آخر 10 مواضيع
البرنامج التدريبي بناء منظومة الموارد البشرية المتكاملة (الكاتـب : - مشاركات : 0 - المشاهدات : 17 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 37 )           »          خواطر (الكاتـب : - مشاركات : 0 - المشاهدات : 73 )           »          الدورة التدريبية مستشار الإدارات القانونية (الكاتـب : - مشاركات : 0 - المشاهدات : 106 )           »          البرنامج المتكامل لإعداد القادة (الكاتـب : - مشاركات : 0 - المشاهدات : 189 )           »          الدورة التدريبية المناهج الحديثة في التنظيم وتبسيط إجراءات العمل (الكاتـب : - مشاركات : 0 - المشاهدات : 220 )           »          اسأل نفسك (الكاتـب : - مشاركات : 0 - المشاهدات : 241 )           »          مؤتمر اسـتـثـمـار رأس الـمـال الـبـشـري( التمتين وتعزيز القدرات) (الكاتـب : - مشاركات : 0 - المشاهدات : 217 )           »          دور العلاقات العامة في مواجهة الأزمات (الكاتـب : - مشاركات : 0 - المشاهدات : 232 )           »          الســــــــــلام عليكـــــــــــــــــــم (الكاتـب : - مشاركات : 0 - المشاهدات : 236 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 03-31-2012, 07:42 AM   #11


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



.....شبيه الجن

البقول إنك جميل إنك حلــو، ما جاب جديــد،
سبقوه ناساً من بدايعك ومن غرايبك ذهلـــوا

شفت القمر يوم سبعة زايد سبعة كيف طالع حلو،
تحتو الكواكب والمواكب يغنوا ليهو وهللـــوا
كل الخلائق ترنو ليهـو الفـــي سماهو مجملـو،
ما بتوصف حرقوا البخور من عين تصيبو وتسحرو

الموالى علا مراتبـــو قسملو من كل شيء حلـو،
اداهو منقمم الجمال وحشــم طباعو وعقلـو
تاج الشــرف فــوق راسـو نصبو حكــرو،
وكساهو بتوب العفاف والرقة والذوق الحلـــو

لو كان صحيح للحور بنات في الدنيا يقدرو يظهرو
كان قلنا حور، والحور محال يدرك مقامو ويوصلو
لكنو زول من البشـــر خصاهو ربنـا شكَّلـو،
وبقدرتو جمَّـع عجايب الدنيا فيهو وحفَّلــو

ما لقينا ليو في الكــون شبيه نناظرو بيهو نمثِّلو،
بس العسل دائماً حلـو في آخــرو كان أو أولو
تعظيـم سلام نهديهــو للحلـو يوصلــوا
ونقيف أمام صنع البديع بإندهاش ونقـــدِّرو


 

رد مع اقتباس
قديم 03-31-2012, 07:42 AM   #12


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



رسالة الى سر حياتي
بشتهيك،
بترجى طيفك،
في الصباحات والأماسي
أنتِ يا نبض القوافي،
ويا حوار حلمي المجافي

وفي انتظار نفحات خريفك،
شوقى حط على رصيفك،
زي غريق وسط الهواجس،
في انتظار همس المرافئ

انتِ حلمي العشت ليهو،
انتِ وجعي الماهو خافي،
كيف تفكري،
أنسى حبك...
لحظة أو أرتد وأجافي

بيني بينك...
لا رواية ولا قصيدة،
ولا حكاية ريد جديدة،
بيني بينك سر حياة...
بيني بينك...
شيء خرافي

حاجة في جوايا تنبض
بين ضلوعي شجون ونشوة،
مددت لحظات حياتي،
وخلخلت وجع المنافي


 

رد مع اقتباس
قديم 03-31-2012, 07:43 AM   #13


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



حديث الصورة
عذاب الشوق...
كمن في نبضي واتبكَّمْ،
وهمس الليل...
وراء الشرفات كساني ألم
زمن راجيك...
زادي نواك وباقي عشم،
عشان يا غالية نتجمع...
وباكر ننسى مر الهـــــم
******
بقولوا الناس:
"طبيعة الريد حظوظ وقسم،"
وحظي جفاك...
أنا المصلوب على جمر الهوى المضرم
أناجي الليل، أقول يا ليل كفاي أرحم،
من الشباك أتاوق ليك،
تطل عينيك سراب وعدم
******
وارجع انتظر طيفك...
أحاول أنسى وأترنم،
من الوجدان تنط صورتك،
وتحكي معاي وتتكلم
تقول:
"راجياك... بريك وربي بي أعلم،"
وروحي الساسقت كايساك،
مصيرها في يوم،
مع روحك تصير توأم
******
حلاوة الريد...
صدود ولقاء؛ وشوق ووهم،
وفرحة بريئة لإنسان...
عرف مر الفراق والهم
وباكر يصفو لي هواك...
وروحك فيني تتحكم،
وتصدح روحنا من جواك،
ومن جوايا أحلى نغم


 

رد مع اقتباس
قديم 03-31-2012, 07:43 AM   #14


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



بكائية انثى وعتاب
هجرتني بعد الوعود الحلوة بالزمن الهنيء،
يا قاسي ليه جفيت قليبي، اخترت غيرو وبعتني

شلتك عذابات في الضلوع من يوم رحلت وفتني،
مشيت بعيد في غربة لا رديت جواب لا عدتني،
وفضلت أتجرع قواسي الفرقة والشوق العني،
راجياك سنين ترجع لعشنا تحكي لي وتضمني

فتحت ليك قلباً كبير يوم قلت لي بتحبني،
ونثرت عشقك في دماي وبهواك غمرتني،
بس الزمن فضح خطاك وكدت لي وغدرتني،
إيه ذنبي استاهل كدة وأنا كنت راجية تلمني

قل ليه غررت بقلبي الصغير وفي وهم عيشتني،
وإيه اللقيتو مع سواي خلاك جرت ظلمتني،
يا قاسي ما صنت العهود خليتني لزمناً عني،
أبكي السنين راحت وراك لا صنتها ولا صنتني


 

رد مع اقتباس
قديم 03-31-2012, 07:44 AM   #15


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



غربتين
بيني بينك،
غربة إحساسي المسافر...
بين تضاريس دنيا ريدك،
وبين متاهات العشم

وبيني بينك،
غربة تانية...
في ابتعادك،
وأنتِ فيني ممددة،
شرفة يكسوها الألم

كنت في دنياي قصيدة،
وكنت غنوة،
ورقصة زغرودة ونغم

وكنت شمعاتي المنيرة،
رماد كفاحك...
ياما كم كحلني،
زان عيني كم

عرفت فيك دنيا السعادة،
وشفت بعينيك...
دروباً،
واعدة بالحب والقيم

وكان قليبك...
دوحة وارفة،
وديمة ممدودات ظلالك...
في الهجير مرسى وملم

ومن رحلتي خطايا خارت!
لا عرفت ألم شتاتي،
ولا وراك...
بارحني هم

والظلام لازم دروبي،
تكسرت جواي ثوابت،
وفي بعادك...
ما في ثابت،
لا حقيقة ولا وهم


 

رد مع اقتباس
قديم 03-31-2012, 07:45 AM   #16


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



مسدار للحلوة
بين مسارات السحاب
و الخريف والدنيا ليل
شفت ملمح فيهو طيفك...
منتشي وهادي وجميل
******
البريق يضحك معالكي
والقمر غيران ذليل
والنسيم حيران يلخبط
بين ملامحك والحرير
******
والشمس ترسل سلاما
من وراء الليل الطويل
وتقول حبابك في رحابا
ويحفظك ربي الجليل
******
برجك العاجي المعلق
بين مسارات السهيل
ياللا أنزلي... قدلة قدلة
وطمني السهران عليل
******
ياللا أنزلي في جروفنا
وخلي نبعك يجري نيل
ما الأرض عطشانة تشهق
في انتظار مطرك كتير
******
أنت أملاً مشتهنو
وانت فجراً... عز... دليل
أنت نقارة طربنا
وزادنا ليوم الرحيل


 

رد مع اقتباس
قديم 03-31-2012, 07:46 AM   #17


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



روحي تحررت
ماني ناسي... همسة الريد القديمة
ورقتك... يوم التقينا
في رحاب جنات سعدنا
وكل تلك الذكريات
وماني ناسي... كل تلك الأمسيات
والسوالف والنوادر والحكايات
وكل أيام السعادة...
وكل لحظة حب غريقـة

وماني ناكر... إنك إنت
كنت في دنياي علامة...
وكنت قف!!
وفي عيونك كان مراحي...
ومشفى علاتـي الرتيبة
كنت مهدي أحن ليك، زي نوريس...
هـم عائد لنويرسة...
بالسنين منتظرة جيتـو،
وفي انتظارو...
جمعت كل المفاتن والرموز؛
وكل همسة شوق رقيقـة

وكنت لما يطول غيابك...
أو غيابي يطول عليكي؛
ما بتعرف عيني ترقد...
وكان دوام ذكراك حبيبة
وكنت لما تطلي لحظـة
قصاد خيالي...
يرجع النور لعيوني،
وتختفي الموجـة الكئيبة...
وترقص الهمسات طربا
لرجوعك يا حقيقـة

والزمن لو قال كلامو...
والهموم هدتني...
عرفت لدواخلي لقت طريقة
ولو حكايتي معاك تهاوت وانـ...
تهت... كل الشجون
والمداخل مني ليك تقفلت
من زمان ضلت طريقا
ما في داعي أشيل هواجسك
في ملامحي وأهاتي بيك...
وانتحر في كل دقيقــة

وقلت ليك مبروك جديدك...
لو بدوني دناك سعيدة
ولو قدرتي تسيبي حبي...
قادر أنساك يا عنيدة
ولو رجعتي لداري تاني
تلقي روحي تحررت...
ومن هواك صارت طليقــة


 

رد مع اقتباس
قديم 03-31-2012, 07:47 AM   #18


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



بعيدة انت وقريبة
لما أفكر...
في المسافة البيني بينك،
والزمن
ولما أحسب...
أتعس اللحظات بدونك،
وارسم الأبعاد على ورق الشجن
أدرك إنك...
كيف بعيدة!
يا بعيدة وفي الحقيقة...
أنتِ في دنياي قريبة،
وليكي في جواي وطن

يا بعيدة ويا قريبة...
ويا وتر مشدود على نَفَسْ الزمن،
لحنك الدقداق شدهني،
تمردت خيلي العنيدة،
وفي الطريق ضليت مِفَارِقْ...
لا عرفت أتم كلامي،
ولا بلاك طاب لي سكن

ما المسافة البيني بينك يا منايا...
مددت عمر العذاب،
قصقصت روح الحنين...
الإندفن في جوفي يتحسس صداك،
وأشواقي ليكي تقافزت في مهرجان...

يا بعيدة...
وحبي ليك ما ليهو حد،
ما ليهو عد... من غير تمن!
ديمة اشتاق لعيونك،
واحة الحلم المزعزع...
بين مدارات الزمن
وديمة تواق ليهو طيفك...
في عيوني رسم ملامحك،
وفي كياني رِبا وقطن


 

رد مع اقتباس
قديم 03-31-2012, 07:48 AM   #19


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



فجر الامل
(1)
ديمة شايلك، بين ضلوعي،
جوة في عمق الحنايا...
وفي نبيضات قلبي بيك ولهان تِعِبْ
في عويناتك أشوف،
بسمة أطفالنا المموسقة بالبراءة،
ورقة الزول القبيل،
من رحيق عشقك شرب
شايلك مشاعر في شرايين النسايم
لما تمشي تزور جروفنا،
تطل عليها...
وبحنان تنساب تغيب
تمشي لبلداً بعيد....
تلقى ناساً،
في وجوهم، لعنة الزمن القسى،
وفي نفوسم،
عشش الألم الرهيب
ولما توصل لديارم...
تنشرح نفس السما،
ينزل مطر...
يغسل هموم كل التعابة،
ويرسم الفرج القريب
وتضحك الأرض الفسيحة،
تبتهج نشوة وصبابة،
وبالخدار يزدان شبابا،
وينهزم زمن النحيب
(2)
وانت تطلعي من زهورا،
ومن رمالا ومن صخورا،
ومن زغاريد القماري،
وضحكة أطفالنا وحبورا
(3)
أنت ما فرح الغريق...
لما مجداف الزمن توهن قواه،
وفجأة ينهار الشراع،
ويضحك القدر العنيد،
وينكتم نفس الوجود،
وبتهج وجه الضياع،
وكل أفراح الصبايا...
وبهجة الكون المعذب والصراخ،
تمشي في لحظات وداع
(4)
أنت فجأة تطلي لينا....
ضحكة من زمناً سحيق،
تضوي كون أهلي الغلابة بنور الأمل،
تاني يرجع كون جديد


 

رد مع اقتباس
قديم 03-31-2012, 08:00 AM   #20


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



زهرة عجيبة
من عجائب الدنيا إنك...
ديمة في أعماقي زهرة؛
من زمن ما طل لس
بس بحسك بين متاهات العيون،
نسمة في جوايا رعشة
وصوت أريجك للبعرفو...
زي تقول همس الأصايل؛
في نوافير السكون...
زي تقول صوت طفلة يانعة،
تشدو بإيقاع حنون
ترسم الكلمات مشاعر،
وفي عيونا وتر شجون
آنت أصلك لما بنتي...
في سما الدنيا الكئيبة
ولما طل عبير قدومك،
يحمل البشرى الحبيبة
جانا سعد الكون تتابع...
همسة...
همسة..
وأرسى ضلو؛
بيك طعم الدنيا حالي؛
وليك بذل الروح مثالي؛
والهلاك في حماك غالي...
لما أنت تكوني حاضرة
في ترانيم الحواري،
ورقصة الشفع عصاري
زي طيور الجنة راجعة؛
عائدة للعش البداري؛
من شقا الدنيا العنيفة،
وشدة الحر والكلالي...
مرة أشوفك،
ومرة تبعدي زي طشاش؛
ومرة ألقاك غيم مسافر،
خلّ للناس الرشاش


 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : عامر عجيب.
الموضوع كاتب الموضوع المنتدى مشاركات آخر مشاركة
عامر المانجلك ترحيب حار admin2 المنتدى الاجتماعى 10 07-28-2013 07:49 AM
شقيقة جعفر عامر فى ذمة الله محمد الياس قسم الوفيات والتعازي 5 02-24-2013 02:21 PM
مشهد عجيب - سبحان الله بكري حاج احمد ديوان الحصاحيصا 3 02-01-2012 07:39 AM

الساعة الآن 09:20 PM.

Powered by vBulletin® Version 3.8.7
Copyright ©2000 - 2017, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون