استشارات قانونية

وديتو ليهو زول مرسال .. و المرسال مشى و ما جاء؟
*
انتو قفلتو المكتب؟؟؟
*
تحياتى

المشاركة الأصلية كتبت بواسطة بكري حاج احمد

اخ ياسر شوف لينا موضوع المستشار القانوني بتاع المنتدي يعني ما ممكن منتدي من غير محامي اسع دي لو زول رفع فينا قضيه نقبل وين ونمشي وين.

يا بركه اقول ليك بامانه عمليتك ما ظريفه وحركتك جبانه

الاخت بت امها انشاء الله حنفتش ونجيبو بس انا خايف يكون هو ذاتو داخل ليو في قضيه او احتمال يكون غشي البحرين مشكورورن علي التواصل ودمتم

الاخ بكرى
تحياتى
نسبه لغياب الاخ مبارك محمد عثمان صاحب البوست عن المنتدى توقفت الردود وقد وعدنى الاخ المستشار بدرالدين الهادى سليمان - عضو المنتدى بالرد على استفسارات الاعضاء فيما يختص بالنواحى القانونيه فله الشكر والتقدير.

الاخوان بكري وياسر السر

لكم التحايا من القلب
فعلا كلفني الاخ ياسر السر اكثر من مرة بالرد على بعض الاسئلة القانونية ولكن لظروف كثيرة لا اتمكن من الدخول على المنتديات بدليل انني حتى لم اتمكن من التعقيب على من رحب باشتراكي في المنتدى فعذراً .

الاخت بت امها بخصوص سؤال حول شهادة البحث مدتها وامكانية التلاعب فيها اجيب بالاتي :-
نعم شهادة البحث من المستندات الحساسة جدا والوارد التلاعب بها لذلك يجب الحذر الشديد في التعامل فيها لقابلية الاحتيال فيها ، لذلك فان المشرع قد حدد مدة سبعة ايام فقط لصلاحية شهادة البحث بغرض البيع والا عدت بلا قيمة ، وعليه يجب على من اراد شراء عقار سواء كان ارض او منزل او غيره التاكد من تاريخ استخراج شهادة البحث فان تجاوز تاريخ استخراجها سبعة ايام ، عدت بلا قيمة ويجب استخراج شهادة بحث جديدة ، وانا بفضل ان من اراد ان يشتري اي عقار ان يتم ذلك بواسطة محامي لمباشرة كل الاجراءات ابتداءا من فحص اوراق العقار واستخراج شهادة البحث والتاكد من عدم وجود اي اعباء او رهون على العقار حتى تسجيل العقار باسمك .
كذلك في حالة وجود اكثر من مالك للارض في شهادة البحث ( ملك على الشيوع ) ان يوقع على عقد البيع كل الملاك او يحمل البائع توكيلات من جميع الملاك تبيح له التصرف بالبيع .

الاخت اية عبد القادر :-
بخصوص سؤالك تصعب الاجابة عليه بدون الاطلاع على وثائق البيع والشراء والا كان اجتهاد بلا معنى .

مشكور الاخ بدرالدين الهادى على الطلة وربنا يديك العافيه

الاخ العزيز المستشار بدرالدين الهادى سليمان مشكور كتير علي طلتك الراقيه والمفيده ونتمني التواصل المستمر نعلم ان ظروف العمل لا تتيح لك التواجد باستمرار لكن نتمني من الله العلي القدير ان تعطينا القليل من وقتك الثمين وليك اجمل التحايا العطره ومزيد من التواصل

في إنتظار اخونا المستشار بدرالدين الهادى سليمان
ونتمني من الاخ ياسر سرالختم اثناء تواجده بالسودان
ان يتصل علي الاخ بدرالدين

المشاركة الأصلية كتبت بواسطة بكري حاج احمد

في إنتظار اخونا المستشار بدرالدين الهادى سليمان

الأخ المستشار بدرالدين الهادي سليمان

لاتحرمنا من تواجدك واستشاراتك القانونية

نعلم مشغولياتك ولكن نطلب منك ان تترك لنا

مساحة من زمنك لنستفيد من استشاراتك القيمة

مع تقديري واحترامي لشخصك

افتقدناك الأخ المستشار بدرالدين الهادي سليمان

وديتو ليهو زول مرسال .. و المرسال مشى و ما جاء؟
*
انتو قفلتو المكتب؟؟؟
*
تحياتى