آخر 10 مواضيع
البرنامج التدريبي بناء منظومة الموارد البشرية المتكاملة (الكاتـب : - مشاركات : 0 - المشاهدات : 17 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 37 )           »          خواطر (الكاتـب : - مشاركات : 0 - المشاهدات : 73 )           »          الدورة التدريبية مستشار الإدارات القانونية (الكاتـب : - مشاركات : 0 - المشاهدات : 106 )           »          البرنامج المتكامل لإعداد القادة (الكاتـب : - مشاركات : 0 - المشاهدات : 189 )           »          الدورة التدريبية المناهج الحديثة في التنظيم وتبسيط إجراءات العمل (الكاتـب : - مشاركات : 0 - المشاهدات : 220 )           »          اسأل نفسك (الكاتـب : - مشاركات : 0 - المشاهدات : 241 )           »          مؤتمر اسـتـثـمـار رأس الـمـال الـبـشـري( التمتين وتعزيز القدرات) (الكاتـب : - مشاركات : 0 - المشاهدات : 217 )           »          دور العلاقات العامة في مواجهة الأزمات (الكاتـب : - مشاركات : 0 - المشاهدات : 232 )           »          الســــــــــلام عليكـــــــــــــــــــم (الكاتـب : - مشاركات : 0 - المشاهدات : 236 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 03-01-2012, 07:28 AM   #11


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



رضــا

كيف لي ان امنح صغارى

ما تبقي من روعتي

دون ان يغتصبني

غول الاغراءات الرخيصة

من يبعنى

في عصر الامراض المستعصية

جرعة دواء دونما غزوٍ

لمدائنى الجميلة ؟

من يقامر ليربح السلام ؟

ويمنح صغاري دعة البرآءة

في عصر القاذفات

وربما القاذورات لا فرق

من يقامر من اجل ان يغتسل بطهرٍ

ولو للحظةٍ يرضي علي اثرها الله .


 

رد مع اقتباس
قديم 03-01-2012, 07:29 AM   #12


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



خــواءُ


أحمل بداخلي مسافات

بعيدة

مرهقةٌ أنا يسكننى

الخواءُ

أبحثُ عن طريقٍ

يوصلني للحظة إتكاءةٍ

غير مشوشة

سلبني اليتم حلو أيامي

من يمنحني قطعة سكر

عجوزٌ أنا

يخيفني الزمن

ليته تملص مني

مصلوبةٌ أنا

علي ذاك النفاج


 

رد مع اقتباس
قديم 03-01-2012, 07:30 AM   #13


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



وآأسفاى


سلبته الريده من جواى

نزعته البسمة من شفتاى

هدمت البينا كان عامر

قفلته السكة وااسفاى

جرحته اجساسى في الاعماق

صليت بي نارك الاحداق

ظلمته وما رحمته سواك

وهزيت بي جفاك حشاى

جنيت علي اروع الايام

سقيتنى معاك أمر مدام

تهته وضاعت الاحلام

وأفنيت بي رضاك هواى

كان في ايدك الافراح

وسعد الدنيا والاتراح

كل الكان جميل ضاع راح

وشايله قساوتو وحدى براى

ما مليت ظروفى معاك

ويا ما لقيت هوان في هواك

وجاى الليله انت براك

تخمد نورك الضواى

ما فكرته في الجايات

وما عاينته لي الثمرات

نسيت الود واحلى صلات

وضيعته الوتر والناى

ما كان في الخيال انساك

ولا بإيدى كان أسلاك

ولا فكرته اقسو عليك

قساك بس هد كل قواى

قدر ما قلته احنو عليك

واخلق عذر يشفع ليك

الاقى الجور بديتو براك

كثير في حقى في معناى

عندك قدرى ما عارفاو

وقدسل ليا ما شايفاو

وليد اللحظة في معناو

وبعد اللحظة بلقى اساى

كثير حاولته اغفر ليك

وانت بعيد وما هاميك

نظمته حروف هديتها اليك

حرقته بي ايدك احلى غناى

قد ما قلته انسى قساك

واحاول تانى احيا معاك

اطرى العامر المهدوم

وقفل السكة وآأسفاى


 

رد مع اقتباس
قديم 03-01-2012, 07:31 AM   #14


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



البيت الناصية

لو مره جابتك الصدف

على ناصية البيت الكبير

اللونو بيج

وتعريشتو عاليه تقول تطير

وجهنميتو اللونها

زى وهج الحري

واللافته المليانه جير

في جوفها نام اسماً أسير

لى قلبى لى جواى أنا

لى ذكرة العمر المرير

ولو مره جابتك الصدف

ما تندهش!!!!!

أصلو الزمن لو ذوق

الجدران وبان

المنظر المبدع حين

خلف الجدار رقد الألم

نام الوجع

سكن الحزن

والجوه فيب البيت الكبير

في جوفن الحنظل سكن

ولو مره جابتك الصدف

بستحلفك

ما تعدى قبال ما تطل

وتشوفنا كيف

بنعيش ضياع

وغربة في جوف الوطن


 

رد مع اقتباس
قديم 03-01-2012, 07:32 AM   #15


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



عشان تقدر

عشان تقدر تعايش الناس

تعيش زى ما الخلوق عايشين

تسرق البسمة من جواك

وترسم بهجة في العينين

وتنسى الدنيا وأحزانها

وواقع عمرك المسكين

عشان تقدر تعايش الناس

تلبس ليك قناع من زيف

تبدل ثوبك المغسول

بعرق الشمس وحر الصيف

وتلبس زينة الالوان

وما تبالغ وتبقى عفيف

ولو حاولته تبقى نزيه

وضعك اكيد حيبقى مخيف

وزى ما الناس تجامل الناس

لازم انت تبقى حريف

عشان تقدر تعايش الناس

تشيل شرفك وترمى بعيد

وتبقى ضلالى تبقى انانى او عربي

ووشك يبقى بي صورتين

والماعندو عاد وشين

بقولوا عليه جبان وبليد

وقرشك !! مهمه يكون معاك قروش

وليك رصيد وليك كروش

عشان تقدر كلابنا تحوش

ووضعك يبقي بين الناس

سيد الناس

وسيد الدار

وسيد الحوش

عشان تقدر تعايش الناس

تقاطع اخوك لو غلبان

وتتنكر تقول ما اخوى

وما بعرف زمان وين كان ؟

وتنسى الماضى وأحزانو واتعابو

وتنسى تكاتف الأخوان

وتنسى الحوش وتنسى الطاقه والجيران

وتنسى الدوكه .. حليل الدوكه لما إكان

ملاح الحله يكفى الحِله والجيران

وزاد الليك مهما تكون تخم شبعان

لازم يكون عندك ليهو انت مكان

عشان تقدر تعايش الناس

تفسر بسمتك لو جات بلا ميعاد

تحدد وضعك الجغرافى بالابعا

وتتعامل بدون تاريخ بدون ميلاد

زمان لما النفس طايبه

عنقريبنا يشيلنا بالاعداد

وهسه ؟!؟!؟!

الدنيا مهما تكون رحبه ؟

تضيق علي الأنداد

عشان تقدر تعايش الناس

يكون ليك دار وليك بيوت

وتسرق لقمة الجاعان وتنهب من حشاهو القوت

وتلبس زينة الالوان وتهدم كل درب مسدود

وقيمك ما في ليها مكان

اصلو المبدأ اسمه قيود

وكيف تقدر تعايش الناس

والجواك نظيف ياقوت

تضيع لو قلته تبقى مثالى

ولو غنسان أصيل .... مرفوض

وعشان تقدر تعايش الناس

انسى اخوك مهما كان

وابقى السجن والسجان

وابقي الحاكم السجمان

وابقى الماكِل التخمان

وأخوك حداك ينوم جاعان

وكده تقدر تعايش الناس


 

رد مع اقتباس
قديم 03-01-2012, 07:44 AM   #16


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



وجع الغروب

ما خلاص سكة خطاى ما راضيه

ترجع عن مساره

لملمت وجع الغروب وبيه

صبغت كل خضاره

يا جراحاتى العميقة

ويا محاريبي ومزاره

قولي للى اللساتو بعشم

في سنا الدنيا ونضاره

ما خلاص البيا راحت

والسنين بان انحساره

كنت يا ما كنت ناديه

وفي الصفات طبعى الجساره

وياما كنت لما أضحك

تعلن الآهات وداره

ويا ما أحرفي كان تقارع

في دروب الاستعاره

والقوافي للمنافي

تهزم الغربه ووداره

ويا ما جلجلت المنابر

وبالقصيد كانت مناره

وياما بي لمة غوالي

هان شقا الدنيا ومراره

ويا ما شان زولاً بريدو

كل حزن جواى توارى

ولما كان دنياى تغيم

بكتم الآهة وحساره

وأضوى في كل المسارب

للمساكين الحيارى

بس خلاص البيا راحت

وكل جميل راح يا خساره


 

رد مع اقتباس
قديم 03-01-2012, 07:45 AM   #17


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



الليل في الحارة

مدد .. مدد


وسيل الدموع هدار عنيف

ما ليهو حد

حرق مآقى الليلها طال

لهب الانين ارتاح رقد

والآهة في جوفى اللى كان

مليان أمل نشوان سعد؟

مسحت بسيماتى الزمان

رنانه في قلب الولد ! !

والكون غفا

ونامت عيون كل الخلوق

وهدأت البلد

والنسمة فارقت الوجود

حتى العيون نورن خمد

وحداى انا ناموا الصغار

وشافوا الدموع هادانى هد

والليل طويل

طويل طويل

لا فيه همسة ولا نغم

لا فيه قول ولا ختى رد

اقضيه ساهره مع الدموع

والريده بينها وبينى سد

خايفه الصغار يوم يكبروا

ى يضموا عين لا يبوسوا خد

وخايفه الحنان تب ينعدم

وخايفه الامان ما يلقى سد

وخايفه البمد طوق النجاة

ما يلقى طوق ام الولد

وخايفه وىخوفى الكبير

الدنيا تبقى اجزار ومد

واغرق كمان واتوه ما القى الحنان

وما القى حضنا ارتوى

من حضنى رياً مالو حد

ولمن عطشته وليهو جيت

بكى العيون

جرح الخدود ونسى العهود

وما صان وعهد


 

رد مع اقتباس
قديم 03-01-2012, 07:49 AM   #18


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



سارحل

وسأبقى كالأطلالِ تأتى تزورنى

فتُجيبك الأصداء تبكى تولولُ

وترنُ في أُذنيك أصداء المدى

يا من بأيديك طفئت المشعل

وأبحت ضرب الموتى صار محلالاً

أن تمشى في نعشى سعيد تهلل

وبوقع قدميك عظامى تهشمت

لم تبقِ للديدان شيئاً يؤكل


 

رد مع اقتباس
قديم 03-01-2012, 07:50 AM   #19


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



لم يبقى لى إلاك

فى مضنى السفر

لم يبقى لى

إلا طيف هاتيك العيون المرتحل

لم يبقى لى

إلا طيوب الذكرى فى عزف الوتر

لم يبقى لى

الا لحنه المزمار والناىُ وزخات المطر

لم يبقى لى

لم يبقى لى

إلا ظلال الطيف تعبرنى فيرهِقُنى الأثر

لم يبقى لى

إلا صدى الهمسات ترتدُ أواهِ من همسٍ بليغٍ مستتر

لم يبقى لى

إلا وشوشات البوح فى ليل السهر

لم يبقى لى

إلاك تأتينى وإلايا أجيئك دونما أدنى خبر

لم تبقى لى

إلا آثار معصمك بخاصرتى معتقةً بجسدى تنتظر

لم يبقى لى

إلاك هيأتُ له النشوى فى كأسات السكر

وفضضتها ...أوتدرى ؟ ؟

إلاك يدرى رقصة الجسد المجغرف إذ نذر

لم يبقى لى

الا ذكريات الامس والماضى النضر

لم يبقى لى

إلا اريج اللقيا فى عبق الزهر

لم يبقى لى

الاك زاداً وإن تباعدت المنافى

واستصعبت سبل السفر ؟ ؟

فتعال

علنا نرتشف

مما تبقى من رحيق مُدخِر


 

رد مع اقتباس
قديم 03-01-2012, 07:51 AM   #20


الصورة الرمزية رؤى عمر احمد
رؤى عمر احمد غير متواجد حالياً

بيانات اضافيه [ + ]
 رقم العضوية : 364
 تاريخ التسجيل :  Feb 2012
 أخر زيارة : 04-30-2012 (08:14 PM)
 المشاركات : 342 [ + ]
 التقييم :  20
لوني المفضل : Cadetblue
افتراضي



اخطار بالجلسة النهائية

بالامس كنا سيرةً عبقت بارصفة الدروب

وتنسم العشاق عطر اريجها وتبسمت

من طيبها كل القلوب

ابداً انا ما كنت اعلم ان لقيانا استحالت

لما غدونا عصارة العطر المضمخ بالطيوب

اوآب أرتادُ محاريب الهوى فلعلنى

القاك يوماً إذ تؤوب

لا تحسب السنوات تقصينى ولا ناءت

بدنياى الخطوب

وحدى انا أرنو اليك فكلما بعدت

علي دربي خطاك استميحه أن يضيق

وحدى انا ادركت سر تغلغلك

فيشب في قلبي الحريق

وحيناً تضج قوافىالابيات في خلدى

فيلسعنى البريق

وألوذ منك اليك يا نزف الحريق

ابدا انا ظلاً يقيك الحر

ويهديك الطريق

وبصدرى تغفو فتزهر بوارق الأمل الوريق

تتحايل الأشواق تؤجج مهجتى أن أستفيق

وتهدهد الروح فتسرى في دمى

إنى افيق ولا تفيق

يا ايها الطفل المشاكس دغدغت

احشائى ألام المخاض فجئتنى وهجاً

تدفق كل ما فيه بريق يأيها الثر العريق

غربتى تجثو اليك ضراعةً فلا تكلنى

لغربتى انى غريق

حزمت أمتعة الرحيل فما تبينت الطريق

ايها الصب الرفيق انى اطيق ولا اطيق

أن انظم الكلم الرقيق

بسبائك الدفء المنمق

بردةً من حر أنفاسى تقيكً

وعقدتُ عزمى بعهد أيامى الوثيق

انى هويتك رغم رغمى ورغم رغم

نزيف ايامى واوجاع الحريق

اما تكن قارورة للعطر تندلق

فأغفو ولا أفيق

او لا تكن حدثاً بعمرى

دونما قدراً يليق

لا عذر اوجده غداً اذ ما تفتقت الورود

وابيت ان تبقى الرحيق


 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشاعره : نجاة محمد الياس
الموضوع كاتب الموضوع المنتدى مشاركات آخر مشاركة
الف مبروك للمتميز محمد الياس محمد ابوعمر المنتدى الاجتماعى 13 03-02-2013 11:12 AM
نجاة الياس admin2 المنتدى الاجتماعى 6 12-11-2012 08:48 PM
نجاة المتعافى وإستشهاد ثلاثة اشخاص بكري حاج احمد المنبر الحر 3 02-27-2012 07:11 PM
مرحب محمد الياس ياسرسرالختم المنتدى الاجتماعى 7 01-09-2011 08:16 PM

الساعة الآن 09:24 PM.

Powered by vBulletin® Version 3.8.7
Copyright ©2000 - 2017, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون