آخر 10 مواضيع
البرنامج التدريبي بناء منظومة الموارد البشرية المتكاملة (الكاتـب : - مشاركات : 0 - المشاهدات : 17 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 37 )           »          خواطر (الكاتـب : - مشاركات : 0 - المشاهدات : 73 )           »          الدورة التدريبية مستشار الإدارات القانونية (الكاتـب : - مشاركات : 0 - المشاهدات : 106 )           »          البرنامج المتكامل لإعداد القادة (الكاتـب : - مشاركات : 0 - المشاهدات : 189 )           »          الدورة التدريبية المناهج الحديثة في التنظيم وتبسيط إجراءات العمل (الكاتـب : - مشاركات : 0 - المشاهدات : 220 )           »          اسأل نفسك (الكاتـب : - مشاركات : 0 - المشاهدات : 241 )           »          مؤتمر اسـتـثـمـار رأس الـمـال الـبـشـري( التمتين وتعزيز القدرات) (الكاتـب : - مشاركات : 0 - المشاهدات : 217 )           »          دور العلاقات العامة في مواجهة الأزمات (الكاتـب : - مشاركات : 0 - المشاهدات : 232 )           »          الســــــــــلام عليكـــــــــــــــــــم (الكاتـب : - مشاركات : 0 - المشاهدات : 236 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 09-03-2012, 06:57 AM   #11


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



دون وداع

قام دون وداع ساب الاهل
في سفرة لا زاد لا عدل
يا صاحٍ .. وين قمري رحل؟
كان هادي من قومة الجهل
في روقة لا نقة وزعل
في روعة زوزه على النخل
جنبو المدين نقط عسل
والليلة دارو أصبح محل
بس زي خراب سوبا الحصل
قام فرّة ما عرف الكسل
واشريّ فارق بي عجل
يا حليلو كاب دمعو انهمل
بالشوق قليباً لي انزمل
مقصوص جناحو وبالوجل
ما ركّ فوق شدرة ونزل
أتمنى لو عاد صاد قفل
لي عشو قيّل في ونزل
وان شاء الله عاد مهما حصل
يرجع لي قمريّ ويصل
في عودتو ما فاقد الامل
عارف بلاي ما كاس بدل


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 06:58 AM   #12


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



الـدنـيـــــا

خربانى ام بنايا قش فراقة الحبايب
مالا الدنيا دار الغش تكتر فى النصـايب
كت عايش مع محبوبتى مبسوط خاطرى طايب
جاتنى الدنيا قالبى وشيها ورتنى العجــايب
كل املى البنيتو اتهد واصبح كوم خرايب
اطلال تحكى للما عرفو كيف قاسى النوايـب
كالمجنون بلاهى برايا فى الضحى والمغارب
فاقد رشدى ناحل جسمى لونى اصفر شاحـب
فاضلى الجتى لى فى الدنيا والفكر اصلو غايب
صر ما بفرزالنس ديمة حتى اهلى القرايــب
روضى الكان زمان نسامولى زهرو بيداعب
مالو الليلة لافحة سمومو كتاحة وهبايـب
والناس ما بتـــريح ذاتا كــــم لله عـــاتب
زاد لى الملامة وقالى مجنون وانت صـايب
غنيت ما نفعنى غنايا عاد شن لى جايب
بس ساكت معذب قلبى ديمة انا ليهو خـارب
صر زى القمارى الدايحة شايلة الشوق تغالب
زى زولا بعيد فى غربة ما اظن تانى ايب
والنار بين ضلوعى لهيبا قاصد قلبى طالب
اه يا قلبى شقيش تمشى اخير لك تبقى تايـب
غايتو السلوى يا خلايا واصحابى الاطايب
فى طنبورى ،فى نغماتو ديمة قليبى دايــب


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 06:59 AM   #13


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



كلمات حسن الدابي


مسخت عوم البترطن في جروفه

اه يا خلايه فجولي اللشوفه

الصدير رجفاته سبب لي خوفه

خام ثمار ال الله قال دانيت قطوفا

الرقيبه قزازة الروم في وقوفا

جرعتني العلاقم بي صنوفه

بروقيها الداره لخبطي لي صفوفا

خلي حسادك عديل تخضع أنوفا

ديسه شوف عيني من شكت كتوفا

الا دايما نافره يا ناس ما ولوفا

صممن جاراتا قال لي عطوفه

ملا شوفته لي تشهر لي سيوفا

العلي والبي كلو سبب عزوفا

لو تحلو رموز اصابع اليد حروفا

آه يا خلايا فجولي اللشوفه


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 06:59 AM   #14


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



ضــل الغيمــة


ضل الغيمة غش قليبى قال ينجم خت رحالو
فات خلاهو ده الكان ظنو فى عز الهجير يرتالو
***
عاد ورينى ليه يا غيمة؟ ماك عارفى السفر واحوالو؟
ولاَّ قليبى تحتك حالفي ما يطيبلو المقيل يحلالو ؟
***
ضلك من بعيد يا غيمة كان دايماً بيتمارالو
جافل منُّو لكن برضو كان عاقد عليهو امالو
***
جاييك من بعيد يا غيمة قاصدك دار يريِّح بالو
لحظات بس يعيشن هانى تحتك زى عمر تبقالو
***
فاكرك والهجير يا غيمة صاليهو ومبشتن حالـو
بى تحنان تحضنى عليكى تمسحى منُّو دمعات سالو
***
لو كان ليك قلب يا غيمة عاشقك فات رحلبو وشالو
كان واديكي دمعك رشَّ كترت عربو فى حلاَّلو
***
ما دام فُـتـِّى آهـ يا غيمة قصدو الدايرو ما تمَّالو
شن الحارسو باقى وراكى ما دام غردو تب ما نالو
***
بالليل والنهار يا غيمة ناوى يقوم على ترحالو
وحدو خلاص يواصل تانى مشواراً كتيرى اهوالو
***
قوليلو الوداع يا غيمة لو كان فى الوداع يلقالو
حبة زاد يشيلا معاهو فى سفرو وليالى الطالو
***
دار يوصيكي ، هاك يا غيمة ، لى زولاً قبيل غنَّالو
تمشيلو وتوصِّفى ليهو كيف جمر الغرام سوَّالو
***
كيفن بُعدو آهـ يا غيمة تب فى الدنيا ما خلاَّلو
غير جرحاً يزيد ايلامو كلما صحبو قالوا وقالوا
***
غير بيت من قصيد يا غيمة يفرِح حتى لى عزالو
مهما سوُّوا فوقو وجابو ، زادولو الملامة وكالو
***
غير طيفو الحبيب يا غيمة فى دنيا العذاب هلاَّلو
اتذكر زمانو الولَّى ، رقَّ قليبو تب حنَّالو
***
غير قيداً خلاص يا غيمة معقود وانعدم حلاَّلو
رغم البيهو قولى ليهو ما فارقت لحظة خيالو


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 07:00 AM   #15


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



اشارات الوداع ــــ محمد النصري

هو كـان شايف اشـارات الــوداع فـي الـعـيـن
قدر جاي وامل راحل حزن قدر الفراق والبين

نـذر قدرو المداقر عمـرو لازم عمـرو يـتـودر
نـتر جـرحو بيبشر دمـو بـاكـر دمـو بـتـقـطر
عـرف فـرحـو السقـاه حـنـانـو والراجيهو بتاخر
شـعـر حـلـم السـنـيـن الـعـاشـو قـدام عينو بتبخر

حس هو لما ضم ايديهو بشوق العمر بجري
وحس كمان ضياع آمالو فاجئو في القلب بدرى
كانو عيونو كان بتقول وداع يا حبنا العذري
غمد اكان يضاري دموع وتخزلو دمعة منحدري

بسم رغم الفراق الجاي ياها عيونو زي اول
ضحك امل الزمان ضاميهو رغم انو الالم طول
سخر من الحياة الودارة عمرها مابتناول
ثبت حتحت دموعو الحري عن عينيهو ما تحول

رجع لايام زمان لا قاهو في درب العمر صدفة
ايديهو الرادة ياها ايديه تضمو وبينا يدفا
عيونو الحزن ما هداها بل زاده الوجع يدفا
قليبو في يوم فراقو الابدي فارق حتى بالالفة

فضل جنب الحبيب ساهم فضل ساهر قريب منو
شرب على قدر ما اداه الله من القليب حنو
فضل في كل ثانية يريدو ابدا ما انشغل عنو
دفع كل العمير والعافي كان يفداه لكنوا

حبس كل الكلام في جوفو خلي عينو تتكلم
كتم بوح الانين واللوعة نار في حشاه بتالم
صبر لما النهاية المرة حانت وبالمصير سلم
مسك قلم اليقين من حبو رغم اساهو يتعلم


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 07:01 AM   #16


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



خــــــالد شقـــــــوري




ما كنت فاكر الشوق عذاب ...ما كنت قايل الريده شوق
ما كنت فاكر الدنيا عاد محصوره بين جفن العشوق

لاكن بعد سفر السنين ... والرحله بين اشقى واتوق
عرفت جبل الشوق ألم والريده في اعلاهو فوق

تلقاني في الليل البهيم... دايما افتش في الشروق
ومن ما اشوف نور الصباح ارجع اكوس الليل اروق
ما قالوا غير حريقا عاد النار تضوي تشع دروب
شن شفت يا لهب الغرام فيك من زمان غير الحروق

ليلا نهار زاكي الهموم في راسي عاد تسكت تحوم
ما حانة لي ريدي الندي وما فاكره لي قلبي الشفوق
قلبي الحزين انجب هواك كيف من هواكي المر اضوق
يمكن غرامك ما عرف .. وريهو ايه يعني العقوق

في سكة الصفى والوئام حجر الظنون لي بيعوق
والشك يدور في هواي من سجنوا غالبني المروق
فاضل لي ايه انا غير اجن والليل يجن وبالجن افوق
اتهادى في ارض الضياع وازرع لي من احزاني روق


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 07:02 AM   #17


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



عبدو اخوى
الشاعر المرحوم / حسن الدابى يرد بها علي الرائع عبد الله محمد خير
في قصيدته ود الدابي مالك ساكت



صحيح ياعبدو أخوى قولك حقيقه
كتير الطفشه ( الجلا ) من فريقه
يزازى نقل سميحات الخليقه
ورنين صفارتو نفسى أبت تطيقه
معاها انا كيفاسوى شنو الطريقه
تعيق فى الناس اله الناس يعيقه
إتمناله فى دالة غريقه
تحتل فيها ما تفضل شقيقه
تطير ريشاته منها بى فريقه
وصميم مكناته تلتهموالحريقه
قمرات نومه تسكن أم دريقه
وتولد فى عنابره عشان غريقه
بناتناحليل سروحن فى السبيقه
لقيط ام راس مبقعى و الكريقه
إديهن حلوه غير لبس أمدقيقه
وبدون كترت غويش نفسن طليقه
جمالن خلقه لو لفحن طريقه
وبدون مضغوطفراد باهى زيقه
يا حليل قتانن الفوق السليقه
ليقيمتو تطمن الضارباهوريقه
كتير قبلك يئن مضروب بديقه
تسد عبراتو تسمع لى شهيقه


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 07:03 AM   #18


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



شتيلة قريرة
الدابي

شتيلة قريرا
الفجر نبحن بوابيرا
حليل تغريد عصافيرا
بلاها أصبحنا في حيرة
يازهرتنا النضيرة
حرام نقلك من الجيرة
دهب زادوه تجميرا
لفة خاتم ضميرا
شبيهة البدر المنيرة
ليك تاجوج ماها سيرة
نزلت العقلات الضفيرة
تداعب رمان صديرا
نظرتك قاسي تفسيرا
فيها انذارات خطيرة
ست الكل يا أميرة
روحي كفاها تدميرا
ضاقت وغلبت بصيرا
خلاص اتحقق مصيرا
فراقكم زادتي تعكيرا
وبلاك ما عندي تفكيرا
يا صلاح أم شديرة
تعود ونشم من عبيرا
جدي البرعن أراكن
سبيبك ولا ليل ساكن
إنت طبيبي بس لكن
رحل كت في القرير ساكن
يفوح المسك من فاه
مضمر واحسرتاه
الفريع الهتف نداه
تموع تتنى ما لاه
ليه عجلتي بالقومة
قريرنا معاكي شن لوما
عيني ما رأت نومة
بقت لك سبب الحكومة
ياظبية جنان مالك
فارقت القرير مالك
ربنا مالك الممالك
يحرق الكومر الشالك
شبيهة الصيد في البوادي
محكم عودك النادي
فاطرك برقو عبادي
الرزق يا جاهلة جبادي
فراقك قاسي ألمني
سواد عينيكي جنني
على الأحباب ماب تحني
فقد عقلي بقيت أغني
ليك برسل تحياتي
بضمنه موتي وحياتي
أتكرن وأمشي فلاتي
عليك يازهرة الشاطي
فريع المحلب القايد
عشانو أقاسي الشدايد
سهامو رماني أوصايد
ألمي الراح جاني عايد
بصلي وبعبد الباري
أقيم ليلي وأصوم نهاري
عشان الشاغلة أفكاري
الشلوخة قضيب الكباري
حليل الروقة والبسمة
حليل الضامرة منقسمة
شلوخ خديها مترسمة
قامت وكل شي قسمة


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 07:04 AM   #19


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



نـــــــــــــــــووووووووووووورة
هـــي .. أقـيـفـن .. نــــورة فـيـكــن
نـــــورة نـقــاحــة الــجـــروف ..
نـورة حلابـة اللبينـي .. للصغيريـن والضيـوف
نورة ساعة الحر يولـع .. تنقلـب نسمـة وتطـوف
تــــــدي لـلـجـيـعــان لـقـيــمــة
وتـــــدي لـلـعـطـشـان جـغـيــمــة
والـمـخـلـي الــحـــال مـصـنـقــر ..
في تقاة الليـل تندقـر .. تـدي لـي باكـر بسيمـة
تكسـي للماشيـن عرايـا وفوقـا إنقطـع هديـمـا
ما عرفتن نورة إنتن .. قولـن إنتـن شـن عرفتـن
نورة بت الواطة أخيتي .. نورة اخـت كـل الغلابـة
نورة حاحايـة الشقـاوة .. نـورة هدايـة الضهابـة
الاراضي اليامـا أدت .. نـورة بقـت مـن ترابـا
ومـاشــي فـــي الأعــمــاق سـحـابــا
مـشـتـهـنــهــا .. والله جــــابـــــا
للجنوب طبلاً يهدهد .. لـي مشاعـر نـاس تعابـة
وللشمال طنبـور يسكـت .. دمعـة الميتيـن كآبـة
ما عرفتن نورة إنتن .. قولـن إنتـن شـن عرفتـن
نــــورة عــايــز تــقــرأ قــالـــت
فــوقــا حـيـطــة الـدنـيــا مــالــت
خــتـــت الـــكـــراس وشـــالـــت
مـنـجــلاً صــالــت بــــه جــالــت
لامـــن إنـجـرحــت بــــه شــالــت
لـلـتــراب فــــوق إيــــدا كــالــت
ومــرة يــوم فـــي الـدونـكـا لـدغــت
جـــاء الـفـقـيـر بـالـلـيـل حــواهــا
ويوم ملاها الهم قطايع .. جاء البصير بالنار كواهـا
ونورة ما قـدرت تمانـع .. تقنـع النـاس المعاهـا
ومرة شافت في رؤاهـا طيـرة تاكـل فـي جناهـا
حيطة تنمغـى وتفلـع .. فـي قفـا الـزول البناهـا
في جنينة سيدي سمعـت .. تمـرة تصقـع للوراهـا
الأرض لابـد ترجـع للتـعـب فـوقـا ورعـاهـا
شــافــت الـنـيــل مــوجــو لاهــــا
الـخـلـيـقــة بـــقـــت إلاهـــــــا
الـشــمــس طـبــقــت ضــحــاهــا
نار عقاب إنساب مكسـر .. فـوق تكليـات متاهـة
وضو من الله .. رهاب مكتف في وتيد الليـل معاهـا
بــيــن حــضــر بــلــدا وخــلاهــا
فــســـرت لــلــنــاس رؤاهــــــا
وقــالــوا جــنــت ومــــو بــراهــا
ونـــــورة زادت فـــــوق شـقــاهــا
وصـــــدت الأيــــــام تـــخـــش
تـبـنـي لــــي عـصـفــورة عــــش
فـــي الـسـواقـي تــشــوف عــزاهــا
لــمـــا شــوقـــا يــســـوي .. وش
تـــســـقــــي تـــــــــــزرع
تـــســـعــــى تـــصــــنــــع
لـلـنـهـار فــــي الـلـيــل تــخـــش
عرفـت الشقـا والشقـاوة إلا مـا عرفـت تـغـش
شايلة طولة البال من الله .. ومن أراضينـا الإثـارة
ومـاشــي تــكــدح طــــول نــهــارا
وترجى لما الليل يفلل .. تسرق ألمي عشـان خـدارا
عـــــشـــــان صـــــغـــــارا
ولــمــا تــرجــع لــــي ديـــــارا
تــنـــزف أحــــــلام الــفــقــارى
مـــــن عـويـنــاتــا الــحــيــارى
لــــي غــبــار الــحــال تــقـــش
فـــوقـــو لـــلآمـــال تــــــرش
نورة تقعد صاحي تحلم .. بي بيوت بـي نـور ودش
وبالمحبة تشق دروبا .. ولـي قلـوب الكـل تخـش
نــــورة تـحـلــم بــــي وجـــــود
مــــا مــشــت بـيـنــو الـقــيــود
أفضل أفضل بي كتير .. بي وطن من غيـر حـدود
نــــورة تـحـلــم بــــي عــوالـــم
زي رؤى الأطـــفــــال حــــوالــــم
لا درادر .. لا عساكـر .. لا مظاليـم لا مظـالـم
نـورة تحلـم .. ولمـا تحـلـم نــورة تـرجـف
ولـمــا تـرجــف نــــورة تـحـلــم ..
ولما ريح الواقع المر .. لي عشيش أحلامـا ينسـف
نــــــــــورة تـــــنــــــزف
ولما تنزف بالا يهتف .. يوم حا تنصف يوم حاتنصف
وتبـدأ تحلـم .. ولمـا تحـلـم نــورة تـرجـف
ولــمــا تــرجــف نــــورة تـحـلــم
صـاحــي تـحـلـم.. وصـــاح بـتـحـلـم
صــــــــــاح بــتـــحـــلـــم


 
 توقيع : محمد ابوعمر

مواضيع : محمد ابوعمر



رد مع اقتباس
قديم 09-03-2012, 07:06 AM   #20


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-12-2017 (10:59 AM)
 المشاركات : 50,967 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



الليله رسلت السلام يغريك يا الزين

السلام ليك, وللمعاك في الأوضه قاعدين

السلام يغري الطرابيش والقلاشين

السلام من عين شمش لحد فلسطين

أنا ما بوصفك يا صباحي بخاف من العين

وانت من عين الحسود وادعاك جبرين

وأنت بالعافي التختك في المصارين

تبقالك هدم ياسيدي وسروال ونعلين

الليله ات يا سيد الحصص وصمد النمرتين

وانت ياسيد الجزيري تكاكي وزين

وأنت ياسيد البسوق أرقوق موازين

وأنت ماعارف قلبين لي مجنين

ومابترسل لي جوابن فيهو سطرين

وما بتقول لي نعيم صباح أمو أشتغل وين

أنت ماعارف جواب السلامي

يجيني وأطول لي شبرين

وأنبسط لي بساطي زايده علي القوانين

الله من خلاني طيره وأحصلو الحين

وألقى في القهوه قبل الرسمي جالس في الدرابزين

وينسر بالي بيكم يا الحنينين

بعد الحال معاك أن شاءالله جالسين

نتلاقى أنت طيب ونحن طيبين

انت لا تقول الجواب جاني من وين
الكلام نضم ام نعيم مو دايرلو تلقين
الكاتبو وراق ود حســـــــــــــــــــــن
اسطه في الطاحــــــــــــــــــــــــــــونة
تاجــــــــــــــــــــــــر في الدكاكيــــــــن

الليله دايره احكيلو العذر صمد نمرتين

وقولو من قبل الملمات مانا فايقين

ومنطبقات عليا تلاتي واتنين

وختي ربع جنيه وبعضن تلاتين

وقالوا مابنقبل عذردايرنو في الحين

وأن قلته المقد ماجابلو مدين

والعيشريف مبوص ومامرق هين

اصلو لاتمرن مرق ولانا سايقين

أنا طلبتك بالله ترسل لي جنهين


 
 توقيع : محمد ابوعمر

مواضيع : محمد ابوعمر



رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : مكتبة الطمبور
الموضوع كاتب الموضوع المنتدى مشاركات آخر مشاركة
مكتبة الحقيبة حسن عمر احمد ادريس قسم المكتبات 199 12-01-2012 06:12 PM
مكتبة الشاعر خليل فرح محمد ابوعمر قسم المكتبات 2 07-10-2012 08:10 AM
مكتبة الشاعر إسماعيل حسن حسن عمر احمد ادريس قسم المكتبات 80 07-10-2012 07:55 AM
مكتبة سيف الدين حاج أحمد سيف الدين حاج احمد بيت الثقافة 36 03-16-2012 08:52 AM
مكتبة الشهيد علي عبدالفتاح محمد ابوعمر قسم المكتبات 8 02-13-2012 05:25 AM

الساعة الآن 09:34 PM.

Powered by vBulletin® Version 3.8.7
Copyright ©2000 - 2017, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون