عرض مشاركة واحدة
قديم 02-24-2012, 08:48 AM   #44


الصورة الرمزية حسن عمر احمد ادريس
حسن عمر احمد ادريس غير متواجد حالياً

بيانات اضافيه [ + ]
 رقم العضوية : 224
 تاريخ التسجيل :  Jul 2011
 أخر زيارة : 03-12-2016 (06:50 PM)
 المشاركات : 13,205 [ + ]
 التقييم :  74
لوني المفضل : Cadetblue
افتراضي



زهرة بخيلة
كلمات الشاعر مدني النخلي
الحان واداء: مصطفى سيد احمد
:::

لو متلي هداكي الحُزن
أو غاب حبيب عن موعِدك
لو عِشتي أحلامك سراب
وأبت الظروف ما تسعِدك
كان يوم عرفتي ضَنَا الجرِح
جوّايا وكتين أفقدك
يا زهرة بِخْلت بالأريج
ما الليلة مات فيني الأجيج
وفَتَر حنيني الكان زمان
...
عودتِك النوم في العُيون
وفضلْت سهْران ما بنوم
لو ليلي من بعدِك حزين
ما العِشتو جنبك كان هموم
لا بقيت أنا الراجي السرابْ
لا الرامي أملو علىا الغيوم
ما الليلة مات فيني الأجيج
وفْتر حنيني الكان زمان
يا ما الترقُب طال وزاد
والزاد مواعيد في الخيالْ
الليله في درب السلامه
من الأسى وليل المُحالْ
إرتحت من سفر الغمامه
الياما عانت إرتحال
ما الليله مات فيني الأجيج
وفتر حنيني الكان زمان
...
ياني الزمان جيتك معاي
كُلْ المشاعِر والغُنا
ما قدرت ارجع ليك خطاي
العايده من درْب الضنا
لا شوق فَتَر في ليل أساي
يقْدر يعيد ليكي الهنا
ما الليله مات فيني الأجيج
وفتر حنيني الكان زمان
::::


 

رد مع اقتباس