حى العمده زمان

ياسر شايفك طولت من البوست دا

محمد كمال يا قريبي كيف حالك .. أول مرة اعرف انك قضيت فترة في حي العمدة .. طبعا الغربة خلت الواحد ما متابع .. مع تحياتي

اقتباس : المشاركة الأصلية كتبت بواسطة عثمان الحسين [ مشاهدة المشاركة ]

محمد كمال يا قريبي كيف حالك .. أول مرة اعرف انك قضيت فترة في حي العمدة .. طبعا الغربة خلت الواحد ما متابع .. مع تحياتي

كيف ياعثمان ياخ سنة 2007 سكنت حى العمدة وكانت من اجمل الفترات والله يريحك ويريحنا نحن كمان من الغربة وسنينها

اقتباس : المشاركة الأصلية كتبت بواسطة محمدكمال السر [ مشاهدة المشاركة ]

ياسر شايفك طولت من البوست دا

الصديق العزيز / محمد ود كمال السر
تحياتى واشواقى
الحق يقال أنى قد انقطعت فتره من الزمن عن مواصلة البوست لظروف العمل ولكنى أعدك والقراء أن أواصل ما انقطع باستمرار وبدون توقف

تقبل تحياتى

لسه فى الانتظار اخ ياسر
ارجو ان تعود للكتابه

يا عثمان الحسين سلام :
الظاهر يا أخوي الذاكرة بتاعتك 1 ram ، حكاية أنا كنتا الحكم دي يمكن يخلق من الشبه حكمين ، وبعدين أنا لحدي تأريخ هذا البوست ده ما متذكر أنك غلبتني في كورة ، وأزيدك من الكورة بيت أنو أنتا وعلي إبراهيم العزالين دي الا يكون في اليوم داك أنا ما موجود ، بعدين يا عثمان أنتا زول مدافع و أنا لاعب وسط مهاجم تغلبني كيف ؟ هسي في زول بيقارن موسي الزومة بهيثم مصطفي ؟ صاح أنتا كنتا مدافع كويس لكن في النهاية أنتا بتمنع القون لكن إشي صناعة لعب إشي تنويع لعب إشي باص وخانة إشي تجيب قوون في علي سيد أحمد من النص دي حاجات ما بتاعة مدافعين .

اقتباس : المشاركة الأصلية كتبت بواسطة صدَاح فاروق [ مشاهدة المشاركة ]

يا عثمان الحسين سلام : الظاهر يا أخوي الذاكرة بتاعتك 1 ram ، حكاية أنا كنتا الحكم دي يمكن يخلق من الشبه حكمين ، وبعدين أنا لحدي تأريخ هذا البوست ده ما متذكر أنك غلبتني في كورة ، وأزيدك من الكورة بيت أنو أنتا وعلي إبراهيم العزالين دي الا يكون في اليوم داك أنا ما موجود ، بعدين يا عثمان أنتا زول مدافع و أنا لاعب وسط مهاجم تغلبني كيف ؟ هسي في زول بيقارن موسي الزومة بهيثم مصطفي ؟ صاح أنتا كنتا مدافع كويس لكن في النهاية أنتا بتمنع القون لكن إشي صناعة لعب إشي تنويع لعب إشي باص وخانة إشي تجيب قوون في علي سيد أحمد من النص دي حاجات ما بتاعة مدافعين .

ياصداح ده كلام شنو؟
حالتك مريخابى كمان
انت ماتقول ليه شن جاب خليفه لى العجب؟ ولا انت كنت موسى الزومه وعثمان كان هيثم مصطفى؟
عثمان الحسين كانت مشاركته مترابطه وجميله انت كمان أدينا انطباعاتك كامله عن الايام ديك لو كان هنالك شى فى الذاكره.

تقبل تحياتى

أعتذر للاخوه الافاضل للانقطاع وأعود امتثالا لرغبة اخوه اعزاء لمواصله السرد رغم ظروف العمل الصعبه وانشاءالله نواصل ما انقطع من حديث الذكريات عن حى العمده زمان فى تتابع غير منقطع باذن الله

كان دخولنا لمدرسة الحصاحيصا الغربيه الابيتدائيه نقله نوعيه فى حياتنا اخذنا زمنا طويلا للتكيف معها وهى حياة جديده انتقلنا معها من حياة البيت بحريته الى حياة جديده يلفها النظام فى كل شىء
انتقلنا من دفء الام الى انضباط جديد والى حياة جديده لم نالفها من قبل فيها ماهو مر وفيها ماهو حلو
كانت نقله نوعيه وفتح جديد عرفنا من خلالها مجتمع جديد وأناس جدد
كانت المدرسه الغربيه تضم ابناء حى العمده وحى كريمه وجزء من ابناء الحى الاوسط وكذلك جزء من ابناء الجملونات والسرايات وكمبو المحالج
كان مدير المدرسه هو عبدالله عبدالحى رحمه الله - كا رجلا صارما وكان من اساتذة ذلك الزمن الماحى خضر رد الله غربته والمرحوم صلاح التريكى واستاذ صلاح من أبوفروع وعصمت اللبنى وانضم الى المدرسه فى العام التالى الراحل المقيم مبارك محمد احمد النعيم وقرشى الحلاوى واستاذ صالح رحمه الله وغيرهم
كان من زملاء الدراسه فى ذلك الوقت محمد عمر عطيه وعمر عبدالرحيم طه وابن عمه معاويه وعمر عوض الجعلى وياسر حسن عيسى وعصام محمود سيداحمد ومحمد سيداحمد سرالختم وعمر محى الدين وعماد عبدالحفيظ اورك الدين من حى العمده و الفاتح عبدالفتاح بخيت واسامه بابكر وحسن احمد لقمان وخليل تاج الدين احيمر وشمس الدين عمر موسى من الحى الاوسط ومن كريمه عصام كرم الله ومحمد عبده الصايغ وطارق سعد ومن الجملونات شمس الدين عمر موسى ونبيل محمود ومن كمبو المحالج خليل الصافى وبابكر محمد بابكر وجعفر على موسى وغيرهم كثيرون لم تسعفنى الذاكره لحصرهم
كان زى المدرسه فى ذلك الزمان يتكون من رداء فوق الركبه بلون بلو غامق وقميص بلون بلو الشنطه من الدموريه كل حسب مقاس وعدد كتبه

نواصل

ياخى اترعتنا حد الثمالة بهذه الذكريات التى تكاد تنفض عنا كل ماعلق بها منذ ان وطئت اقدامنا ارض الغربة ....
واصل ابواحمد لنعود معك لهذا الزمن الجميل ... وحتما ستعود بنا الذاكرة لنرفد معك هذا البوح الجميل ....