آخر 10 مواضيع
زفة المولد (الكاتـب : - مشاركات : 1 - المشاهدات : 21 )           »          كل عام وانتم بخير (الكاتـب : - مشاركات : 0 - المشاهدات : 549 )           »          المنتدي يفتقد عضويته (الكاتـب : - مشاركات : 0 - المشاهدات : 620 )           »          فاتونا (الكاتـب : - مشاركات : 0 - المشاهدات : 394 )           »          حظي أغرب حظ أشوفه.. ا (الكاتـب : - مشاركات : 0 - المشاهدات : 435 )           »          كيدي العوازل (الكاتـب : - مشاركات : 0 - المشاهدات : 346 )           »          صباحكم قشطه (الكاتـب : - مشاركات : 0 - المشاهدات : 413 )           »          اليوم التاسعه مساء علي الجزيرة (الكاتـب : - مشاركات : 0 - المشاهدات : 3174 )           »          ده ماسلامك (الكاتـب : - مشاركات : 0 - المشاهدات : 2796 )           »          الفهم قسم (الكاتـب : - مشاركات : 0 - المشاهدات : 2969 )




العريس الداقس

ديوان الحصاحيصا


إضافة رد
قديم 05-29-2014, 12:29 PM   #1


الصورة الرمزية منتصر حسن كيرك
منتصر حسن كيرك غير متواجد حالياً

بيانات اضافيه [ + ]
 رقم العضوية : 517
 تاريخ التسجيل :  Dec 2012
 أخر زيارة : 05-29-2018 (12:12 PM)
 المشاركات : 338 [ + ]
 التقييم :  181
 اوسمتي
درع الابداع 
لوني المفضل : Cadetblue
افتراضي العريس الداقس



تبدأ الحكاية بعد أن تحس بالقلق عندما تجد أن معظم أصدقاءك قد دخلو القفص الذهبى طائعين مختارين _ اؤمن تماماً بمسألة القفص ولكن لدي تحفظات كثيرة على حكاية ذهبى دى _ المهم تحس بالخطر وتأخذك غضبة حمقاء وتناجي نفسك وأنت فى حفلة زواج أحد الأصدقاء ) والله الواحد بعد دا يشوف ليه مرا. معقول هناى الأهبل دا يعرس وأنا لسه قاعد براي زى تور الساقية( عندها يستعرض خيالك قائمة طويلة من معارفك البنات إبتداء من ناس نونة زميلتك فى الروضة مروراً بصديقات مرحلة المراهقة الكتار وحتى زميلات الجامعة والشغل وبنات الحلة وبنات الأعمام والأخوال وباقى الأهل ثم وبسرعة تنسى كل أولئك النساء فى حياتك عندما تسترعى انتباهك الحسناء الجالسة فى ركن قصى فى حفل ذات الصديق الأهبل, تحبها من أول نظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهمية فى موبايلها وهى ترمقك من طرف خفى كما يفعل الصياد المحترف
المهم تتعارفوا بواحدة من الطرق الكثيرة وجلسة جلستين فى الكافتريا ثم )ياهناى والله أنا ما ممكن أطلع وأنزل معاك كدا ساي, الناس تقول علينا شنو؟ سمعتى حتبوظ ( ثم تمسح دمعة وهمية من عينيها فتأخذك الحماسة وتقول )والله ياسوسو _ ودا أسم دلع يقبل آلاف الاسماء منعاً للمشاكل _ أنا ناوى أصل بيتكم بس أنتى عارفة الظروف والعرس بيكلف كتير وووووو( فتقاطعك سوسو بحنية ثعلبية وبنعومة الأفاعى )أنا مادايرة منك شيئ , أنت بس تعال أخطب والعرس يتأجل لحد ما الظروف تتحسن( فتصدق الكلام من عوارتك وتحدد يوم الخطبة وتأخذ ثلة من أهلك وقليل من جيرانك واصدقاءك وتقصد بيت الملاك المختار وتفاجأ أنت وأهلك بحشد كبير فى بيت العروس وخيمة كبيره أمام البيت وصوت المايكرفون يردد )تست تست واحد اتنين تلاتة تست تست( تأخذك الدهشة قبل أن يأخذك أبو العروس جانباً, يعدل عمته التوتل ثم يقول ) والله ياولدى أنحنا خطوبة ومسخرة ودخلة ومرقة ماعندنا, عشان كدا قررنا نعقد ليكم طوالى والعرس بالراحة( ثم بأبتسامة محذرة )ولا رأيك شنو؟( وقبل أن تدلى برأيك غير المعتد به أصلاً يكون وكيلك ووكيلها قد أتموا عقد القران فى الخيمة وتحولت أنت بقدرة قادر من مشروع خطيب إلى زوج - مع وقف التنفيذ - بسرعة البرق ثم يغمرك المعازيم )مبروك يا عريس مبروك يا عريس بيت مال وعيال( وأنت كاضم ماقادر ترد وتسمع أحدى عمات العروس وهى تقول )شوفوا يا أخوانى من الفرحة لمن ما قادر يتكلم( ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس إلى الأبد .. فرغم إنها صارت شرعا حرمك المصون إلا إنه يجب عليك أن تقوم بطقوس مهولة ومراسم عرس كامل لأستلامها!!! وعندما تثور على الوضع وتحلف بالطلاق أن تمشى تجرها من شعرها وتجيبا بيتك بدون حفلات أو كلام فارغ وتخلص .. تفاجأ بأن المعارضة تأتيك من الداخل أى أمك وأخواتك ) ليه مادايرنا نفرح بيك؟ أنحنا أقل من الناس البسوو الأعراس؟ والله لو ماعملت عرس ماعافيين منك؟ عليك الله عاين دا, داير الجارات يأكلن وشنا؟( فترضخ للأمر الواقع وتبيع قطعة أرض ورثتها عن جدك الرابع عشر وترهن بيت أبوك وتبيع الكمبيوتر والموبايل وتزوغ ببعض الصناديق ثم تستلف من 10-15صديق كدا وأخيراً وأخيراً جداً تجد نفسك حالق جديد ولابس بدلة سوداء - لون الحداد!!! - متأبط شراً عروسك المصونة والتى جاءتك فى هيئة فيل صغير بعد أن نجحت وصفات التسمين التى قامت بها العمات والخالات وبعض الصديقات الخبيرات, تأتيك متدحرجة فى فستان أبيض - لون الفرح!!! - فتجلسا تحت بقعة ضوء مزخرفة عليها كرسيان تعرف بالكوشة - والتى لأول مرة تدرك معناها - الجميع فى الحفل فى رقص هستيرى والفنان يصدح بسعادة غير مبررة )شن بتقولوا فى الفرح البعذب سيدو والريد البضيع زولوا!!( فتلمس الاغنية فيك اوتارا حساسة وتكاد تطفر الدموع من عيونك, وتجول عيناك على الحضور السعيد وتتوقف عيونك على آخر العزاب من أصدقاءك وهو يرنو إليك بحسد تارة وتجول عيناه بين الحسناوات تارة أخرى وتكاد تقرأ أفكاره وهو يفكر )هسى فلان الأهبل دا عرس وأنا قاعد براي زي تور الساقية؟( فتكاد تصرخ فيه محذراً ولكن صوتاً خبيثاً فى داخلك يهم بمكر وحقد )وأنا مالى ! هو أنا فى زول حذرنى
؟
منقول



 
 توقيع : منتصر حسن كيرك



رد مع اقتباس
قديم 06-04-2014, 05:19 PM   #2


الصورة الرمزية ياسرسرالختم
ياسرسرالختم غير متواجد حالياً

بيانات اضافيه [ + ]
 رقم العضوية : 11
 تاريخ التسجيل :  Oct 2010
 أخر زيارة : 09-05-2017 (05:17 PM)
 المشاركات : 2,604 [ + ]
 التقييم :  87
لوني المفضل : Cadetblue
افتراضي



والله يامنتصر ضحكت مرارا وتكرارا وايضا قرأتها كذلك فسخرية الموضوع جميله وهى توصيف دقيق لاغلب الزيجات وتدبيسهم فى سجن يصعب الخروج منه وفى ظنى ان غالب مثل هذه الزيجات محكوم عليها بالفشل حتى وان استمرت العلاقه بين الطرفين بعد انجاب الاولاد الا انها علاقه يشوبها البرود التام وفيها تسليم تام بالقضاء والقدر
والقضاء هنا ما تم قضاؤه من عرس والقدر استمرار العلاقه رغم برودها حفظا على نتاجها من بنين وبنات


 
 توقيع : ياسرسرالختم

واذا هاجر الانسان من أوطانه فالله أولى من اليه يهاجر
وتجارة الابرار تلك ومن يبع بالدين دنياه فنعم التاجر
وما البيع الربيح سوى الذى عقد التقى وكل بيع خاسر



رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
العريس لابس هلالو بكري حاج احمد منتدى الصوتيات والمرئيات 0 01-30-2013 05:22 PM
يا العريس مثيلك وين بكري حاج احمد منتدى الصوتيات والمرئيات 1 05-12-2011 12:47 PM


Loading...


Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
ديوان الحصاحيصا