آخر 10 مواضيع
واشنطن والخرطوم تتبادلان السفراء لأول مرة منذ 23 عاماً (الكاتـب : - مشاركات : 0 - المشاهدات : 13 )           »          عرمان لـ«الاتحاد»: رهاننا على الشعب لصنع سودان جديد (الكاتـب : - مشاركات : 0 - المشاهدات : 41 )           »          السودان.. مطالبات بإنهاء سيطرة نظام البشير على الإعلام (الكاتـب : - مشاركات : 0 - المشاهدات : 106 )           »          سهيل المزروعي: حريصون على التعاون مع السودان (الكاتـب : - مشاركات : 0 - المشاهدات : 100 )           »          افتتاح المهرجان الدولي الثالث للتمور السودانية بالخرطوم (الكاتـب : - مشاركات : 0 - المشاهدات : 113 )           »          السودان: ترحيب بإسقاط قانون «النظام العام» (الكاتـب : - مشاركات : 0 - المشاهدات : 108 )           »          حمدوك يبحث في أسمرا استقرار شرق السودان (الكاتـب : - مشاركات : 0 - المشاهدات : 126 )           »          تزايد الضغوط على الحكومة السودانية لتسليم أعوان البشير إلى لاهاي (الكاتـب : - مشاركات : 0 - المشاهدات : 156 )           »          البرهان يدعو السودانيين لمواجهة محاولات إجهاض الثورة (الكاتـب : - مشاركات : 0 - المشاهدات : 173 )           »          مجموعة «صافات» السودانية تدشن «طيران زول» (الكاتـب : - مشاركات : 0 - المشاهدات : 167 )





إضافة رد
قديم 03-30-2012, 11:27 PM   #1


الصورة الرمزية عبدالمنعم احمد ابراهيم
عبدالمنعم احمد ابراهيم غير متواجد حالياً

بيانات اضافيه [ + ]
 رقم العضوية : 222
 تاريخ التسجيل :  Jul 2011
 أخر زيارة : 05-29-2015 (05:59 PM)
 المشاركات : 1,769 [ + ]
 التقييم :  305
 الدولهـ
Sudan
 الجنس ~
Male
 اوسمتي
أوفياء المنتدي  درع التميز  درع الابداع 
لوني المفضل : Darkmagenta
Icom23 الشاعر عمر الدوش



من قصائد الشاعر الراحل المقيم / عمر الطيب الدوش

(العمدة جابر ود خف الفيل)

العُمْدَة جابِر
والصباح نَديان رطيب
في اِيدو كان مَاسْك الشروق
في جيبو كان طاوي الغروب
في كرْشُو قَاعِد منْبَسِط
في الكُرسي كان
مَاهِل خصيب
ما عُمْدَة يَاخْ
والفرَح أِْكَال يطِيب
الشَيَّهْ والجمر الشَّهي
الشِيشَهْ والشَّنَب المولِّع حُمَّى
قِفْ
العُمْدَة جابر - الكرسى طَقْطَق تِحْتُو-
مَدَّ ايدو على الأوامرِ
والأوامِر ما بتطْلَع بَسْ كلام
مِن جسمو بِتْنِز
مِن حَشَاهو
مِن صلَف مَعْمور وعامر
مِن قبور أجدادو تزحف
للأصاغِر ..والأكابِر
مِن منابِت شَعَرو تَطْلَع
مِن نهايات الأظافر
دَه الصباح
العُمدة جابِر
نَادَى صالِح وَدْ قِنِعْنَا
الله ..الله على الأوامِر:
إسْتَلِم يا وَدْ قِنعْنَا
تسْتَلِم أَمْر الأوائل
تَلْقَى طالِع للأواخِر
تَسْتَلِم أمْر اللِّى عايش
تلْقَى من أهل المقابِر
واوْعَىَ من فضلك تَغَالِط
دِى الأوامِر ودِى الدفاتِر
ودِى العساكِر
وافتَح السِّكهْ اليَمُر
سيدنا آمر ابن جابر
واسْتَلِم يا وَدْ قِنِعْنَا :
إنتَ عارِف بيت سُعاد
وعارف إنَّك من قَبيلَة
لا رأينَا ولا سِمِعنْا
ولا عِشمْنَا ولا طِمعْنَا
وانت مُرْسَال يا ..بَجَم
تدخل البيت زى كأنّك..
مارِق الآن من جهنم
ولمَّا تَطْلَع ليكْ سُعاد
كُون خفيف زي الأمل
ومرَّة أتْقَل زي جَبَل :
أوْعَىَ تَفْرَح أوْعَى تزْعَل
واقْصِر ايدك من سلام
خلّي نَظَركْ يِكُون كفيف
ومَشِيكْ يكون ناعم مُغرْبَل
ولما تَطْلع ليك سُعاد
زي حلم في توب رهيف
أدّيهَا ضَهَركْ يا مُغفّل
وبكُلِّ ما علّمْتُو ليكْ
من طاعَة من ذُّل من وجل
أمْرُق حشاي قِدَّامهْا يلْمَع بالوجع..
قُول ليهَا لمَّا الشوق يبين
ما بين ..شجيرات الأراك
والفرحَة تغْسِل طرْحتهْا
والبدر يمشى على الهلاك
والخوف يكون لسَّع جَنين
في رُكْنِ من ساحة الوَّلَه
في زاويَة من ساعة الحنين
ما بين دِى ارْضَك ودَاكْ سَمَاك
العُمْدة منْتظْرِك هِناك
ومِن هِناك درْبَك عديل
نادِى المُدرِّس وَدْ خَدوم
والمديرِس وَدْ خدوم
العُمْر مربوط بالجرَس
والصبْرِ مشْنوق الضُحى
والخوف نَزَل من غير حَرَس
والعُمْدة فوق كل الأصول
لمْلًم جِرايواتُو وجَلَس
عُمدة فوق كل الفصول
في التلاميذ في الطباشير
في التعابير في النَّفَس
يا طه يا
يا إنتَ يا يا ودْ خدوم
ملعون أوهو الكان ده يوم
الإنتَ عريان وقَّفَك
والعمدة قدَّامك رَفَس
وعليكَ إنتَ براك تخمّن
هل تكّلم أم تنَحْنَح أم عَطَس
والعُمدة قال:
يا إنت يا ..
يا طه يا
يا ودْ خدوم
أنا عندي إنتَ براكَ كوم والحِلَّة كوم..
يَاخ ديل بَقَر في أحْسن الأحوال غجَر.
أنْسَانى من كومَة هدوم
مشْرورَة في الطين والهموم
ما حاتَنْشَف حتى لو نِشِف البحر
والنساوين والغيوم
ما حاتَنْشَف ..ما حاتَنْضَف ما..
و العمدة فوق راسك هتف:
(مسئول كبير زاير البلَد
وانتَ يا طه العِماد..
إنتَ الفهَم إنتَ السنَد
لِمَّ الصغار
وزِّع عليُهم كلِّ واحد فَرْد ..فَرْد
الفرحَهْوافرُش سِكّتْهم مرات طراوَة و..
مرّة وَرْد
ولمَّا يهتفوا في الفصول
يحيا ويدوم عاش البطل
ما يكون هُتاف
من أىِّ فَم يطْلَع زَخم يطْلَع زبَد
تنْهدَّ حيشان البيوت
والفرحَة في أحسَن مزاج
لا تْخَلِّى دابَة..ولا تُرابَة ولا أحد
هل انتهى يا ربي زيَّاك العَمَد
يا ود خدوم
وانت سايس للعقول
دَه عليكَ إنت بَراك بعْرِف:
هل تقدّم أم تزحْزَح أم جَمَد
والمديرِس ودْ خدوم
مع إنّو في حلْقُو مو عَلّق
كُلَّ أجراس المدارِس
كلَّ صوت في الدنيا عابِس
بِرَجْفَة لصَقَت في سُنونو
كلُّ رجفات المساكين والعواجيز والعوانِس
صوت بيتْعرَى ويضِيع ويلمُّو صوت تَرْيان.
ولابِس..
وصرخْتَ يا طه وصرَخ
ضُل المشاوير في الأصيل
في الساحَة رفَعَت مُقْنَعهْا
الذِّلَة ... والصبر الطويل
رقَصَت مع الكلمات شُجون
وجَرَت ورا الأحرف خُيول :
"يا عُمْدة هوي"
حامت على الناس القَماري
وزّعَتْ سَعَف النخيل..
" يا عُمدهْ هوي"
مَشَت سحابَة
وجات ربابَة وزفَّة قامت
في الطبول
"!!يا عمدة هوي"
الغافي فارق غَمْدَتُو
والصاحي تَمْتَم في ذُهول
قام ودْ خدوم
"يا عُمْدة هوي"
يا عُمْدة بالله إخْتَشِي ..
للعوْرَة ما بِنْفَع هُتاف
للسوسَةْ ما بْفِيدَك حَشِى
علّمْتَنا الجري فوق جروحنا
وقلتَ : أبداً دَه المَشِي
خَتْيتْنَا في قلب المشاكل
وصِحنا كُلّنا
" مافى شِي كلمَهْ واحدَهْ
جناب سعادتَك
من ضمير ما مُرتَشِي
الحِلَّة يا .."
و العمدة ..أو سلطانو قام:
"الحِلَّة أيه..؟
حتَّة مُعلم مُبتدىء ..
الحِلَّة أيه
مسئول كبير زاير البلد
لا ودْ خَدوم ولا ألفِ شُوم
أو ألف بوم
حيَعَلِّم الوِّز كيف يعوم"
و العمدة جابِر..
دَه الصباح
مدَّ إيدو علي الدفاتر
وقبلما ما ينْصَر جبينو
كان شطب كلَّ المساخِر




 
 توقيع : عبدالمنعم احمد ابراهيم



رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

المواضيع المتشابهه للموضوع : الشاعر عمر الدوش
الموضوع كاتب الموضوع المنتدى مشاركات آخر مشاركة
مارست الجنس من أجل إسرائيل بكري حاج احمد المنبر الحر 1 11-02-2012 01:42 PM
حوش الدوش بكري حاج احمد منتدى الصوتيات والمرئيات 1 08-24-2012 06:20 PM
الشاعر الهادي آدم بكري حاج احمد قسم المكتبات 10 07-10-2012 07:02 AM
الشاعر: كامل عبد الماجد حسن عمر احمد ادريس قسم المكتبات 14 04-09-2012 08:54 AM
الشاعر سيف الدين الدسوقي بت امها(نعمات) قسم المكتبات 56 02-26-2012 03:52 PM

الساعة الآن 02:53 AM.

Powered by vBulletin® Version 3.8.7
Copyright ©2000 - 2019, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون