آخر 10 مواضيع
البرنامج التدريبي بناء منظومة الموارد البشرية المتكاملة (الكاتـب : - مشاركات : 0 - المشاهدات : 17 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 37 )           »          خواطر (الكاتـب : - مشاركات : 0 - المشاهدات : 73 )           »          الدورة التدريبية مستشار الإدارات القانونية (الكاتـب : - مشاركات : 0 - المشاهدات : 106 )           »          البرنامج المتكامل لإعداد القادة (الكاتـب : - مشاركات : 0 - المشاهدات : 189 )           »          الدورة التدريبية المناهج الحديثة في التنظيم وتبسيط إجراءات العمل (الكاتـب : - مشاركات : 0 - المشاهدات : 220 )           »          اسأل نفسك (الكاتـب : - مشاركات : 0 - المشاهدات : 241 )           »          مؤتمر اسـتـثـمـار رأس الـمـال الـبـشـري( التمتين وتعزيز القدرات) (الكاتـب : - مشاركات : 0 - المشاهدات : 217 )           »          دور العلاقات العامة في مواجهة الأزمات (الكاتـب : - مشاركات : 0 - المشاهدات : 232 )           »          الســــــــــلام عليكـــــــــــــــــــم (الكاتـب : - مشاركات : 0 - المشاهدات : 236 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 02-24-2012, 07:55 AM   #21


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



شلعت برق
وردت المويه ما صالت
على الصلصال وحنت
للوطن ضفة
بنية إن مال زمانا المال
باعت زيفو بالعفة
فيا قلباً بنى الآمال
على وعد الزمان يصفا
أرمي وراك جبال أحمال
وسوي غناها ليك حِرفه
شلعت برق
رفت حلم
هماً مقسم في العِلم
ما أجملا
ما أنبلا
دي الحالمة أبسط
من حلم
جنبك تمش
وتبق شمس
رمز الخصوبة ومكمنا
يصدأ الدهب
ما يصدأ أبداً معدنا
دي النيل سقاها الإخضرار
بالعفة زانا وهجنا
وإتمنى لو شلعت برق
رفت حلم
إحترت في غنا يوصفا
كل الغناء الفات والبجي
ماظنو يقدر ينصفا
بهجة زمانا الما صفا
أنا ليها كم شقيت زحام
متمني مرة أصادفا
وإتمنى لو شلعت برق
رفت حلم
ما لومت وإتلومت
نهرين
وصفة وملتقى
واقفة بتباصر في الظروف
تتحدى قادرة على الشقاء
ما مرة طاطت وإنحنت
كان في عدم
كان في لقاء
دي الراسا فوق
مِن عِزه ما مِن الطغا
بت مِن غُناي إتوهما
لغة للوداد إتكلما
هدأة مسايا البحلما
تدخل رئة شوقي وأشيل
نَفَس الوداد أتنسما
وأتمنى لو شلعت برق
رفت حزن
هماً مقسم
في العِلم
الكِسرة والسُترة الهدم


 

رد مع اقتباس
قديم 02-24-2012, 07:56 AM   #22


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



ست الغزال
ومضة عشم فيا
تفتح مواني الشوف
تنده مراسيا
أعبر زمان الخوف
ست الغزال الريم
عارفاني صيادا
قريافا رامي البال
والكيف صبح عادة
فنجانا مسكو يفوح
السكرو زيادة
بتاً بتتعطر
عارفاني ريادا
تفتح مواني الشوف
تدخل مراسيا
تملا المكان إشراف
والدنيا حنية
يا عالما المفتوح
يستوعب أحلامي
حامت مداين الروح
صدقت أوهامي
قُت البشاير جن
والهابه أنسامي
خليت ورايا الظن
عاينت قدامي
فكت ضفاير الليل
والليل حلك بالحيل
في كتفي إتهدل
يا شوق كفاك الشوق
بي صبرك إتجمل
عينة ودعاش وندي
نادتني ياروحي
جاوب نِداها صدى
ياخدَها الوضَاح
حالي وحلال شهدا
لا غيرا سكن البال
لأني إصطفيت بعدا


 

رد مع اقتباس
قديم 02-24-2012, 07:56 AM   #23


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



عـطـشـى الـبـشـابـي


يشتهيك عطشى البشابي

وإنتي موجة على ضفافي

داير أغني على دفوفك

فكرة لي عالم خُرافي

إشتعالات المعاني

الشايلة أفراح القوافي

وإحتمالات التواصل

لي فرح معدوم ومافي

داير أغني على مزاجك

لمة القمري البقوقي

الدريبات البتسأل

عن خُطايا وعارفة

شـوقي ...........

والغمامات التظلل

في الهجاير وحايمة

فــوقــي .........

ويشتهيك عطشى البشابي

قصة السفر المسافة

فُتها ومليت مطافا

رحلة الموجة التراوح

لسه ماوصلت ضفافا

عالم الوهم المسيج

بالهواجس والمخافة

غنوة العزة البتنزف

روحا تتقطر رهافة

داير أغني مطر فصولك

والصباحات الحميمة

ياني مفتون الأماسي

مادح القمرة ونديما

وإنتي وله القصايد

حايزه حسن الكون

........... وسيمة

يشتهيك عطشى البشابي

والغيابات العشانك

ودرت نُضرة شبابي

عيني فيك

يندهني ليك

وأمشي جاري

وراء سرابي

ويشتهيك ........

عطشى البشابي


 

رد مع اقتباس
قديم 02-24-2012, 07:59 AM   #24


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



ضل سحابة

لأنك ضل سحابه جميل
لأنك ضُل سحابه جميل
موشح بي حنانو النيل
لما يمر على الشتلات
مطر دفاق عليها يسيل
مشيت كل المدن كايسك
لقيتك مافي ليكي مثيل
لانك ضل سحابه جميل
رجيتك يا قماري تنوح
على الحب الي كان مجروح
سلْمتك قليب حزنان
وسكْنتك مداين الروح
لانك ضُل سحابه جميل
معاي عداي محل ما أروح
يجول بصري الكفيف قبلك
يلاقي مداهو بيك مرسوم
تحلقي فوق جفاف حلمي
وتنزلي في هجيري غيوم
لانك لي ثبات خطوات
بترجع من لهاث محموم
صدق غنايك الوصاف
صباح وجهك جميل وضاح
وزي ما الليل بعج أسرار
نهار عينيك كمان فضاح
فضح ريداً كتمتو زمن
واهدي الكون حنان وسماح
لانك ضل سحابه جميل
موشح بي حنانو النيل


 

رد مع اقتباس
قديم 02-24-2012, 08:00 AM   #25


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



صباحيه وغيمة خير خريفية
تحلق في الصبـاحية
جمال نيلين وكت سكب الشروق ضيو علي الموجه النهارية
جمال زولاً قليبو وطن دواخلو ملانه حنيه
أمل ناسا على الغيمات همومم ديمه مرميه
صباحية...
تصادفك تفتح الابواب على الزمن البجي وموعود
تسالمك روعة الترحاب مع الفرح اللي ما محدود
تشيلك في البريق والضي تسافر بيك بلود وبلود
وترجع بيك صباحيه..
امل ناسا على الغيمات همومم ديمه مرميه
تحسها زي دخول الضل وهبة نسمه فجرية
وزى شدر الفريق وكتين تقيل فوقو قمريه
وزي حوش الصريف حاضن فروع النيم وقطية
وتضحك ليك مع الايام
أمل ناساً على الغيمات همومم ديمه مرميه
صباحيه..
سمار النيل وتحنانو يشوفا الزول تهاجر منو أحزانو
يشوفا الطيف بيهرج بيها الوانو..
أمل ناساً علي الغيمات همومم ديمه مرميه


 

رد مع اقتباس
قديم 02-24-2012, 08:03 AM   #26


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



ظليلـــه
مدني النخلي


يا ظليله ومبعث الدفء والحنان

في جبينك راقد النيل الممدد
شاغل الروح والمكان ...
وفي دواخلك نامت الاحلام هنيه
وصفقت روح الزمان...

إشتهيتك...
اشتهيتك قبلما ايدي توادعك
وتحضن الشمس الغروب
واحتويتك قبلما اغرق وتصرخ
لهفه الروح في الدروب
وبانت احزان المسافه الفاصله بينا
وراميه في وجهي الشحوب

ورف نبض اللحظة هاتف
شع نجم اللقيا باهر
رن صوتك صادق النبره
البقطر من عسل روح المشاعر
نادي من عمقي المواقف

وشحنة الفرح الموزع في البنادر
ضمه فيك شتله الامل
المعشعش في الهجاير
ولمه نبضك شعلة الحب
البتوقد في حشا الحزن المثابر
وكان قليب قلبك منور
في رحاي مفتوح وشاغر

وفي جنبيك راقد النيل الممدد
شاغل الروح والمكان
وفي دواخلك نامت الاحلام هنيه
وصفقت روح الزمان




 

رد مع اقتباس
قديم 02-24-2012, 08:04 AM   #27


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




ندى الفكرة
مدني النخلي


سرق زمن الفجعة صباك
وامـس واقف تشد الحيل
قـابض جـمرك الاحمر
امـل نـاساً بعزو غناك
امـس دافر اصيل الخيل
وراجع فى المفازة صداك
جـالب لـلضفاف الخير
وصـادح وترك الضحاك

ايـا عـايد مـن الغربة

مـوشح بـى ندى الفكرة
شـايـل لـلـبلد قـنديل
وبـاقات من اسى الذكرى
غناك يفضح وشى العتمة
ويـنزل فـى ارض بكرة
تـقول لا غـبّ مسدارك
ولا اتـرمد وهـج نارك
ولا الـغبن السكن صوتك
دخـــل مــوتـك ..
وجـفت نـضرة ازهارك
وحـلّـق بـلبلك طـاير
يـراقـص درة اقـمارك
وشـالو الـضفة سمارك

ايـا لابس قميص الضى

رزازك غـطى حزن الفل
وطـالع مـن هتاف الكل
ونـازل فى الهجاير ضل
حـداك اتـمدد الـياسمين
وفـاح الـنرجس الحباك
بكى الغيم فى غناك ومعاك
وغـرد وتـرك الضحاك
ونـوم مرتاح قرير العين




 

رد مع اقتباس
قديم 02-24-2012, 08:04 AM   #28


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




اصل الحكاية
مدني النخلي

لـو عـليك الريدة هانت

قـصة بـحكيها وبـقولا
وابـكى فى اخر فصول
قـصة الـقمر الـمسافر
من مدن فى الحسرة نامت
دمـعة الشوق فى عيونك
الـحنينة وطـيبة كانت
بـحكى لـلناس عن وداد
ومـا بقول سابتنى فاتت
قـصة بـحكيها وبـقولا
وابـكى فى اخر فصولة

قـالو فـى الامثال زمان
عـن حـكاية بدون نهاية
انـتى يـا اصل الحكاية
فى الحقيقة العايشة غاية
لـما كـانت فى عيونك
دنـيتى وفـرحة هـوايا
كـنت يا ريدى الخرافى
الـحكاية بـدون نـهاية
والـبداية بـدون نـهاية

يـا الـعليك الريدة هانت
دمـعة الشوق فى عيونك
الـحنينة وطـيبة كانت
يـحكى للناس عن ودادة
مـا بقول سابتنى خانت
قـصة بـحكيها وبـقولا
وابـكى فى اخر فصولة


 

رد مع اقتباس
قديم 02-24-2012, 08:05 AM   #29


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



إنتظــار
مدني النخلي

كم بفتش عنى عنك فى مداين ما بتعرفك
أُم بتسال عن ضناها غيمة هجت من سماها
وزحمة المدن الحزينه وصرخة الكلمة وصداها
وكم بفتش عنى عنك

انتظرتك ياماياما والمواني ابت تجيبك
لا تعبتَ من المسافه ولا بفكر يوم اسيبك
روحى حامت زى فراشه جات تحلق فوق لهيبك
كم بفتش عنى عنك

مرة شفتك والمسافه الليل يوزع أمنياتك
قلت زولتى الماغريبه رغم همك باكى ذاتك
كنتى عاوزة تقولى حاجه وكلمة ابلغ من سكاتك
وجيت افتش عنى عنك أمشى والهم الغلبنى
مالى روحى وشايلو كتفتك الكلام تاهت حروفوا

فى النعاس الغاشى طرفك لا ملامح صدحى صوتك
ومنى ضايع حتى وصفك كم بفتش عنى عنك
فى مداين ما بتعرفك


 

رد مع اقتباس
قديم 02-24-2012, 08:06 AM   #30


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



صرخة
مدني النخلي



مردودة من صرخة وصدى ..
مولودة في الزمن العقيم ..
رغم المسافة .. الدهشة ...
والشوق والندم ...

أدمنت تحديق السراب ..
هدمت في ليل الحزن ..
أوغلت في الزمن الغياب ..
أدمنت فيك عشق الحروف ...
رغم إنهزامي مع الظروف ..

لا المدارات المسافر فيها لعيونك مداي ..
لا هواك كان مبتداي .. لا مداك كان منتهاي ..
كنت فارد للحلم في ليل رحيل مليون جناح
كنت فاتح صدري ديمة ..
وما بخاف في الزمن الخرافي ..
ودمي كان باقي المداد ...
نبضي في حزن القوافي ..
وصبري في الليل الودار
..
وديمة أنسج في الغناوي ..
والتواشيح القديمة ..
أعشق الأمل البعاين ..
في المسافات الأليمة ..
تسخر أقداري العنيدة ...
وتبكي أحزانها القصيدة ...
لا زفافك كان مطاف .. للأماني وللعفاف ..
وخاصمت عيني الغمامة ..
وداس فرح عمري الجفاف ...

...


 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشاعر مدني النخلي
الموضوع كاتب الموضوع المنتدى مشاركات آخر مشاركة
مدني تتظاهر امس بكري حاج احمد المنبر الحر 0 07-29-2012 05:37 PM
تظاهرات حاشدة في مدني بكري حاج احمد المنبر الحر 4 05-28-2012 12:27 PM
اضراب عمال في مدني محمد ابوعمر المنبر الحر 0 01-27-2012 10:54 AM
مجاهد مدني (تكله) بكري حاج احمد منتدى الصوتيات والمرئيات 1 05-13-2011 07:57 PM
إنصاف مدني بكري حاج احمد منتدى الصوتيات والمرئيات 14 03-04-2011 08:11 PM

الساعة الآن 09:30 PM.

Powered by vBulletin® Version 3.8.7
Copyright ©2000 - 2017, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون