آخر 10 مواضيع
زفة المولد (الكاتـب : - مشاركات : 1 - المشاهدات : 246 )           »          كل عام وانتم بخير (الكاتـب : - مشاركات : 0 - المشاهدات : 753 )           »          المنتدي يفتقد عضويته (الكاتـب : - مشاركات : 0 - المشاهدات : 821 )           »          فاتونا (الكاتـب : - مشاركات : 0 - المشاهدات : 668 )           »          حظي أغرب حظ أشوفه.. ا (الكاتـب : - مشاركات : 0 - المشاهدات : 772 )           »          كيدي العوازل (الكاتـب : - مشاركات : 0 - المشاهدات : 602 )           »          صباحكم قشطه (الكاتـب : - مشاركات : 0 - المشاهدات : 691 )           »          اليوم التاسعه مساء علي الجزيرة (الكاتـب : - مشاركات : 0 - المشاهدات : 3633 )           »          ده ماسلامك (الكاتـب : - مشاركات : 0 - المشاهدات : 3149 )           »          الفهم قسم (الكاتـب : - مشاركات : 0 - المشاهدات : 3378 )




تلت التلاته كام ؟

ديوان الحصاحيصا


إضافة رد
قديم 05-11-2012, 10:59 PM   #1


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 09-05-2017 (05:10 PM)
 المشاركات : 6,326 [ + ]
 التقييم :  147
 الدولهـ
Sudan
 الجنس ~
Male
 MMS ~
MMS ~
 اوسمتي
درع الابداع  درع التميز 
لوني المفضل : Cadetblue
Best تلت التلاته كام ؟





غريب جدا كمية الجمل اللى بنقولها فى حياتنا من غير ما نعرف ايه معناها ولا اتقالت ليه وامتى ، ومنهم جمله تلت التلاته كام ؟ اللى بقالها يومين بتزن فى دماغى ومش عارفه افسرها !!

*****

الجمله دى غالبا ما تقال لاثبات القوة ، زى لما تقول لحد انا محدش يقدر يقوللى تلت التلاته كام ، مع انى والله حسبتها على ايدى وعلى الالة الحاسبة والعداد اليابانى وكل مرة كنت بلاقى ان تلت التلاته واحد مفيش غيره

*****

طب يبقى فين التعجيز مهى سهله اهى واى حد ممكن يعرفها ، اكاد اشك ان الجملة دى اتقالت فى ظروف غامضة لم يكن وقتها قد تم اكتشاف الرياضيات او القسمة او الكسور ، فبالتالى وقتها كانت معضلة حقيقيه انك تعرف الحل ، وان من حقك تحس بالتفرد لو كنت من علية القوم اللى يعرفوا حل المعادلة الرهيبة دى اللى محتاجه اينشتاين يحلها

ويوم ما تعرف الحل يبقى من حقك تمشى نافش ريشك وتهدد الناس كلهم بانك هتعرفهم تلت التلاته يبقى كام ، وكأنك بتهددهم بالقاء لعنه عليهم او قنبلة نووية


*****

الغريب ان اللى قال الجملة دى كان ممكن يصعبها شوية ، يعنى يقول انا هعرفكم الجزر التكعيبى لـ791562 مثلا اهى برضه تبقى مبلوعه وتخض كده اللى تتقال فى وشه وتلجمه ، يقوم يعرف قيمة اللى قدامه ويقَدر بيكلم مين ، انما تلت التلاته دى اى عيل صغير فى الشارع يعرف يحلها

*****

الجمله كمان زى ما بتدل على القوة ممكن تدل على الضعف لما الواحد يقول مثلا ضغطوا على ومقدرتش اقولهم تلت التلاته كام ، مع انه لو كان فكر شوية وحسبهم على صوابع ايده كان عرف الحل وموقفه اتغير من مغلوب على امره لغالب ومكنش اتحط فى الموقف الوحش ده

*****

ساعات كمان تستخدم للدلاله على الجهل ، زى ما تقول لواحد اسكت ده انت متعرفش تلت التلاته كام ، ال يعنى ايش يكون هو علشان يعرف الحل ، ولو انها مش بتستخدم بالمعنى ده كتير لان الناس بتفضل جمله متعرفش الالف من كوز الدرة اللى محيرانى هى كمان ومسيرى اعرف مدلول كوز الدرة وتاثيره على الالف

*****

الظاهر والعلم عند الله ان الناس اللى اخترعوا الجملة دى -اذا كنا نقدر نسميها مجازا اختراع على اعتبار انها نظرية رياضية- مكنش على ايامهم غير الواحد الصحيح ، يعنى لا فيه كسور اعتيادية ولا عشرية ، فاكيد معرفوش تلت الساعه يطلع كام دقيقه ، ولا كانت حصه المواطن من العيش ايامهم متزيدش عن تلت رغيف بالعافية ، ولا استخدموا فى مقادير الاكل تلت معلقه او تلت كبايه زى برامج الاكل ، ولا كانز الحاجه الساقعه ايامهم كان حوالى 330 مليلتر يعنى بتاع تلت لتر كده وبالشئ الفلانى ، والاهم من كل اللى فات ماخدوش علاوة 30% على المرتب اللى لا مؤاخذه توازى بالتقريب تلت المرتب

*****

يعنى الناس دى اكيد معاها عذرها ، لان اكيد اول واحد اكتشف الاكتشاف الخطير ده احتفظ بيه لنفسه ويمكن لم ينقله الا للقدر اليسير من الناس ، اللى بالتالى لم يفشوه لاحد وكانه سر الاسرار ، ففضل باقى الناس الغلابة محتاسين ومش عارفين تلت التلاته يطلع كام

*****

لكن احب اقولكم ان الزمن اتغير خلاص ، والحمد لله ربنا انعم علينا بنعمه المعرفه ، والالة الحاسبة بقت فى الموبايل والساعه يعنى لما ييجى حد يقولك متقدرش تقولى تلت التلاته كام ، قوله ثانية واحده وطلع موبايلك واحسبهاله وحطها فى وشه علشان يرتجع ويعرف ان الله حق

*****

ياريت نبطل نردد جمل منعرفش معناها ، ولا اتقالت امتى وليه ، واتمنى ان اللى يعرف معناها او مقصود منها ايه ينوبه ثواب يقوللى ، ويعرفنى تلت التلاته يطلع كام عن حق !!!




 
 توقيع : بكري حاج احمد

مواضيع : بكري حاج احمد



رد مع اقتباس
قديم 05-12-2012, 09:26 AM   #2


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-11-2018 (07:40 AM)
 المشاركات : 50,977 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



هو تلت التلاته كم


 
 توقيع : محمد ابوعمر

مواضيع : محمد ابوعمر



رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


Loading...


Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
ديوان الحصاحيصا