيعان

ومن أطراف تقيها شبع ،،

بلادي الصفقة والطنبور ،،

وبنوتاً تحاكي الخيل

،يشابن زيي جدي الريل،

وشبالن مكنن في طريفو ودع ،،

بلادي أمان ،،بلادي حنان،،

وناسها حنان ،يكفكفوا دمعة المفجوع ،

يبدوا الغير علي ذاتهم ،

يقسموا اللقمة بيناتهم ،

ويدوا الزاد ،حتى إن كان مصيرهم جوع ،

يحبوا الدار ،

يموتوا عشان حقوق الجار ،

ويخوضوا النار عشان فد دمعة ،،

وكيف الحال كان شافوها

سايلة دموع ؟؟،،،،

ديل أهلى..

البقيف في الداره

وسط الداره

وأتنبر وأقول للدنيا ديل أهلي

عرب ممزوجة بي دم الزنوج الحارة..

ديل أهلي

ديل قبيلتي ، لما أدور أفصل للبدور فصلي..

أسياد قلبي والإحساس

وسافر في بحار شوقم زمان عقلي

أقول بعضى..

ألاقيهم تسربوا فى مسارب الروح بقو كلي

محل قبلت ألقاهم معايا، معايا زي ضلى

لو ما جيت من زي ديل..

كان ،أسفاي..

وآمأساتي..

وآذلي..

تصور كيف يكون الحال

لو ما كنت سوداني وأهل الحارة ما أهلي

تصور كيف؟

في تلك الفترة بدأت التساؤلات تطرح أيهما أولا الدجاجة أم البيضة ؟ وبنفس القدر أيهما أولا إسماعيل حسن أم الفنان محمد وردي ، فقد شكلا ثنائيا يندر تكراره واشتهرا على إمتداد الوطن الكبير ، ولم تخلو مسيرتهما من بعض خلافات إلى أن بادر الشاعر الكبير إسماعيل حسن للدعوة لحفل كبير بداره العامرة تتويجا لجهود المصالحة التي بذلت لإنهاء التوتر بينه وبين محمد وردي ، وكانت المفاجأة أن لم يحضر وردي الذي آثر أن يغادر إلى ود مدني للغناء في حفل عرس وكان أن رحل الشاعر الكبير صبيحة اليوم التالي إلى جوار ربه .

ويظل إسماعيل حسن القيثارة الخالدة كما يقول محمد عبدالحميد " إنه إسم مشدود كالوتر ، إمتلك السحر وسر الكلمة الرقيقة ، وأمسك بذؤابة الطرب ، وساق أمته تطوعا إلى السماحة في الروح والوجدان وأنشد للوطن الحبيب وذاب في حبه ولها وشوقا وغراما "

نجيك كيف ونهواك كيف

وكيف يا إنت تتحب

عوالم فوق عقول الناس

وفوق دنيا الخيال حبة

الشاعر إسماعيل حسن مواطن سوداني فوق العادة ، قدم لهذه الأمة العظيمة عصارة أدبية ساهمت بلفت النظر إلى تراث سوداني أصيل باللغة العربية الفصحى وبالعامية السودانية المحببة ، وذلك بما قدم من شعر إفتخر به ديوان الشعر العربي داخل وخارج وطنه الشامخ السودان العظيم .


 
 توقيع : حسن عمر احمد ادريس



رد مع اقتباس
قديم 04-09-2012, 06:46 AM   #3


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



رثاء الراحل اسماعيل حسن

كتب الشاعر د. محمد بادى

ارمي الدمعة فوق الدمعتين ياعين

بعد الليلة حابسها الدموع لي مين

نزيف الدنيا من حد البلد غربي

ونزيف الدنيا لاحد البلد شرقي

وجوم عامة الليالي العامره

كل الدنيا خاتة الخمسة فوق اتنين

رحيلك وجعة يا سماعين

رحيلك نجعة من دار الفرح والزين

رحيلك طعنة في لهات الحبى دريفين

رحيلك وقفة فوق درب العليك باكين

فيها نهاية المشوار وحد الفرحة والامال

وحد الفال وحد الزين

ارمي الدمعة فوق الدمعتين ياعين

وبعد الليلة حابسها الدموع لمين

بعد نزلت سكاكين القدر

مسنونة ديل فوق ديل

وشربت من بكرينا المعتق

حالتو ياالداسنو من السيل

وياالمحزون وحرابنا متكلات قدامو

فوق مشنكسات الخيل

وياالداخرنو من زمن الحساب

شفعنا رابطين الحجر بالتيل

وفجأة يجينا من طرف السماء مريسيل

ينعب فوق كلنكاكول غراب هابيل

ويبقي رحيل

رحيل كل الغيوم الهامعة متواسرات

رحيل كل الشهور العامرة بالخيرات

رحيل الطينة من طرف الجزر يومات

رحيل الخضرة قدام منجل الهدام جفاف وممات

رحيل البادية فوق برقا وراء نجيمات

رحيلك مو رحيل أفراد

رحيل اجيال

رحيل بلدا تمام وكمال

يا العرشت فوق نخل السواقي الشال

واتمددت فوق النيل من الشلال وللشلال

وياالهاجرت فوق ريش الرهو رحال

تظل مرسوم علي باب الليالي سؤال

بعد عشعشت في خاطر الغبش موال

واتبللت من الموية بين السعفة والبلال

بعد عرقك برق في ترابنا حد ما شال

واتمددت غادي وجاي يمين وشمال

بعد الحال

منو البقدر يجيب غربال يغربل روحك المدسوسة في الاجيال

وفي نفس الدغش مبثوثة في الشتلة ونداها السال

بعد الحال

منو البقدر يطاول حرفك المعقود

علي برقا حرير وهلال

مسطر فوق رقاب البرد

فوق الصخرة والتمثال

بعد الحال

رحيلك ياالمشرشر في مداخل الدنيا كالاوصال

رحيلك هزه في العقدة

ومجامع الروح كما الزلزال

ارمي الدمعة فوق الدمعتين ياعين

بعد اليلة حابساها الدموع لمين

كتير من شاف ديارو العامرة

هاجت فوق درب وداي

كتير من عدا فوق درباً

بلا يوادع بلا يناشد كبار القوم وياخد راي

كتير ياعين

كتير الغابوا ماحضروا

وكتير الراحوا ما عادوا

وكتير البمشوا منو جاي

الا الناعي

عمرو الناعي ما طاف البلاد من جم

وتبكي طويرة الاحزان سنين وسنين

مصيرة تساسق المسكينة بين الباسا والباساي

ترفرف من سخاي لسخاي

وتسال عن صدور مغسولة بالدوباي

و تنزل فوق حلقات مجالس الشاي

تقول الشيخ وفي الشاشاي

تبل الريق من الدمع البيوشل من ارامل الحي

وتشرق بالرحيح في الردحه و الووب حي

وتمرق من محاري الناس تولول فيها جرس الصي

وتصرخ فايقة ياجلابة اقيفوا لي

وتسعل ضايقة ما شفتوه زولا لي

تضيع صرخاتا في المجهول

ويرحل من دريبا الضي

آه آه ياطويرة الاحزان

آه لو كان تعرفي البي

جرحك انتي صاب الريش

وجرحا لي مسافر في النسيج الحي

دريبي بعيد وحزني فريد

ومما رحل البلبل الغريد

بسرح في عيون الناس

بسـأل ولو سؤالي يفيد

كيف الدنيا تصبح دنيا

والصيد يبقي ياهوالصيد؟

مين يقدر ينضم عقود منقوشة

ترقد في حزوز الجيد

ومين يضفر كلام الريد

كلو جميل مصيرو يجي ومصيرو يفوت بلا تخليد

كتاب الكون يظل مقفول

بلا خاتمة بلا تمهيد

وحتي النيل مصيرو يكون مجرد موية شاقة البيد

منو البيقدر يجيب ليكم خباراتو

رقصة موجو في الشاطئ

رواويسو , حكاياتو

رقاد القمرة جنب النجمة فوق رملا مراياتو

ولما تغيب ينوم النيل موشح بعباياتو

وزي ما النيل يضيع في الدلتا يتلاشي ويموت مشلول

انحنا كمان تفيض امالنا

تضيع تنشره في ساحل المجهول



 

رد مع اقتباس
قديم 04-09-2012, 06:49 AM   #4


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



وا اسفاي

وا اســــــــــفاي

وا اسفاي علي حرفاً شمخ في الطول

وكيف الليلة في بطن التراب مسبول

حرام تبلينا يا ايام

حرام تملينا شوق وهيام

اتارينا بنشيل من حرفك الجواني يا سماعين

ونقعد في حواشي الحضرة وانت تكب علينا غمام

وماعارفين حروفك نازفة من شريان

من دم القليب الاصلو ما بريان

لما شربنا لما طربنا واتلفتنا ما لقيناك يا انسان

وشفنا رويحتك الشفافة ركبت هودج الاحزان

محمل فوق جناح ملكين

ودربو علي مشارف الواحد الديان

قوايمو شقايق النخل الوقع حزنان

مضفور بي سعف يابس

مفرش بي كباد اماتنا والحبان

مزمل بي حبال صبرا فقدناهو زمان

مضلل بالدموع شرقان ........

عجيب ياهودج الاحزان

مواسم الهجرة ما حانت ولا زمن الرحيل قد حان

نسافر ليك وزادنا الشربه من بحر الحزن والآهه والحرمان

وداك اليوم كان وداع الهودج المتهادي

كان جامع رجالات الحضر والريف

طيور السافل المحزونة جات بي ليله

تاركة جناها للريح والمطر والزيف

وروح ترهاقه والعباسي وروح أبواتنا

وريحة الماضي كلها جات

ملوك شايق .. وقف شاويش

منكس بي حرابو واقف بي قفاهو تابعو شايل سيف

وبعد الليلة كل بنية تلبس فوق صديره اكليل

يكون مزروع فيهو قلب الشهيد

وانت شهيدنا يا سماعين

يا الله .. يا الله .. يا الله

بعد ما شلت اسماعين

وفات

معاهو باقي كلام وباقي حنين

يا الله بعد الفجعة نظل شاكرين

نظل واقفين علي بابك معاي طلبين

يكون عبود مع ود توم كذا شاهدين

قدام قبر الولي سماعين

نظل واقفين

يوم الليلة والباكر

الي ماشئت يا الله

الي يوم الفصل والدين

وداك اليوم يكون يومنا

ونقالد شيخنا سماعين

وداك اليوم يكون يومنا

ونقالد شيخنا إسماعين

وداك اليوم يكون يومنا

ونقالد شيخنا إسماعين




 

رد مع اقتباس
قديم 04-09-2012, 06:50 AM   #5


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



كلمات اسماعيل حسن


الخدود الشاربة من لون الشفق عند المغارب
ديل خدودك سيدي سيد الناس يا سيد الحبايب
العيون طرتني زول من أهلو غايب
والشعر في كتيفو يتهادل سبايب

والله مشتاقيـــــــــــن

في عينيك تظهر لي دنيا..دنيا شوقك فيها ظاهر
الأماني الحلوة هايمة زي بحور ماليها آخر
الكليمة طيبة منك زادي

وحياتك لباكر والامل فارد جناحو..
ديمة زي عينيك مسافر

والله مشتاقيـــــــــــــن


الغروب يسألني منك..امسياتنا في شوقي اليك
الرمال الناعمة مشتاقة لمشيك
الطيور الراحلة في ضل المسا تسأل عليك
كيف تفارق الضفة والنيل هان عليك
والله مشتاقيـــــــــــــن

طال علينا فراقكم والله يا غايبين
قدر ما ننسى العلينا برضو مشتاقين


 

رد مع اقتباس
قديم 04-09-2012, 06:51 AM   #6


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



إنصاف
كلمات: إسماعيل حسن
ألحان واداء: محمد وردى

شن تشبه بلا الداسنو
فى بطن المطامير
لدروبك انتِ ما شقن بوابير
يا قشيش نص الخلا
الفوق فى العتامير
البكركر رعدو ديمة
سماهو عكير
السمح مرعاك
يا قش التناقير
الله ليلى
الزول الولوف لى خراب
أنا بمشى وإتلفت لما النهار غاب
حديثك لى أكيد أنا ولا كضاب
حد ما لملموهن خاطرى ما طاب
يا حليل أمونه فى غرب الضياباب
الله ليلى
يا عجو المحس التقيل فدع العراجين
انتِ ما بدوك لى زولاً مسيكين
إلا واحداً نخلو مقرون فى البساتين
حس سواقيهو تصحى الكانوا نايمين
حليلك يا أم جبين يا بدر دورين
صديرك عام تقول غرر الوزازين
الله ليلى
جات تندلى بالوديان عديلة
كاحلة بلا كحل بت القبيلة
تمشى قدم قدم فى المشية ريلة
تشكى من الطريحة تقول تقيلة
نفيسك شمعوه جوة الفتيلة


 

رد مع اقتباس
قديم 04-09-2012, 06:55 AM   #7


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



كـنـت خـايـف


وحياتك
وحياتي عندك
وحياة حبي
النال صدك

وحياة الأحلام القلبي سقاها
وحياة أجمل بسمة عرف معناها
وحياة سمرة لونا وحاة محياها

وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها

وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة

وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة

وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة








 

رد مع اقتباس
قديم 04-09-2012, 07:14 AM   #8


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



حـــد الزيــــــــــــــن

حَدَّ الزِّينْ
وَيَاحُدُودْ حُدودْ الزِّينْ
حَدّ الزِّينْ
بِنَيَّةْ شيخْنا إسْماعِينْ
نِغِيمْ نَايَنْ
بَعِيدْ وحَزِينْ
مَرَاكبْ القُدْرَه
شَايْلاَتَنُّه
يَامَا شَالَنْ الطّيبينْ
ونِحْنَ
عَلى ضِفَاف الشُّوقْ
عَذَابْنَا
نَودِّعْ الرّاحْلِينْ
نَلوِّحْ
فِى الهَوَى بى دينا
بى آهَاتْنَا
بى دَمْعَاتْنَا
خَايْدِينْ
فى الرَّبوُبْ وَ الطِّينْ
وَمَا قَادْرِينْ
نَفُوتُو قَدَرْنَا مَا قَادْرِينْ
حِليلِكْ
يَا حُدودْ الزّينْ
حِليلِكْ
يَا قَمَرْ دُورينْ
يَا هَدَّايَا
يَا ضَوَّايَا
يا أمْ الوِّليدْ وَ الزِّينْ
فُراقْ وَاحِدْ
بكُتْل الزّولْ
وكيفْ يَا يُمَّه
إنْتُو اتنينْ
خَلّيتُونَا
فِى دَرْب الضَّيَاعْ
ضَايْعِينْ
مِنُو اليًا ..يُمَّه
فِى شَهْرينْ
فَقَدْ أخْتُه
وحَيدَةْ دَارْنَا يَايُمَّه
((جَوَاهِرْنَا))
وفَقَدْنَاكْ
إنْتِى فىِ شَهْرينْ..؟؟
بَقُولْ للدُّنْيَا
مَافُتُّونَا ..يَا حَنِّينْ
بَشُوفْكنْ
يُمَّه فىِ الزُهَّادْ
يرَتِّلوُا
فىِ الضُّحَى وَيَاسِينْ
بَشُوفِكْ يُمَّه
رَاىْ العينْ
وِكِتْ
مِنْدَلِّى غَاشِى (( السَّابْ))
وَمَاشِى ((جَرينْ))
ويَا أعْرَقْ مِنْ الأعْرَاقْ
خُلاَصَةْ أهْلَنَا الطَّيبْينْ
((كُلْنكاكُول))
فىِ الشِّمَالْ ..بِبْكىِ
وفُوقُو
اتْحَزّمُوا الصَّالْحِينْ
وكُلّ الفَاتُوا قُبَّالِكْ
عَلى بَابْ الخُلودْ
وَاقْفِينْ
((حُسُونَه))
ينَقْرِشْ الطَنْبُورْ
حِسَارْ الآخْرى
زَادُو ..حَنِينْ
((جُمَال البَّاشَّا))
تِتْلَقَّاكِى
فِى سُوقْ ((المَقَلْ)) فَارْشِينْ
وشُوفِى
((مِهِيَرة)) سِتْ الخِيلْ
وسِتْ الفِى الدُّرُوعْ خَايْدِين
بَنَاتْ الحُورْ
صُفُوفْ وَ صُفُوفْ
يَسَوَّنْ
فِى العَديِلْ وَ الزّينْ
يَا العَارْفينْ
وَمَا عَارْفينْ
دِى حَدّ الزّين
بنَيّة شيخْنَا إسْمَاعِينْ




 
 توقيع : حسن عمر احمد ادريس



رد مع اقتباس
قديم 04-09-2012, 07:21 AM   #9


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



حنية

ياما دربـك كنـتا بفرشـو ورد وحنيه واماني
ياما عهدك صنتـو وما خنـت وكان ليك حنانى
ياما من ليلى ونهارى ودمعـى بنسج لك أغانى
وكل كلـمة من غنـاي فيـها من حبك معانى
إن نئيـت برجاك
وإن نسيت بطراك
وإن قسيت بهواك
جيت اعاتبك واشتكيلك واشرح الحب من بدايتو
قلـب خادع مابى رافع بس عليك تسمع حكايتو
انت حاكمو وانت مالكو وانت فى إيدك وصايتو
انت لـو حكمـت قلبك ما اظن ترضى بنهايتو
العهود صونوها
أوعولا تخونوها
دا حرام تنسوها
تبقى جنبي وننسي كل الدنـيا نغرق فى الأمانى
واشتكيـلك يـا حبيـبي منك انت ومن زمانى
فى غيـابك يامـا ليـل الغـربة بالآلام رمانى
ابقى عينى وابقى روحى وابقـى قلبى يا حنانى
يـا أمـل يا لطفى يا حنيـة وينك من عيونى
لو تعود وتجينى
القى فيك حنينى
وانسى بيك انينى
ابتسـامتـك ربيـع دنيــاي يامـا عشتا فيها
فتحـت فى دربـى اشــواق الليالى البشتهيها
دى السـعـادة الـمـن زمـان بسـأل عليها
بكـيـانى بشـبــابى بحـيـــاتى افتديها
الإلـه يرعــانا
هنا الغرام ضمانا
ونحن ما أحـلانا
لو بكـاي هـمـاك ولـو شـقـــاي اشقاك
مـا كـنـت يـوم فـارقتنى خاصمتنى عذبتنى


 

رد مع اقتباس
قديم 04-09-2012, 07:22 AM   #10


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



غلطة

قاسي قلبك علي ليه
قسى قلبك علي ليه
لو بحب يبقى ذنبي ايه
قلبي توب‎ ..‎
توب من عواطفك
ايه نهاية حبه ايه
غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك‏
يوم لقيتك علي ما كان يوم يا مبدل شجوني هوى
عني ايه قالو عني ايه
كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه
كان طلعت القمرة وجيت
ولو حلفت برب البيت
ما بريدك‏‎ ..‎
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه


 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : مكتبة الشاعر إسماعيل حسن
الموضوع كاتب الموضوع المنتدى مشاركات آخر مشاركة
مكتبة الشاعر الفاتح الدخيري الشاعر الفاتح الدخيرى قسم المكتبات 13 08-21-2012 05:36 PM
مكتبة الشاعر خليل فرح محمد ابوعمر قسم المكتبات 2 07-10-2012 08:10 AM
مكتبة الشاعر احمد فلاح محمد ابوعمر قسم المكتبات 0 07-10-2012 08:04 AM
مكتبة الشاعر اسحق الحلنقي محمد ابوعمر قسم المكتبات 41 07-10-2012 07:22 AM
الشاعر/ عفيف إسماعيل حسن عمر احمد ادريس قسم المكتبات 34 03-29-2012 12:10 PM

الساعة الآن 06:54 PM.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون