آخر 10 مواضيع
العصيان المدني بالسودان (الكاتـب : - مشاركات : 0 - المشاهدات : 245 )           »          «الانتقالي» السوداني: حريصون على التوافق الوطني (الكاتـب : - مشاركات : 0 - المشاهدات : 203 )           »          توافق بشأن التمثيل في المجلس السيادي (الكاتـب : - مشاركات : 0 - المشاهدات : 248 )           »          تحري رؤية هلال شهر شوال (الكاتـب : - مشاركات : 0 - المشاهدات : 263 )           »          اعتصام السودانيين.. منابر للوعي ومساحات للثقافة والفنون (الكاتـب : - مشاركات : 0 - المشاهدات : 271 )           »          انتشار أمني كثيف (الكاتـب : - مشاركات : 0 - المشاهدات : 249 )           »          هناك دولاً متربصة تريد أن يكون السودان مثل سوريا او ليبيا (الكاتـب : - مشاركات : 0 - المشاهدات : 250 )           »          جولات البرهان و«حميدتي» الخارجية.. رسائل إيجابية (الكاتـب : - مشاركات : 0 - المشاهدات : 299 )           »          استجابة واسعة من مختلف القطاعات للاضراب في يومه الأول (الكاتـب : - مشاركات : 0 - المشاهدات : 320 )           »          «المهنيين» يؤكد تمسكه بشرط الرئاسة المدنية لـ السيادي (الكاتـب : - مشاركات : 0 - المشاهدات : 206 )


العودة   منتديات الحصاحيصا > «۩۞۩- منتدى الأدب والفنون -۩۞۩» > المنتدى الأدبي الثقافي > قسم المكتبات
قسم المكتبات توثيق اعمال كل السودانيين في مجال الشعر و الكتابة والنثر والقصة...



إضافة رد
قديم 04-05-2012, 10:18 AM   #11


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



ما بتستاهل


ما بتستاهل لحظة إتألّم يا القررت براك مفارق

قايلو هواك ودّاني القمة قبلك أسأل وشوف الفارق

تعرف بعدك بعد الشفتو لو إتمدد ما عاد فارق

لاك الدم الجوّة عروقي ولاك النفس الداخل ومارق



لاني الضل التابع ذاتك .. لاها الدنيا دي كلها عندك

لاني الزول القلبو بينزف مهما كان فلقتو بصدك

ما عانيت إتخارج منك ماني الخاتم الساكن يدك

وفجأة لقيت الخطوة الجنبك زي ما جاتك فاتت حدك



إنت الجيت في لحظة غفله .. داخل ومارق طيفاً عابر

لا جوايا لقيت باقي أترك .. لافي المرقه وقفلك ساتر

قدرك تدخل ذات بتشتت موج العاطفة العالي ودافر يدوسه

كان العزة الفيني يدوسا وأصبح طايع وإنت الآمر !



ما ندمان لي دهشة حسنك .. لمن شفتك وكان الدافع

إني أجيلك قبل أفكاري وما أتأنيت وجيت متسارع

استوطنتك وما طولت .. قت تنجمه لقيتك طالع

وكان الحب في نظرك رحلة .. وقلبي الرادك أضمن شارع



وما بتستاهل برضي ألومك ما انت دخلت مرق ما فاهم

لا اتغيّر بالشفتو معايا .. ولا شوّهت القلب الهايم

لا خلّفت وراك سعادة لما دخلت وعشت مسالم

لا خلّفت وراك أحزانك لمن فت الزول الظالم



ما بتتباكى وأقولك أرجع .. لا متعالي ولاني مكابر

لا مشتاقلك - لا محتاجلك - لاني موجّع وساكت صابر

لما براك إخترت تقرر إنك ترحل وقلت مسافر

ديك اللحظة الفيها عرفتك إنك عاله وقتلك هاجر



بعد القلتو براك تحدد أنا مديونك وألاّ الداين ؟

اني بجيبك شان إتألّم وألاّ بسيبك وإنت القارن ؟

كلما تشوفني قصادك ركّز .. حس الفيّ -أقرأ - وعاين

كان تلقالك حاجة تخصك - وألاّ فراقك ظاهر وباين


 
 توقيع : حسن عمر احمد ادريس



رد مع اقتباس
قديم 04-05-2012, 10:19 AM   #12


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



معاكي سلامة


ستّفي روحك

ولملمي شوقك .

وودعي ريدنا ..

وماتتوصي تشيلي اعذارك زاد السفره

نضفي ذاتي ..

ولاتخليني أحس بي أترك

لافي صحاي .. ولافي نومي .. ولافي الذكرى ..

قشي دموعك ..

عشان ماتشوفي دريب المرقة

عشان ماتعرفي لاوين ماشه ؟

وتعرفي كيف تتفادي العترة ..



عارفك كنتي موكرة جوه

وما بالساهل تمرقي مني



ولاحاولت أقلّع عرقك

لاربيت بي فقدك فكرة ..

وفجأة قلعتي جذورك وقمتي

براكي وقفتي في باب الشارع

اتحيرتي

واتجهجهتي

وانشقيتي لجوه وبره ..

وفاكرة احساسي بوحّد جسمك

ويجمع بالك

وتاني يجرك لي لي جوه

وماك عارفاهو ارتاح لي بعدك

وللخسران الفيهو انشره ..



وقلبي وراكي مطبّل غرفو

وشال مفتاحو أداهو كرامتي

وحتى ان جيتي وقتلك أهلاً

وين ح تبيتي معاي لي بكره ؟

كل عواطفي حداكي مسوجره

حد ماخطاكي تمش جوايا

تحسّي كأنك واطيه الجمره ..

وحد ماتشوفي تلاقي دواخلي

الكانت يوم مخضره ويانعه

انقلبت صحرا

وتلقي مجاري الدم شريان .. ووريد

ومجاري الروح ترياق .. وشهيق .. وزفير

اتعبّت رمله ونشفت صخره

ويبست كل مشاعر الريدة البينا

وكل الكان مزروع في وعودنا

كأنو في يوم ماضاق المطره ..



وكلما تأخري زمن المرقه

تودري عمرك في اعزارك

وتلقي حياتك صبحت خطره .

أنا ماني مطالبك تطلعي بره

عشان ماتهتفي ضد السلطة

أنا

عاوزك تختي نعيمي .. وخيري .. وقيدي

وتصبحي حره ..

تشوفي الدنيا

وتعرفي ناسه

تعيشي حياته

تضوقي المغصه وطعم المره ..

يمكن قلبك يشعر بيهم

أو أقلا ضميرك يصحى عليهم

يمكن عقلك يشغلوا حالهم

ويمكن تبقي اضافة قدره .

وتعرفي قبل تغيري ..

وقبل تخاصمي نضالي وفكري

انك انتي الجيتي دخيله

وجيتي بقيتي عليهم ضره ..



أمرقي بره ..

يمكن تعرفي معنى الحوجة

ومعنى إنك تسكني واحد

زول من طينة كل الفقراء ..

ومعنى انك عايشه في خاطر

زول من دونك شايل هم

وقضية وطناً مهما عانه

ولا من دربو في يوم ينتره ..

ومعنى انك أميرة فارس

سيّد نفسو

ولابتبدل

لابتهدد

لابتكتّف

لامن حالو في يوم يتبره ..

ومعنى انك

زوله تبيع أحلام

عشان ماتاخد فرحاً زايف

وتغرس فينا عروق الشجره ..

تطول بفروع الحلم الفردي

تمد للريدة الثمر الوهمي

تحت من عقلها صفق الوعي

تقص من قلبها ساق العشره ..





معاكي سلامة ديك السكة

وباب القلب قصادك فاتح

وكل مسامي تنادي عليك من مده ..

ومافضلتي جواي احساس

يمشي معاكي لآخر خطوة

وكل الكان مؤمن بوداعك

هسه خلاص من فاق ارتده ..

وسيل الخوف والحزن البدفع

حيل أشواقي وأجيكي اترجا

هسه قصادك شايفه انسده ..

أكسبي زمنك ..

وفوتي عزيزة ..

قبل تجيكي عواصف حزني ..

وقبل تشيلك ريح الطرده


 
 توقيع : حسن عمر احمد ادريس



رد مع اقتباس
قديم 04-05-2012, 10:20 AM   #13


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



سد الصبر

الشــوق المــــلاني وفاض كسر ســــد الصبر جــاكي

وقف عندك ممــرتق عــــالي كلما طـــال يفوتو علاكي

بيني وبينك صبح شلالو ضــــارب فيكي مـــــا هدّاكي

تــــــار بي ضهرو دوّخ ذاتي قادر أقاومو شـــان ألقاكي



القلب السكنتي عزيمتــــو أكبر من يــــدوسه جفاكي

والعقل البفكـــر فيكي مابيهــــدم قـــدرتو شقــــاكي

والحس المجكّـــن بيكي غيمة تقيله مــــاليه سماكي

مهما ريــح فراقك تقــوى مابتصب فـــي حته بـــلاكي



ماعندك طريق تمشيبو مني تسوقي لحظة خطــاكي

وين ماتمشي تلقي البينا واقف بي كمـــالو حـــداكي

كان قبلتي خلفك منــو تلقي بحـــــــالو برضــو وراكي

كان غمضتي قصدك تنسي كيف بتمرقي من جوّاكي



ما الخلق الغرور جوّاكي قطّع مــــــــن عضاي وأداكي

كلما تشيلي يبتّق تـــــاني يوم تحتاجي أقولك هاكي

كان قررتي من إنتاجي تدي خلافي قـــــــادر أنساكي

وقـــادر أعـــود وأحبك تــــــاني لما أعرفو الله هـــداكي


 
 توقيع : حسن عمر احمد ادريس



رد مع اقتباس
قديم 04-05-2012, 10:23 AM   #14


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



بت الـــــروح

قلبـــــاً مقفّــــل مــــن سنين مــن شـــافا طـــوالي إنفتـــح

عقـــلاً مقيّـــد بالغـــرور هـــام في خيـــــالا وتــــــاه ســـــرح

شــــوقاً مـــدخله في الضلـــوع غمـــــــر المساحات بالفــرح

وحــزناً بعـــد شــــــــــافه انــــزوى ولملم عقـــاباتو ونــــــــزح



دي بنية من طينة جمــــــال للليلة نـــــــــوعو ده ما اتعـــرف

مكسية بي خـــــامة عفـــاف ضــــوّاية أحلـــــــى من النجف

اتســــــــرّبت وسط العـــــروق مــــافيّ عــــرقاً ضــــاق نزف

أســــــــــرع دخــولا مــــن النفس والرمشة والبــرق الخطف



اتحكّـــــرت وملت الــــــدواخل وكـــــــــوّعت فــــــــــوق الألم

غــــــــاصت بإيـــــــده ولملمت قصــــــر المــــــآسي الإتهدم

فتحت مسام جسمي النحيل جدعت تعاستي على الندم

لميت فـــــلّقت الــــــــزمن ده المــــــــــــا نصنفني ولا رحم



في زفــــــــرة النفس المرق تكسي المســـــــاحات بالأمل

تمـــــلاني ريدة بلا حــــــــــــدود في شهقة النفس الدخل

دي البين زفيـــــري وبين شهيقي تغيب وفي لحظات تصل

ياريت نهايته في الشهيق لــــــــو عمري في الدنيا إكتمل


 
 توقيع : حسن عمر احمد ادريس



رد مع اقتباس
قديم 04-05-2012, 10:24 AM   #15


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (05:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



خطى الأمــــــــــــــــاني

الفكــــرة كيف تقدر تعيش لـو مـــــارقة من رحم الخراب ؟

وأشـــــواقنا كيف تقــــدر تطير لـو كان مكتفه في التراب ؟

جــــوانا إتمده الفقر على قـــدر ما اتمــــــــــــــده العزاب !

وخطى الأماني محل تمش يبقالنا ماشي وراء السراب !


مـــــن نصحى يرجانا الطلب واقف قصــــــاد باب الصباح

دايرين ودايرين في الدخــــــــول نحتار ونلقى نهارنا راح

والأدهى مننا في البشيل إيصال نزيفنا مـــــــن الجـراح

ونشـــــــوف في حقنا بالشمس داخل على الليل بـإرتياح


نمشي ويفتــــــرنا العشـم ينحتّ مــن حيلنا الحماس

نقعـــــــــد تكتفنا الظـــروف ينهــده فوق رأسنا النعاس

نـــــرقد تحاصــــرنا الهمــــوم وننــــــوم ونحلم بالخلاص

ونقــــوم طريقنا نحددوا ومـــــا نلقى فينا اليبقى رأس


غــــــالبنا كلنا نتفق ونمــــــــــــــــرق فعلنا من الكلام

نقدر نصـــــــــــارع في بعض نعـــــــــــــرف ننظر بإنتظام

والــــراجي ركبنا إنـــــــــــزوى وختـــــانا في قفص إتهام

كيفن بنـــــوصل وننتصــــر وأفكـــارنا فــــاقده الإنسجام ؟


وبلدنا في بحــــر الضياع عطشــــانة داخت بالشــــراق

والقيف ولا إستقبل نفــــر ! ينقـــــذ حياته من الغراق

مـرقت على المـوج قطعتين ! وإحترنا ياته أولى اللحاق

وبكينا كلنا في البيــــوت يــــــــوم عشنا لحظات الفراق


كـــل المعينات إتلقت مــــن خـــــــــرطة لا عند المــواد

في بـــالنا بنيان بيت بشيــــل أحيـانا والمــات والجماد

وإن مــا لقينا بعـــــد ده نــــاس بتشيّد التغييـــر عمــاد

في إيــــدنا نستوّرد شبــاب ! يـــا ننتظر ميلاد جــــداد


 
 توقيع : حسن عمر احمد ادريس



رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشريف حسين محمود محمد
الموضوع كاتب الموضوع المنتدى مشاركات آخر مشاركة
الشهيد محمود محمد طه ( فيديو) عبدالمنعم احمد ابراهيم المنبر الحر 1 05-04-2013 05:55 AM
مسرحية محمود محمد طه بكري حاج احمد منتدى الصوتيات والمرئيات 0 10-05-2012 10:33 PM
مبروك لابناء الحصاحيصا التخريج من الكليه الحربيه الدفعه56 محمد حسين وممدوح محمدنيشو عبداللطيف عبدالله مساعد المنتدى الاجتماعى 4 10-04-2012 09:03 PM
استدعاء لوزير الدفاع عبدالرحيم محمد حسين محمد ابوعمر المنبر الحر 0 05-15-2012 09:37 AM
محمد حسين الطريفي ترحيب حار بكري حاج احمد المنتدى الاجتماعى 5 12-08-2011 04:51 AM

الساعة الآن 02:40 PM.

Powered by vBulletin® Version 3.8.7
Copyright ©2000 - 2019, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون