آخر 10 مواضيع
البرنامج التدريبي بناء منظومة الموارد البشرية المتكاملة (الكاتـب : - مشاركات : 0 - المشاهدات : 17 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 37 )           »          خواطر (الكاتـب : - مشاركات : 0 - المشاهدات : 73 )           »          الدورة التدريبية مستشار الإدارات القانونية (الكاتـب : - مشاركات : 0 - المشاهدات : 106 )           »          البرنامج المتكامل لإعداد القادة (الكاتـب : - مشاركات : 0 - المشاهدات : 189 )           »          الدورة التدريبية المناهج الحديثة في التنظيم وتبسيط إجراءات العمل (الكاتـب : - مشاركات : 0 - المشاهدات : 220 )           »          اسأل نفسك (الكاتـب : - مشاركات : 0 - المشاهدات : 241 )           »          مؤتمر اسـتـثـمـار رأس الـمـال الـبـشـري( التمتين وتعزيز القدرات) (الكاتـب : - مشاركات : 0 - المشاهدات : 217 )           »          دور العلاقات العامة في مواجهة الأزمات (الكاتـب : - مشاركات : 0 - المشاهدات : 232 )           »          الســــــــــلام عليكـــــــــــــــــــم (الكاتـب : - مشاركات : 0 - المشاهدات : 236 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 06-26-2012, 11:48 PM   #11


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



زاد أذاي يا صاحي واعتراني نحول
طرفي دامع وصاحي وبالسهاد مكحول
لي حال الحول
والمغالق بينى وبين حبيبي تحول
قلبي قال ممحول
صبري ضاع وياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي فيه النول
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنه أقبّل المعسول
يافضول أقول رفعة قامته
وحسنه وصفه شرحه يطول
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسلول
الكتيف مهدول
بعضه نام في بعضه تقول حرير مجدول
ايه يفيد القول
وايه يفيد من شعري فيه مهما أقول
منه حالمة عقول
الوصول للبدر ياخي ما معقول
زاد أذاي يا صاحي واعتراني نحول
طرفي دامع وصاحي وبالسهاد مكحول


 
 توقيع : حسن عمر احمد ادريس



رد مع اقتباس
قديم 06-26-2012, 11:50 PM   #12


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



ياعازة الفراق بي طال وسال سيل الدمع هطال
طريت برق الفويطر الشال وساح دمعي البكب وشال
كمل صبري ومنامي انشال لبس من ناري عمه وشال
ارض امالي في امحال ومن الهم بقيت في اوحال
وبعدك عزه ساء الحال منامي وصبري اضحي محال
حليل الناسا وناس طريت ام در حليل ناسا

وكيف انساها واتناسا ومفتون بي ظبي ناسا
ولع جوفي جمري الحي وما بتطفيه ووب واحي

فيا زينة ربوع الحي لي دياركم يعود الحي


 
 توقيع : حسن عمر احمد ادريس



رد مع اقتباس
قديم 06-26-2012, 11:50 PM   #13


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



شوفو المن جبينا صباح
الصباح إن لاح .. لافائدة في المصباح
هل أتاك حديث الكوكب النضاح
قمره تمطر خمره وحارسها الفضاح
لو تحيجنا محاسن الشمس للإيضاح
مابتحيجنا محاسن محيها الوضاح
*****
نور جمالها دهشنا معشر الفصاح
بين ناطق صامت وبين صامت صاح
غانية غالية محاسن فيها شوف ياصاح
الجمال الفيها كل معنآ صاح
ننظر الأيات من نور على ألالواح
المعاني الخرد ومنية الأرواح
في العيون المرض السحرن لواح
يجذب الألباب ويفرح النواح
*****
القوام اللادن و الأريج الفاح
من جسيمها الناعم الأثمر التفاح
خلا عقلي وخلا في حشاي كفاح
جيش هواها أحتل قلعة الأصفاح
روضة غناء جمالها يجلب الأفراح
وحورها من الجنة فيها تسقيك راح
كل هذا تراه مابيزيل أتراح
من يحبه تهالك أستراح وراح

********

يا ليالى أحبابي ماشفيتي جراح
بل شقيتي فؤادي بمدية الجراح
صرت أتلو حديثك في الوجود بصراح
لوتليتبو كتابي سميت بالشراح
فيك نظرنا مناظر يعلم الفتاح
لوقفلنا قلوبنا كانت لها المفتاح
أدرى أو لا أدري صرت كاللمتاح
لورضاك هلاكي أنا للهلاك أرتاح
*****
ماجنيت في هواك وماعلي جناح
أشتكيت للقمري لو يعيرني جناح
يكفيك لساني الغنى فيك وليك كم ناح
لورثيت به حياتي ماإحتجت لي مناح


 
 توقيع : حسن عمر احمد ادريس



رد مع اقتباس
قديم 06-26-2012, 11:52 PM   #14


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



الفي دلالو وما اعظم جلالو استحل هلاكي ولي حرم حلالو
الهلال الشغل الناس هلالو الظلام حين شاف محيو انجلالو
ناضرة خدودو بالانوار يلالو اراح انفسنا بريحانة خلالو
المحجب مااكرم خصالو لي كاتل وليه صعبان وصالو
حسنو نامي ومافي انسان حصالو خلف حجبو بق النور عصالو
المحاسن في مراية جمالو رطب قوامو وخمر التيه امالو
يتلو قلبك حين تلة شمالو وتدعيلو عليه يدوم كمالو
المهفهف توب العز كسالو مثالو النعمة ومااسعد مثالو
جدايل ديسو الفي وردانو سالو وطيبو يعبق كل ما الليل مسالو
شالو فالو الناس يتمنو حالو مثال الباسم وحن الغيم سحالو
من ضميري حب الغير محالو ونام وخلي الكان نايم صحالو
الطريف السبي قلبي وصبالو لو رآه الكان راهب صبالو
الاشعة تشوفن في قبالو ولو نظرلك بتشيلك نبالو
مابيرحم قلبي الماخطالو وصد نافر وزاد الصد وصالو
احب في سماهو المافي ايادي طالو وعندي افضل من وفا ناس نصالو


 
 توقيع : حسن عمر احمد ادريس



رد مع اقتباس
قديم 06-26-2012, 11:52 PM   #15


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



غرد يا حمام أسمعني واشجيني بذكرة الأحباب بالله ناجيني

رحماك نجيني من دي الهموم البي من قاع سجين
خلي الهنا يجيني وخلي السرور يصبح في طيه زاجيني

تبريحي صاليني وهيامي زاد أضعاف ومنامي ساليني
قول انت سليني خلي اليزول عني ألمي المواليني

أنا شوقي ماليني والبين برى جسدي بنوايبه باليني
يا دمعه بليني ويا قسوة الأيام فتي الحدود ليني
مين غيرك يشفيني ومين غيرك انت يعيد صبري المجافيني
قول ليه صافيني زمني القصد هجري في هاوية خافيني

غاب رشدي أهديني في ملتقى النيلين اتغني أشديني
على توتي عديني تجد الأدب فطري وتجد الحيا الديني

صابحني ماسيني يا جالب الأفراح لا تبقى ناسيني
سجعك يواسيني ورجايا فيك يا حمام يوم موتي ترثيني

صعد وناديني و أقصد رياض شمبات طير بي وديني
في غناك أفديني و اندب هناك حظي وسعدي المعاديني

بطرى البساتين وبطرى الشذى الفواح والمسك والتين
يا جنه فتيني هل بعد هذا رجوع ؟ يا حظي أفتيني

ان رمت ترويني مروى العطيش في اب روف. بجرعه داويني
في جوفي كاويني حب الفريد في أم در من قبل تكويني


 
 توقيع : حسن عمر احمد ادريس



رد مع اقتباس
قديم 06-26-2012, 11:54 PM   #16


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



حليل زمن الصبا اماضى وحليل زمن الحياة الزاهر
حليل زمن الحبيب راضى وحليل زمن الهوى الطاهر

حليلو الابلج الباسم حليلو الكاحل الناير
حليل قمر السما الباسم ليليه وصبح داير

آه لو آه تفيد مجروح والمثل القديم ساير
رهاب ماحصلوا الجارى وسماك ماحصلو الطاير

تجدنى مراقب اخبارك اذا النسمات بها تخابر
تجدنى على الفراش مضنى وتجدنى على الاسى صابر

انا البعدك اصون عهدك وليتك كنته بى خابر
ولقيتك مرة تذكرنى ولو فى ذكرة الغابر

فداك نوم عينى يانايم وهل بلغك انا مساهر
زمنا الكنا لاندرى بما كان الزمن ضامر


 
 توقيع : حسن عمر احمد ادريس



رد مع اقتباس
قديم 06-27-2012, 12:00 AM   #17


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



باستمرار تعاينن مفرحة أو حزاينن
بيها كمان تباينن و دايركن تداينن
طب لا تعاينن الا العندو قلبي

يا عيني كفاكن دا بزيد بي بكاكن
و يعكر صفاكن محبوبكن جفاكن
لو حن و لفاكن يجبر كسرو قلبي

يا قامة البانة المايحة طاربانا
من ديسة غالبانا بي سهاما ضاربانا
هي ديمة تعبانة خافي الله أيه ذنبي

يا ظروفنا خنتينا و يا غربة هنتينا
كفاكي عبتينا اشتهينا ستينا
يا الله وداينا نشاهد محبي

اللادن غصينك و برق الغمام سنك
حبيبة عليك دينك و بحق والدينك
أتوصي بي زينك انا حالي مخبي

يا حبيبة طال سهدي و فيكي انبزل جهدي
سلامي ليك أهدي أحلي من الشهد
من قلبي و المهد يا حبيبة وحات ربي

انت أوقات صدودك يا النايرات خدودك
بحق جدودك تبطل صدودك
قصدي اسمع ودودك و فيها تقول حبيبي

يا ماشي الاجازة أرجوك أغشي الحجازة
الديمة عجازة و قول ليه الحجازة
انا قلبي في اجازة و سهران و طال تعبي


 
 توقيع : حسن عمر احمد ادريس



رد مع اقتباس
قديم 06-27-2012, 12:05 AM   #18


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



ست البيت البيت بريدها براها ترتاح روحي كل ما تراها
قالت جارتها مجاوراها تجي شايلة وتجي مزاوراها
تلحظ احتياجنا براها ونشكر سعيها بي وراها
ما قالت بقيت حبوبة وتركت بوختها المحبوبة
لو جات من رياحها هبوبة بتحي عروقك المهبوبة
مي العزاية دائما حادة مي الغبشة المغبرة سادة
مي اللهفانة بي وراء المادة دي اللي البوخة ديمة موادة
ليه ما اشكرها مطاوعاني حافظة لي متعتي وحافظاني
حاوية من الانوثة معاني ومهما ابقي مر بالعاني


 
 توقيع : حسن عمر احمد ادريس



رد مع اقتباس
قديم 06-27-2012, 12:07 AM   #19


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



وجه القمر سافر يضوي شعاعو نور وافر
يابدر سائلك جاوب ليش اخوك نافر
من حيّو السباع تنتر من رمشو السهم طافر
ريم يسحب لي سيف لحظو وآخر بالسلاح غافر
يادمع ادفر ودع ياقليب سافر
شوقي لي ضافر
هل بي نظرتك اظفر يامن بالقلوب ظافر
اعلم لولا ما طرفك للبيض الرغام شاهر
انسان عيني كاد يغرق في ماء خدك الزاهر
نورك يتوقّد لعيون الخلوق جاهر
ظلمي شي ظاهر
اشراق الفجر يشهد علي طرفي العليل ساهر
كاحل طرفك الناعس والجيد بالاسيس عامر
مجدولات ايديك صدرك رجّح طبق الضامر
زدني من تيهك طايع ليك يا آمر
زهرة السامر رفقاً بمجنونك ياليلة بني عامر
في دولة صباك تايه يااللي عشقي ماك فاكر
اصبح مسكنك قلبي الفي كل ثانية ليك ذاكر
ان رأيت محيك يالبي نظرتك ماكر
ليك اكون شاكر
امّ الافق بيك تقنع لا تولد شمس باكر


 
 توقيع : حسن عمر احمد ادريس



رد مع اقتباس
قديم 06-27-2012, 12:09 AM   #20


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



يـالـيل ابـقالي شـاهد علي نار شوقي وجنوني
ياليل صــار ليك معاهد طـرفي اللي منامي زاهد
دنا لي ســهرك واشاهد فوق لـي نجمك ظنوني
ياجمـيل لي سهري واجد واراك نـايم وهـاجـد
ميـن لـي عيـنيّ ناجد دمـّاعـي الغـرّقـوني
بـرّاق سنّــك يسـاعد الغـيـم المـزنو راعد
ســاكن قـلبي ومباعد تشـتاق شوفتك عيوني
لاتكـون بالنـظرة جاحد حـلمـك في الميّة واحد
منـّك لـي قلـبي شاهد وبـين ايديك يا حنوني
حـبك في الجوف يطارد مـابيـن صـادر ووارد
ياحـبيبي الليّ مـارض اشـواقـك ضـيـعوني
حـبك لـي عـقلي فاقد شوقك جـوّا جوفي واقد
قـلبي اللـي حلمو فاقد نـظراتـك يأســروني
قلبك علي ظـلمي عاقد شـوفتك راحتي ومنوني


 
 توقيع : حسن عمر احمد ادريس



رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : مكتبة الحقيبة
الموضوع كاتب الموضوع المنتدى مشاركات آخر مشاركة
الامي وروايع الحقيبة عبدالمنعم احمد ابراهيم المنتدى الأدبي الثقافي 1 02-25-2013 05:45 PM
مكتبة الطمبور محمد ابوعمر قسم المكتبات 132 09-03-2012 09:07 AM
مكتبة الشاعر خليل فرح محمد ابوعمر قسم المكتبات 2 07-10-2012 08:10 AM
مكتبة الشاعر إسماعيل حسن حسن عمر احمد ادريس قسم المكتبات 80 07-10-2012 07:55 AM
مكتبة الشهيد علي عبدالفتاح محمد ابوعمر قسم المكتبات 8 02-13-2012 05:25 AM

الساعة الآن 09:32 PM.

Powered by vBulletin® Version 3.8.7
Copyright ©2000 - 2017, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون