الفنان مجذوب اونسه

برضو تقولي يا الغــــالية
قليبك ما تخلي رهيف
وانا الشايلني موج ريدك
وما برسـيني عند القيف
مرة يشيلني دنياوات حنينة
وعامرة بالافراح
تسري البهجة في جواي
واقول الهم نساني وراح
واشوف الدنيا اشراقات
مــــــواكب بسرور جايات
واحب الناس عشان حبك
وافرش دربي كلو سماح
فجاة الموج يرجعني
واضيع في رجة التوان
تبين احزاني تتلون تعذب
خاطري انا الانسان
لما حزني يملكني ويبكي
الشوق ويدوبني
اقول يا ريتني ما حبيت
والكان بينا يوم ما كان
ايه اخرة مطافي معــــاك
وين موجك مـوديني
وانا الادمنت ريد ريدك
بقيت خايف على سنيني
بقيت خايف من المجهول
يسد بينا المسافة تطول
اعاين بكرة ما القاك
ولا القى البيواســــيني

البريدك موت

البريدك موت قالوا بتريدو
ما تقولي لي انا قالو سمح
القول من خشيم سيدو

حبيبي من شبيت شفت فيك مناي
سيرتك السمحة وطبعك الهداي
كنت راجي خطاك يوم تلاقي خطاي
نمشي درب الريد حبنا نزيدو

يا الجمالك تام زايدو بحشمة
يا التقابل الناس ديمة ببسمة
البسمة من قلبك زي ملاك رحمة
كل يوم حسنك يوري تجديدو

انا من زمان صابر كاتم الامي
انت كل مناي مبعث الهامي
لما جاني خبير حقق احلامي
قلبي فاض بيّ حلاّ يوم عيدو

اهو بكرة نفرح بيك تبقى لي
يا سما الغايات ياب شعور حية
ابقى زول ليك تبقى زول لي
انت زول زيك يا حلات ريدو

الارباب


في الارباب بقول شعري ولساني بسنو
طربانات بنات افكاري ليهو بيغنو
ده البحر المحيط والناس بتغرف منو
ولدا زيه ما اظن الحريم يلدنو
في الارباب بقول ...

شعري بقولو والارباب حقيقة بيحقو
دخري الحوبة ضوى بلدنا غربو وشرقو
ده رايه بيجبر كسر المبادر شقو
وبيتو بيامن الزول حتى ان رقد في شقو
في الارباب بقول ...

نفسو رضية لا فشار ولا بتعالى
وفوق الحارة بيدخل لو بقت منهالة
قاسيات الحمول يهز مدردب شالها
عندو عزيمة لو قصد الثريا مشالها
في الارباب بقول ...

سباق للفضائل وديمة بازل مالو
يتلافاهو ( يدي عطاؤه )بايدو اليمين وشمالو
تتعدد كراماتو الكتار افعالو
ما شفناها في الهسع ولا القبالو
في الارباب بقول ...

سائل المولى يا الارباب تطول ايامك
وتصحبك السعادة وتبتسم قدامك
في الحسنات تسوي ومافي زولا لامك
دنيا واخرة رب الكون يعلي مقامك
في الارباب بقول ...

اخر زاد

اخر الزاد ليالي
الفرحة في الاعياد
عويناتك تعاين لي تعذبني
وتبقى لي في دنياي
اخر زاد

عويناتك اسافر
فيها ليل ونهار
وباقة اشيلها
ادخل بيها مليون دار
عويناتك طلاسم
ريد و انا محسور
طريق في الدنيا كنت
مشيتو وانا مجبور
اخر زاد

عويناتك زي نجمين يضوا بعاد
اشابيلن واناديلن برضو بعاد
اقول ما عاد خلاص بقيتو بعاد
نشوفكم تاني لو في الدنيا
اتقابلنا وانتو سعاد
لو دنيتا ما جمعتنا يبقى
خلاص اتزودت من عينك
اخر زاد

اخر خبر

رضيت مشاعرك بالصفاء
وعمقت فيك روح الوفا
افراح خمايلي الوارفة
انا في عيونك شايفها

اخر خبر كتبو في جواب
عايز يقول ينسى العذاب
يترك سبيل قلبي الي داب
ما بين حنين ورقيق عتاب

ايه الحصل ما بين يومين
قسى القليب الكان حنين
خلاه يكتب لي كلمتين
زرفت وراه دمعتين

قال نحن ما بنقدر نسير
دي عاطفة مجهولة مصير
لو هو حكم للضمير
ما كان جرح قلبي الاسير

انا ما جبرتك يوم تحب
بس انت بي طيبة قلب
مشيتني في اطول درب
اطول درب مشيتني فيه ليه

جبروك خلاص تترك هواي
توهب قليبك لسواي
يا نار بتحرق في حشاي
مبروك عليك ده هناك هناي
حبيتك انت وقلبك ما معاي

مطر الشجون

لما الحب يطل الحاضر
من مطر الشجون الماطر
تتفح ازاهر الالفة
تبقى الكلمة عفو الخاطر
لو تعرف كيف بعزك انا
لو تعرف كيف بريدك انا
وكيف صعبان علي اهاجر.....

ما بين خاطري انا المحتار
بين امالي باقي جدار
فيه الحيرة وفيه الغيرة
وفيه الخوف من الاقدار
احساسات بعيشها براي
بين همي وخيالي الشاعر
لما الحب يطل الحاضر ......

كان اتمني... تهنا معاي
وما يطول معاك اساي
افرح بي زي
ما بقيت فرح دنياي
بس احزاني اكبر مني
فيها الخافي ليك والظاهر
لما الحب يطل الحاضر......

بس الامي ما بتسنيني
ما بينضب معاها معيني
ما بتهون علي احلامي
يفضل ديمة عالي جبيني
ما بتهون علي أحلامي
يا وطني العزيز الغالي
يا مرتع خوالي سنيني
بكرة الخير يعود يا ناس
الفة وريد وخير وبشاير
بكرة الحب يطل الحاضر .....

القلب صار مجروح
مين البحن لجراحو
بعد الولف والشوق
خلوهو ناسو وراحو
اصبح وحيد ياليل
مالاقى فيكا صباحو

*** *** ***

فجاءة الفرح سافر
ماقال هو مسافر وين
ماخلى بعدو دليل
غير الدموع فى العين
ليه يافرح تقسى
وتفرق قلوب اتنين

*** *** ***

صبرا فؤادى الصبر
شيل العذاب المر
واحبس دموع الروح
من نارا مافى مفر
قدرا عليك مكتووب
ويلى منو قدررررر

ازيك انتى والزي عيونك
والزي خطاك الكانت زمان
سايقنى لى بر الامان
خلتنى فى الاخر بدونك
الليلة مالك ساكتة ساي
يعنى العيون نست الحنان
ولا الحروف جافت غناي
ولا الكلام بقى من سكوت
وانا كل يوم بحيا وبموت لو
فجاءة جات سيرة الهوى
او شفت فى الحلم البعيد
اتنين بيناجو الليل سوا
اتخيلى الزمن اللراح
اتخيلى الحال كيف يكون
لم يطل علي صباح واكون براي
قلبى صورتك صوتك ما معاي
فاكرة لم قلت ليك خلى بالك فى مشيك
واعملى حساب الطريق
ختى فى بالك حكايتى
ياهواي ونبض ذاتى
اصلى من ماشفتك انتى
يادوب حسيت بى حياتى
وياحياتى
اصلى من ماشفتك انتى
يا دوب حسيت بى حياتى
وياااااااااامل حياتى
اصلى من ماشفتك انتى
يادوب حسيت بى حياتى
ازيك انتى والزي عيونك
مشتاق وجد غالبنى اعيش
بدووونك مشتاق انااااا

صياد في النجوم يا
قلبي يا حلي لك
أهدوك سهاد وشقا
وأدوا الفرحة لي غيرك
زول ألدنية دي
ما بدوم في حاله
زي ضل الضحى
زي غيمه رحالة
مقسوم ليك تسهر
ليل وتصحالى
نايمة هانيه ما
بتخطر على بالى
& & &
تايه في الغنى
ايه الغنى ب يفيدك
مادمت بتموت
في ريده …ما بيريدك
أغرب حاجه
حسادك تجاويدك
يا المسكين
شقاك … جبته بأيدك
ياحليل الغرام
أيامه ما ولت
يا حليل ليلة
عن قيس ما تخلت
يا قلبي شوف
الريده كيف قلت
قوم صيد النجوم
ديك النجوم طلت
قوم صيد النجوم
ديك النجوم طلت

ده ما سلامك
ك / عزمى احمد خليل غ / مجذوب أنسه

ده مـا سـلامك ولا الكـلام
الكان زمان هسع كلامك
ولا يـعـنى نويت تسيبنا
وفى الخريف تحرم غمامك
جيــنا بـعـــد الـفـرقـة نـســأل
قـلنا نلقى محنه عندك
نحكى ليك عـن ليل شقانا وعن
متاهات نجمو بعدك
نـحـن سـالــمــنــاك بـطـيـبـة
وياما بكت عيونا ردك
ولـيــه زمـان أديـتـنا ريده
وجيت حرمتنا تانى ودك
وقـلـبـنـا الـجـرحـتــا خاطرو
برضو ما قادر ملامك
كـنـا قـايــلــيــن بــى ورانــا
إنـت زيــنا طارى ديمه
وكـنـا قـايـلـيــن نـحـن عـنـدك
زى عـيونك لينا قيمه
قـلــنـا تـتـلــقـــانــا إنـت
والــزهــور تـحـضن نسيمه
إلا ريــدك تــاري روّح
وعــدي فـات زي كل غيمه
جـيـــنا لـيــك بـالإبـتـســامـة
إلا مـا لـقـيــنـا ابتسامك
جـيـــنا شـايــلـيـن لـيك فرحنا
كان عشمنا تزيدو حبه
تطرى ناس فاقدين عيونك
وبي وراك ما خلوا غربه
قـلـنــا نـنـسـى تـعـب سـفــرنـا
بـى لـيالى معاك أحبه
جـيـــنا مـا لـقـيــنـا فـى
عــونك ذكرى ساكت للمحبه
شـلـنــا شـوقـنــا رجـعــنا
بيهـو ما ندمنا على سلامك