آخر 10 مواضيع
زفة المولد (الكاتـب : - مشاركات : 1 - المشاهدات : 231 )           »          كل عام وانتم بخير (الكاتـب : - مشاركات : 0 - المشاهدات : 733 )           »          المنتدي يفتقد عضويته (الكاتـب : - مشاركات : 0 - المشاهدات : 808 )           »          فاتونا (الكاتـب : - مشاركات : 0 - المشاهدات : 642 )           »          حظي أغرب حظ أشوفه.. ا (الكاتـب : - مشاركات : 0 - المشاهدات : 740 )           »          كيدي العوازل (الكاتـب : - مشاركات : 0 - المشاهدات : 578 )           »          صباحكم قشطه (الكاتـب : - مشاركات : 0 - المشاهدات : 670 )           »          اليوم التاسعه مساء علي الجزيرة (الكاتـب : - مشاركات : 0 - المشاهدات : 3589 )           »          ده ماسلامك (الكاتـب : - مشاركات : 0 - المشاهدات : 3107 )           »          الفهم قسم (الكاتـب : - مشاركات : 0 - المشاهدات : 3339 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 06-21-2011, 04:09 AM   #1


الصورة الرمزية بت امها(نعمات)
بت امها(نعمات) غير متواجد حالياً

بيانات اضافيه [ + ]
 رقم العضوية : 39
 تاريخ التسجيل :  Nov 2010
 أخر زيارة : 10-16-2014 (10:47 PM)
 المشاركات : 440 [ + ]
 التقييم :  25
لوني المفضل : Cadetblue
افتراضي مكتبة الشاعر هاشم صديق








هاشم صديق

هذا الهامة الآبداعية الذي جاء من رحم الشعب ,

حمل الهم العام فكرأ يناطح الطغيان والفقر السياسي

وما لان, وجهر بصوت الشعب منذ يفاعته,

استقي مفردته الشعرية من نبض الشارع وللآن

,جاءت ملحمته الثورية التي تغنت لآكتوبر وهو

مازال طالبأ للعلم, مفعمة بالحس والنبض الشعبي.


هاشم صديق نص فريد في دروب الشعر وعقل متفرد ..

مصادم في رؤياه الآجتماعية والسياسية لكل أنواع الغبن.

كان في الدفعة الآولي التي تخرجت من المعهد العالي

للموسيقي والمسرح.... وضمت دفعته كل من..

عوض صديق,محمد رضا حسين,محمد شريف علي,

حورية حاكم, ومني عبد الرحيم.

لنبوغه عين معيدأ فور التخرج....... بعدها أبتعث لانجلترا

للتخصص وعند عودته تبوأ رئاسة قسم النقد والمسرح .

تخرج علي يديه كل من... سعد الدين يوسف المدير الحالي

للمسرح, المبدع محمد السني دفع الله, الرائع يحي فضل اللة,

عثمان جمال الدين, والقديره فائزة عمسيب ووجهي

الابداع سلمي الشيخ سلامة وتماضر شيخ الدين.


أستحق لقب الآخطبوط الفني عن جدارة, لتعدد ملكاته

الفنية- من شعر, نقد , اخراج , وكاتب مسرحي تلفزيوني واذاعي.

برز كرائد للتجديد في العمل المسرحي بمسرحية نبتة

حبيبتي وهي من عيون المسرح السوداني.

اخترق دراما الاذاعة في 1967 بتمثيلية أجراس الزمان

وتلاها بقطار الهم وأحلام الزمان ثم الحراز والمطر.

دواوين

الزمن والرحلة--- جواب مسجل للبلد ---- كلام للحلوة----

- ميلاد ---- أذن الآذان---- الوجع الخرافي وهذا المساء

وهو بالعربية الفصحي.

محطات

حاز علي دبلوم المعهد العالي للموسيقي والمسرح.

جائزة الدولة عن النص المسرحي لموسمين متتاليين.

أستاذ بكلية الدراما جامعة السودان حتي

أحيل للصالح العام في عام 1994 .

وها هو شاعرنا يعرف بنفسه في هذه القصيدة

http://youtu.be/GNXHEtSkM00




 
 توقيع : بت امها(نعمات)

لا تهجر القرآن

http://www.tvquran.com/Al-Barrak.htm

التعديل الأخير تم بواسطة بت امها(نعمات) ; 06-22-2011 الساعة 09:48 PM

رد مع اقتباس
قديم 06-22-2011, 09:38 PM   #2


الصورة الرمزية بت امها(نعمات)
بت امها(نعمات) غير متواجد حالياً

بيانات اضافيه [ + ]
 رقم العضوية : 39
 تاريخ التسجيل :  Nov 2010
 أخر زيارة : 10-16-2014 (10:47 PM)
 المشاركات : 440 [ + ]
 التقييم :  25
لوني المفضل : Cadetblue
افتراضي شرف الكلام






شرف الكلام


أنا المديت شراع أفكاري

في بحر الزمان تهت

طويت الدنيا بالأفكار

محل ما تميل أكون ملت

من الغالي وعظيم القول

كتير مديت ايدي شلت

وشان الكلمة شرف الرب

وشان الناس تحس تطرب

وقفت أنادي في الأزمان

طهارة الكلمة في الفنان

وصدق الحرف في صدق

ووحصاد اجيالنا في شتلو

ولو داس الشرف خان

وقلوب الناس تسد الباب

تعاند طبلو والحانو


 
 توقيع : بت امها(نعمات)

لا تهجر القرآن

http://www.tvquran.com/Al-Barrak.htm


رد مع اقتباس
قديم 06-22-2011, 09:55 PM   #3


الصورة الرمزية بت امها(نعمات)
بت امها(نعمات) غير متواجد حالياً

بيانات اضافيه [ + ]
 رقم العضوية : 39
 تاريخ التسجيل :  Nov 2010
 أخر زيارة : 10-16-2014 (10:47 PM)
 المشاركات : 440 [ + ]
 التقييم :  25
لوني المفضل : Cadetblue
افتراضي يا كمساري





ـ يا كمساري

دي حافلة وين ...؟

ـ دي ماشّه الشعبي

أركب وأسرع

نفر ... ونقوم

ـ ياولد جنيت ...؟

وكمان بتكورك بالحلقوم

وتقول الشعبي ...؟

أنا ماشي...

ماشي...

ال.....


ال...

ـ وين يا عم ...؟

لو ماشي الحركة

برضو بنمشي

بنفس الشارع

_ يا ولد

إنت مسلّط ...؟

حركة وشعبي

وفي وشي ...؟

دي خلطة وين ...؟

أنا عندي قَلِب

ما توقف قلبي

ـ طيب يا عم

وين ماشي ...؟

أسرع قول

ـ أنا ماشي...
ماشي...

.........أخ خ خ خ خ

يا ربي لوين

يا ود جاد الله ...؟

نسيت يا زول

ـ طيب يا عم

خلينا ننادي

"يصيح"

تيجاني الماحي

تيجاناااني الماااحي

باقي نفر

نفر ... وسفر

سفر... و..نفر

تيجاااي الماااحي

يومااتي

ليلاااتي

صبّاحي

نفر... وسفر

ـ لأ يا ولدي

كورك وقول :

جوع ... وسَهَر

حٌفَر... ومطر

غَم... وكَدَر

فَلَس في شهر

طشاش في نظر

عُمُر... وهَدَر

طيب يا عم

ما أنت العاقل

ورينا الناس

اللاقو الراحة

لقوها في وين ...؟

كفر... ووتر ...؟

ـ لا لا

تبيع لي روحك

تخون لجروحك

وتَخَتَا الشر تعوم في البر

تكون نٌص

حاجة

وتصبح واحد

تكون كضاب

ونجمك صاعد

تكون سرّاق

لا ضمير

لا شاهد
تكون ود موية

أو حربويه

وزمنك واعد

ـ ياعم مالك ...؟

مرات مجنون

مرات عاقل

مرات خايف

مرات راجل

حتجنني...

إنتَ منو ...؟

ـ أنا جاد الله

في كل ِ محطه

في كل ِ مظله
..............
كورك ياوليد:

تيجاني الماحي

باقي نفر

تيجااني الماااحي

يومااتي

ليلاااتي

صبّاحي

نفر... وسفر

جوع ... وسَهَر

حٌفَر... ومطر

غَم... وكَدَر

فَلَس في شهر

طشاش في نظر

عُمُر... وهَدَر


هاشم صديق 19/4/2006م


 
 توقيع : بت امها(نعمات)

لا تهجر القرآن

http://www.tvquran.com/Al-Barrak.htm


رد مع اقتباس
قديم 09-07-2011, 02:49 PM   #4


الصورة الرمزية بت امها(نعمات)
بت امها(نعمات) غير متواجد حالياً

بيانات اضافيه [ + ]
 رقم العضوية : 39
 تاريخ التسجيل :  Nov 2010
 أخر زيارة : 10-16-2014 (10:47 PM)
 المشاركات : 440 [ + ]
 التقييم :  25
لوني المفضل : Cadetblue
افتراضي



إعتــــــــــــــراف

نقرشتي
وتر الحمي
في الضلع الشمال
.........
مالك عَلَي ؟!
أنا كنت رضيان
بالعلي.
بركاني خامد
في الحشا
الريح تصفّر
في المسا
فَتفَتْ
بُكا الصَبُر الحصا
بَرَدت عروق
وهج الصبا
ودفنت
في رمل القسا
ألفين جَرِح
مليون سؤال .

أعترف
أنا حالي كان
غصه وزوال
كنت استقلت
من الهوي
تابت صوابْعي
من الشَرا
تَرْبَسْت قلبي
من الأذي
وشردت
من مِحنة عُطيل
...........
في يوم صحيت
( هاملت ) بقيت
الراس يميل
والكون رماد
مجنون وليل.
سَرْدَبت
لي دق المطر
ووقعت
في شَرَك الخطر
وشربت سم
لسْع الكتال .

أعترف
قَبّلت من وش
الهوي
وشدّيت سرج
خيل النزال
وتجيني
زي برقاً محال
نقرشتي
وتر الحمي
في الضلع الشمال.
........
مالك عَلَي
أنا كنت رضيان
بالعلي
أنا أصلي
ما الزول الزمان
ما ظن أصدّق
قول عيون
أو ألقي
في حضناً أمان .
أنا بس بقيت
قُرطاس وسيف
قطّعت شوق
قلبي الرهيف.
بَردَت عروق
وهج الصبا
وانتي الربيع
وانا خيلي
دافر للخريف
شرقان من الغم
والأسي
الريح تصفّر
في المسا
ودفنت في رمل
القسا
الفين جرح
مليون سؤال .
..........
أعترف .......
أعترف .......
نقرشتي
وتر الحمي
في الضلع الشمال
بركاني ولّع
في الحشا
برقن عيون
سمر المسا .
نزح الخريف
من دمي
وانفجر الصبا .
احساسي
طقطق في الجبال
مطرك شَرَق
فرهد وشي
ونفختي
في جوايا شي
تحت الرماد.
تبيت
علي الزمن الجديد
وقلعت ليك
توب السواد
وعجنتي بالصحوه
الجمال.
.........
يا زوله هوي
مالك عَلَي
أنا كنت
رضيان بالعلي .
القوس هبش
وتر الكمان
غنيت تقول
قمر الزمان
ولقيتني
مدفور لي ورا
رَجَعت صوابعي
علي الشَرا
فكيت زرار
سدر الهوي
ومرقت للنار
من ضرا .
وانا ياني
ده الزول الزمان
ما ظِن أفوت
خيمة عطيل
من نفسي كيف
أشرد عديل ؟!!
............
............
نقرشتي
وتر الحمي
في الضلع الشمال
احساسي
طقطق في الجبال
مطرك شرق
فرهد وَشي
نفختي
في جوايا شي
تحت الرماد
وقلعت ليك
توب السواد
وعجنتي بالحمي
الجمال.

يا زوله هوي
مالك عَلَي
أنا كنت رضيان
بالعلي
نقرشتي
وتر الحمي
في الضلع الشمال .


 
 توقيع : بت امها(نعمات)

لا تهجر القرآن

http://www.tvquran.com/Al-Barrak.htm


رد مع اقتباس
قديم 01-16-2012, 05:50 PM   #5


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 11-11-2018 (07:40 AM)
 المشاركات : 50,977 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
لوني المفضل : Mediumblue
افتراضي



نقره لعرض الصورة في صفحة مستقلة


 
 توقيع : محمد ابوعمر

مواضيع : محمد ابوعمر



رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : مكتبة الشاعر هاشم صديق
الموضوع كاتب الموضوع المنتدى مشاركات آخر مشاركة
هاشم صديق رمضـــــان كريـــــــم محمد ابوعمر المنتدى الأدبي الثقافي 0 07-11-2013 07:45 PM
هاشم صديق حسن عمر احمد ادريس قسم المكتبات 55 02-11-2012 04:14 PM
هاشم صديق - حاجة فيك (صوت) بكري حاج احمد منتدى الصوتيات والمرئيات 1 07-11-2011 07:52 PM
كلام للحلوة - هاشم صديق عبداللطيف عوض الله المنتدى الأدبي الثقافي 3 01-23-2011 08:10 AM
قصيدة جريئة جدا - للشاعر هاشم صديق عبداللطيف عوض الله المنبر الحر 0 01-20-2011 06:28 AM

الساعة الآن 03:32 PM.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون