آخر 10 مواضيع
اليوم التاسعه مساء علي الجزيرة (الكاتـب : - مشاركات : 0 - المشاهدات : 1772 )           »          ده ماسلامك (الكاتـب : - مشاركات : 0 - المشاهدات : 1568 )           »          الفهم قسم (الكاتـب : - مشاركات : 0 - المشاهدات : 1638 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 1601 )           »          خواطر (الكاتـب : - مشاركات : 0 - المشاهدات : 1528 )           »          الدورة التدريبية مستشار الإدارات القانونية (الكاتـب : مى محمد احمد - مشاركات : 0 - المشاهدات : 1556 )           »          اسأل نفسك (الكاتـب : - مشاركات : 0 - المشاهدات : 2045 )           »          الســــــــــلام عليكـــــــــــــــــــم (الكاتـب : - آخر مشاركة : - مشاركات : 1 - المشاهدات : 2199 )           »          خمسون قاعدة (الكاتـب : - مشاركات : 0 - المشاهدات : 1598 )           »          الدورة التدريبية إعداد الموازنات الحكومية والحسابات الختامية (الكاتـب : مى محمد احمد - مشاركات : 0 - المشاهدات : 1691 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 02-24-2012, 07:07 AM   #31


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



علمي عيوني السفـر
مدني النخلي

علمى عيونى السفر ما البسافر فى عيونك سكتو بتبقى السلامة
ينسى أحزانو ويعرف الدنيا جنبك إبتسامة
ظللى الناس بى حنانك أبقى ليهم ضل غمامة
*********
الشقا اللاّزمنى .. مدة يوم بفوت .. والفرحة تبدا
ما بقول .. فارقنى عدّى
عشان بخاف ترحل عيونك وتنهزم فينى الأماني
وبى أساهو.. وبى شقاهو تانى يتوشـّح زماني
أصلو غير عينيك .. وحاتك ما فى للأفراح .. معاني
********
جينا ليك شوق فى عيونـّا وفى عيونك شوق يناغِم
الشجون باكر بترحلوالزمن يصفا .. ويسالم
والحلم يصبح حقيقة وتنسجم فى الحب ظروفو
والحنين تزهر غصونو والعشم .. دانيات قطوفو
شوفى كيف يوم بكرة .. عامِر هاتى إيدك .. شان نطوفو



 

رد مع اقتباس
قديم 02-24-2012, 07:08 AM   #32


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



من جديـد
مدني النخلي

من جديد جيت تانى تكسر صمتى .. بالنظرة الخجولة
يا أمل عمرى القبيل .. ويا سنين عامرات .. فصولا
ما قدرت أنساك من زمان
بس ضاعت أحلام الطفولة
********
الحنين الجيتنى بيهو
جانى فى لحظات ندم
ما زمان ضيع صبانا
وكل لحظات العشم
من جديد جيت تانى ليه .. تبنى فينى الإنهدم
وما قدرت أنساك من زمان
بس ضاعت أحلام الطفولة

*********
ما بفيد لو ألملم من عيونك .. ذكريات
أو أصحى الماضى فيهن
وأنسى حزن الأمسيات
برضو زمن البهجة عدّى
وعمرى فات فيهو الفوات


 

رد مع اقتباس
قديم 02-24-2012, 07:15 AM   #33


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



حظات ندية
مدني النخلي


فى خاطري لحظاتنا الندية
وإنتى ساعة المغربية
قعدتك جنبى وعيونك .. سارحة فى الدنيا البهية
وخوفنا من سفراً بودى
للمسافات القصية
وسكة الزول البسافر
وقلبو عشرة .. على البنية

*******
كنت جد .. ناوى الرحيل
إلاّ شايل ذكرى منِّك
خفت فى الغربة البعيدة
المسافات يبعدنك
العيون الشايلة سيرتك
بكرة يبكن .. ويفقدنك
والأماسى الحالمة .. ترحل
والمشاوير يتعبنك

********

شفتى كيف لما الشمس لمت نوافير الشعاع
والضفاف بعدت كتير
والريح ملت .. جوف الشراع
كيف هناك بدت الضفاف
تتلاشى فى زمن الضياع
وإنتى ساعة المغربية ..
وخايفة من كلمة وداع


 

رد مع اقتباس
قديم 02-24-2012, 07:15 AM   #34


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



سفر العمر
مدني النخلي



مـا بــان عــليـك سـفــر العـمـر لســة الربـيـع يـادابــو زار
لسّــة الضـفـاف المـتـرعــة بـتـفـيـض نـدى وتـطـرح ثـمــــار
الـنـاس عـلـيـك نــاداهـا فــــالفى عـيـونـا نـام الإنـبـهـار
وأنـا جـّــوة قـلبى الـمـشـتـهـيـكنـزفـت جـراحـات الـودار
********
جــّوة العـيون غــطـّى الـفـرحلـمّ الـزفـــاف
جـــّوة العــيــون تـشـرق شـمـوسيـرحـل جـفـاف
أزمان بـتـغـرق فى الـنـعـيــموحـنـان غـمر عـاشـقـيـن رهـاف
*******
يـازهـــرة طــالت بى الـفـــرح بـتـراقـص أنـوار الـمســـــــا
مـا بــان عـــلـيــك أثــر الــقــطــابولا جـاتــك أيــام الـقســــا
ما أروعـــك وإنـتى الـشـــبــاب بى حــمــرة الـريــد إكـتـســـــا


 

رد مع اقتباس
قديم 02-24-2012, 07:17 AM   #35


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



عشم باكر
كلمات: مدنى يوسف النخلى
الحان واداء: مصطفى سيد احمد

فى عينيك عشم باكر
ما إنتى العمر كلو

والشمس الوشاحا ورود
وزغرودة بتزف للناس
خبر زمناً جديد مولود
لقيت غيرك .. بضيع إسمى
وأكون أنا حى .. وزى مفقود
وفى عينيك عشم باكر


***
لاقينى يا عشقى الخرافى
لاقينى قبال الزوال
لاقينى فى كل المرافى
زفاف ربيع .. وفرح قوافى
وإنشرى فى حزن السنابل
غيمة يا كل المشاعل
وأمشى قبّال الصباح
وزعى الطل للأزاهر
وأبقى يا شوقى الخرافى
خير .. وضمى شقا البيادر


***
لاقينى يا شوقى الخرافى
لاقينى قبال الزوال
غنوة من أزمان بعيدة
طالعة من صخب الدميرة
تلقينى راجيك فى الأماسى
وفى المراسى
وفى الملمات الخطيرة



 

رد مع اقتباس
قديم 02-24-2012, 07:18 AM   #36


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




صباح البوح
كلمات: مدنى يوسف النخلى
هذه القصيدة كتبها الشاعر الكبير مدني النخلي ولم يتسني للاستاذ الفنان مصطفي سيد احمد اكمال تلحينها ورحل قبل ان يتغني بها وومطلعها يقول:

منو البفتح صباح البوح
ويلملم صوتك المجروح
على شرفة قماري تنوح
ويغني عديله للجايات
أسف لو دون مداك شايف
شظف عيشك ولا تخمة رحيل زايف
وقار صمت الكلام المر.. ولا وعد الغنا الهايف
ردمت الهوة بيناتنا وفي بدء الكلام يادوب
أنا العريت.. قواميس الكلام غنيت
لا قبلك ولا بعدك عشق يمخر عباب الهم
ويجاوبك بالقصيد النم
أسائلك كيف ووين نتلم؟
الى ما يلفظك حلمك
يقبل فيك شقاك وينجم
عشم فيك
من عشم فيّ
يمازجنا التقاء الدم
ويادوب الطشاش حلمك
ندهني طشاش
اداريك من سموم تلفح
أتاريك.. غيمه جات ترمح
الى ما تنزحي وأنزح
نقوم من ضو يفج المشهد الزاهي
سكون الكون يطل باهي
يلاقي الشارع الفارع
ناسو الفي الحياه تصارع
تزيد الهوه بيناتنا
ولا عاد الرصيف ضاراي
ولا شقشق صباح مرساك
ونادى للفرح ناداي
ندهتك هل
غشاك الطل
جفاف زهر العمر ينبل
عذرتك لو يساورك شك
إذا انسدت مداخل الحل
متى انهزمت بشاراتك
وايقاع الزمن اختل
على لوحه شروق الفال
يزف وردك صباح الطل
على شرفة قماري تنوح
تغني عديله للجايات



 

رد مع اقتباس
قديم 02-24-2012, 07:40 AM   #37


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



ست الجيل
كلمات: مدنى النخلى

ولأن مدني النخلي كان يعرف حقاً مدي حب وتعلق الكروان الراحل مصطفي بالسيدة والدته ( ست الجيل) في ودسلفاب ، حيث كان مصطفي يتحدث عنها كثيراً وبتضحياتها من اجلهم ، وكانت مثلاً للأم الرمز ، ولذلك فقد كتب فيها الأستاذ مدني النخلي هذه الأشعار:

ست الجيل .. الطرب العالي
نجم الأمل .. الببرق عالي
يا متكيه علي الطوريه
واطيه الجمره وصافيه النيه
وآه من حزنك ياقمريه
***
آه من جرح الوالده الفارق
خلا غمام البلد يتباكي
من تالاكم .. لي تركاكا
وآه ياريح الحزن العاتي
يا البددتي الأمل الداخل
حس الورده جايي يتاتي
خشم البيت العامر فاتح
ضم الناس .. وهبوبو تكاتح
وعصراً بدري .. مرقتي تغني
للأرياف والناس الكادحه
ضد الزيف والجهل المدّد
ريح الهم والمرض الكاسح
وزي ما غني وليدك وأطرب
إنتي كمان غنيتي حزينه
شِدّوا بِِكا شجر وادينا
عمّق فقد الوالده حزينه
وفقدك أعظم يامسكينه



 

رد مع اقتباس
قديم 02-24-2012, 07:41 AM   #38


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




بنحكى ليك
كلمات: مصطفى سيد احمد ـ مدنى النخلى

يقول مدني النخلي : من الاشياء التى لا أنساها أبدا هي عندما أتي الفنان خالد محجوب(الصحافه) إلي الدوحة وطلب منه مصطفي قبل إسبوعين من وفاته أن يحفظ لحن أغنية محددة ليتغني بها خالد ، وأمسك مصطفي بالعود وطلب من خالد مصاحبته بالأورغ ، كما أدار مفتاح المسجل لكي يحفظ اللحن في كاسيت، لأن مصطفي كان لديه تفاني عجيب مع الواعدين ، وتأتي المقادير أن يسافر خالد الصحافه إلي البحرين القريبه من الدوحة جواً لإحياء حفل للجاليه السودانيه هناك ، فتوفي الكروان بعده بيومين فقط ، فقفل خالد عائدا ليكون في وداع الجثمان قبل نقله إلي الخرطوم000 وقد كانت تلك الأغنيات التي تم تحفيظها لخالد هي (علمي عيوني السفر) وأيضا ( بنحكي ليك) والتي كتب مطلعها الأول الكروان مصطفي وأكملها مدني النخلي ، وتقول مفرداتها:
لما تروق بنحكي ليك
عن الغربه وبحور الشوق
وكيف صِبح المحال رحّال
يلملم في زمن ممحوق
نهارات الأسي الحراق
وقبل الراحل المحروق
بنحكي ليك


كان ذلك هو مطلع الأغنية التي كتبها الكروان بخط يده والذي لايزال يحتفظ به الأستاذ مدني النخلي، وبعد ها أضاف مدني حينذاك باقي القصيدة ، حيث يتضح مدي التوافق ومدي إنسجام الإحاسيس المسكونه في وجدان كل من الكروان الراحل مصطفي سيد احمد ومدني النخلي:
بنحكي ليك عن النجم
القدُر ماكاس

شرد تايه
وليلنا الدق ميس الليل
عن الوتر .. الرطن مشدود
نزف مشدود
صليل سيفنا
رباط الخيل
عن كل الوقف سردب
أخو البنوت
ضرا المشكوف
دخرى الحارة .. جمل الشيل
بنحكي ليك


 

رد مع اقتباس
قديم 02-24-2012, 07:42 AM   #39


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي




ضرب الإبرة فوق الإبرة
كلمات: مصطفى سيد احمد ــ مدنى يوسف النخلى


يقول مدنى النخلى بأن هنالك قصة غريبة حدثت قبل وفاة مصطفى سيد احمد
بحوالى عشرين يوماً وهي : كان الراحل في ذلك اليوم عائداً من جلسة غسيل الكلي وكان اليوم هو الأربعاء ، وبالطبع هنالك مرضي آخرين يغسلون في نفس غرفة الغسيل مع الراحل مصطفي، وكان احدهم قد غطت طعنات إبرة الدِرب علي كل جسمه بحيث لم يبق مكان ليس به ضربة إبرة ، مما يضطر طاقم التمريض بأن يغرزوا إبرة مكان إبرة قديمه ، وهنا يحدث الألم الشديد وقد شاهد الراحل تلك الآلام علي وجه ذلك المريض ، وعند عودته إلي البيت لم يجد نفسه إلا وهو ممسكاً بالقلم ليكتب مقطعاً شعرياً حول تلك الحادثة ، وقد أسماه ( ضرب الإبرة فوق الإبرة) ثم طلب من مدني النخلي تكملة النص ، ولكن مدني لم يستطع ذلك حتي لا يسبب معاناة جديدة تذكر الكروان بضرب الإبر عند غسيل الكلي، ولكن بعد رحيل مصطفي كتب مدني مقطع قصيدة الراحل ثم أكملها ، وكان المقطع الذي كتبه مصطفي سيد احمد يقول فيه:
ضرب الإبره .. فوق الإبره
راسم زي وشم..فوق ساعدو
كل مايقول قريب00
تعكس ظروفو .. تباعدو
راكز ..في الزمن
ماطر سماهو ورعدو
فوق حدب الصبُر
مترجي ..زولو الواعدو


وبعد رحيل الكروان أضاف إليها مدني النخلي قائلاً:
غنيلنا ..قول يازول
بُعد المسافه براح
من جرحك النزاف
رسِّل .. غناك صداح
نوِّر مداخل الليل
بصبحك الفضاح
شِد الوتر ..دندن
وأفرد نداكَ.. وشاح
طيور القمري.. ماغنت
ولا لوّن مداك شادي
حليل ولداً بشيل همّك
شرّ غناهو في الوادي
نده مطراً سحايبو ملت
وشتت برقو عبّادي
ِولِيد الصابره ( ست الجيل)
رقد واقف قصاد النيل
حبيباً جرحو فينا نزيف
وفكراً فاتح التأويل
مرق من بين ضفاير البنت
حبيبتو اللونا.. كاكاوي
نهارا شمالي .. كتـّاحه
مناخا جنوبي..غرباوي
دخل شرق الحِلم حفيان
سند ظهراً .. حناهو الهم
حليلو الكان جميل النم
حليلو .. البينّا خوة دم


 

رد مع اقتباس
قديم 02-24-2012, 07:43 AM   #40


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



وهج الشعاع
كلمات: مدنى يوسف النخلى
الحان واداء: مصطفى سيد احمد

علمي عيوني السفر
ما البسافر في عيونك
سكتو تبقى السلامة
بنسى أحزانو
وبعرف الدنيا جنبك إبتسامة
ضللي الناس بي حنانك
أبقي ليهم ضُل غمامة
الشقا اللازمني مدة
يوم إفوت والفرحة تبدأ
ما بقول فارقني عدَّا
عشان بخاف ترحل عيونك
وتنهزم فيني الأماني
وبي أساهو وبي شقاهو
تاني إتوشح زماني
أصلو غير عينيك وحاتك
ما في للأفراح معاني
جينا ليك .. شوق في عيونا
وفي عيونك شوق يناغم
الشجون باكر بترحل
والزمن يصحى ويسالم
الحلم يصبح حقيقة
وتنسجم في الحب ظروفو
والحنين تزهر غصونو
والعشم دانيات قطوفو
شوفي كيف يوم بكرة عامر
هاتي إيدك شان نشوفه


 

رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشاعر مدني النخلي
الموضوع كاتب الموضوع المنتدى مشاركات آخر مشاركة
مدني تتظاهر امس بكري حاج احمد المنبر الحر 0 07-29-2012 04:37 PM
تظاهرات حاشدة في مدني بكري حاج احمد المنبر الحر 4 05-28-2012 11:27 AM
اضراب عمال في مدني محمد ابوعمر المنبر الحر 0 01-27-2012 09:54 AM
مجاهد مدني (تكله) بكري حاج احمد منتدى الصوتيات والمرئيات 1 05-13-2011 06:57 PM
إنصاف مدني بكري حاج احمد منتدى الصوتيات والمرئيات 14 03-04-2011 07:11 PM

الساعة الآن 07:45 AM.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون