منتديات الحصاحيصا

منتديات الحصاحيصا (http://www.alhasahisa.org/index.php)
-   منتدى الرياضة المحلية والعالمية (http://www.alhasahisa.org/forumdisplay.php?f=7)
-   -   اهلي الخرطوم يلحق بالمريخ الهزيمة (http://www.alhasahisa.org/showthread.php?t=1047)

بكري حاج احمد 05-24-2011 12:01 AM

اهلي الخرطوم يلحق بالمريخ الهزيمة
 
بهدف سولي شريف... اهلي الخرطوم يلحق بالمريخ الهزيمة الأولى في الدوري الممتاز ويشعل المنافسة

http://img2.kooora.tv/i.aspx?i=sudan...2Fkoo_soly.jpg

[YOUTUBE]http://www.youtube.com/watch?v=YZKlQkWNdhY&feature=player_embedded[/YOUTUBE]

حقق الأهلي الخرطوم مفاجأة من العيار الثقيل والحق بالمريخ الهزيمة الأولى في الدوري الممتاز وأشعل المنافسة في القمة بين المريخ والهلال، وذلك بالفوز عليه بهدف وحيد جاء في الشوط الأول للمباراة التي جرت بينهما مساء اليوم باستاد الخرطوم في ختام مباريات الفريقين في الدورة الأولى للمنافسة، قدم لاعبو الأهلي درسا بليغا لمتصدر المنافسة فريق المريخ الذي دخل لاعبوه وهم يعتقدون بأنهم سيلحقون بالاهلي الهزيمة باقل مجهود وتحقيق الصدارة بالعلامة الكاملة في الدورة الأولى وقد أخذهم البطر بالنتائج التي حققوها في مبارياتهم السابقة وتحقيق الانتصار في اثني عشر مباراة وتناسى نجوم الاحمر أن كرة القدم بذل وعطاء وتعطي لمن يبذل ويحترم الخصم لتكون الخسارة بطعم الحنظل خاصة وأن لاعبي وجمهور المريخ اعتقدوا بأن فريقهم ينتظره انتصار في متناول اليد



احداث المباراة
جاءت المباراة قوية وسريعة من الجانبين خاصة من جانب الاهلي الذي نجح في اخراج لاعبي المريخ من جو المباراة بعد ان استطاع ان يحجم من اطراف الاحمر الذي لعب بخطوط متباعده في الشوط الاول مع غياب شبه تام لدور الوسط الذي لعب فيه الشقيل ،الباشا ،قلق وراجي في المقابل اعتمدفريق الخرطوم على الهجمات المرتدة التي لم تخلوا من خطوره على قلتها ومن احداها وعند الدقيقة السادسة والعشرين استطاع سولي شريف من احراز الهدف الاول ، ورغم سيطرة المريخ على مجريات المباراة في الشوط الاول إلا أن لاعبوه فشلوا في استثمار الفرص بسبب الشفقة والتسرع لينتهي الشوط الاول بهدف دون رد وكان مدرب الاحمر حسام البدري اجرى تبديلا اضطراريا في الشوط الاول بخروج طارق مختار ودخول الدافي اعقبه بتبديل قضى بخروج هنو ودخول قائد الفريق فيصل العجب وفي الشوط الثاني تواصل الاداء بسيطره مطلقه للاحمر دون جدوى مع اعتماد الاهلي على الهجمات المرتده كاستراتيجية نجح من خلاله نجوم الاهلي بفضل ارتفاع معدل اللياقة لديهم في الرجوع والتقدم في المقابل واصل الاحمر ضقطه المتواصل لاصحاب الارض وقاد عدد من الهجمات التي تكسرت تحت اقدام دفاع الاهلي ومن خلفهم الحارس المتالق ايهاب زغبير الذي انقد مرماه من عدة اهداف محققه من تحت اقدام قلق اكثر من تهديفه الى جانب كلتشي وساكواها والعجب والدافي لينتهي اللقاء بفوز اهلي الخرطوم على المريخ بهدف دون رد ليتجمد رصيد المريخ في 36 نقطة في الصدارة بينما ارتفع اهلي الخرطوم برصيده الى 18 نقطة في المركز الثالث، وهذه النتيجة اشعلت المنافسة على صدارة الدوري الممتاز بين الهلال والمريخ اذ سيتقلص الفارق بينهما الى ثلاث نقاط في حال فوز الهلال على جزيرة الفيل في مباراتهما القادمة
اربع بطاقات صفراء في اللقاء جاءت من نصيب فريق الخرطوم
تشكيلة الفريقين
دفع الجهاز الفني للمريخ بقياده البدري بتشكيله ضمت مواطنه المصري عصام البدري في حراسه ،طارق مختار (الدافي) باسكال ، مصعب عمر،نجم الدين،قلق،الباشا،الشغيل،راجي عبد العاطي(كلتشي) ،هنو(العجب)وسكواهافيما اشرك مدرب اهلي الخرطوم البرازيلي ايلتون كل من ايهاب زغبير في المرمى، جمعه ،امير ربيع،معتز ناني،باولو،سيف بحر،سيرجو،محمد الجيلي ،لالانا،انس ،سولي شريف،نصر الدين جوجو،منتصر ربيع

ياسرسرالختم 05-24-2011 11:57 AM

كويس يابكرى انو لقيتو فرصه تتنفسوا بعد الفتره دى كلها وكويس الاهلى خلاك تظهر فى الرياضى وعقبال باقى الصفراب

بكري حاج احمد 05-24-2011 02:29 PM

اقتباس:

المشاركة الأصلية كتبت بواسطة ياسرسرالختم (المشاركة 4448)
كويس يابكرى انو لقيتو فرصه تتنفسوا بعد الفتره دى كلها وكويس الاهلى خلاك تظهر فى الرياضى وعقبال باقى الصفراب

حمد الله علي السلامه اخ ياسر والله انا كنت خايف عليك امس شايفك مارق داخل لكن الحمد الله ربك لطف يوم ليك ويوم عليك

http://a4.sphotos.ak.fbcdn.net/hphot..._6383406_n.jpg

عثمان الحسين 05-24-2011 04:46 PM

ياسر سر الختم .. محمد كمال السر و جميع الوصيفاب .. حضرنا المنتدى الرياضي و لم نجدكم .. لعل المانع ليس سولي شريف

ياسرسرالختم 05-24-2011 08:44 PM

اقتباس:

المشاركة الأصلية كتبت بواسطة عثمان الحسين (المشاركة 4458)
ياسر سر الختم .. محمد كمال السر و جميع الوصيفاب .. حضرنا المنتدى الرياضي و لم نجدكم .. لعل المانع ليس سولي شريف

حمدا لله على السلامه اخونا عثمان
والله ليك وحشه والبركه فى سولى شريف الخلاك تمرق ونشوفك
نحن قاعدين لكن انت وين؟ ولا المريخ كان كاتم على نفسك الفتره دىكلها وكنت مخنوق؟

حسن عمر 05-25-2011 11:07 AM

كويس ياهندسه انك ظهرت فى الرياضى وكل الصفراب
الغريبه انكم تعلقوا على غلب الاهلى للزعيم وماتعلقوا على غلب الهلال على باقى الانديه
باقى لى انكم بتكرهوا المريخ اكثر مما بتحبوا الهلال
والدوره التانيه قربت وحا تاخدوا المعلوم بعد ماترجعوا بالصفر الدولى

محمدعبده 05-25-2011 06:19 PM

والله ماعارف سر المحكة ده شنو يامريخاب
مشينا مصر
مشيتومصر
اتغلبنا من الاهلى
اتغلبتو من الاهلى
يعنى انتو قصدكم المجماعات ولا شنو .....؟
يااخونا واحد مريخابي عاقـــــــــــل افهمنى الحاصل شنو
http://profile.ak.fbcdn.net/hprofile..._2942687_n.jpg


عثمان الحسين 05-25-2011 08:33 PM

يا ياسر و يا حسن نحن جينا نسلم عليكم و نبارك ليكم جلابية الحضري .. و الجابكم يجيب محمد كمال .. عليكم الله الوصيفابي المتعصب ده أفقدوه .. بقت عليه غربة و قراية و سولي شريف .. قلنا ليكم الوصيف وصيف و العرجا لمراحها

محمد المنصوري 05-26-2011 05:29 AM

أجمل مافي المريخ عظمته ,,,,,, أنتصر افرحوا الصفوة أهل

الحظوة ’’’ أنهزم يفرح ماتبقي من الصافراب ........وعليكم

الله دي ما سعادة ناس الهلال اظهروا وكمان اكتبوا واسألوا

من الناس ... والله شهيتونا غلب المريخ ياصافراب .

ياسرسرالختم 05-27-2011 11:00 AM

اقتباس:

المشاركة الأصلية كتبت بواسطة محمد المنصوري (المشاركة 4506)
أجمل مافي المريخ عظمته ,,,,,, أنتصر افرحوا الصفوة أهل

الحظوة ’’’ أنهزم يفرح ماتبقي من الصافراب ........وعليكم

الله دي ما سعادة ناس الهلال اظهروا وكمان اكتبوا واسألوا

من الناس ... والله شهيتونا غلب المريخ ياصافراب .

يامنصورى دى هى عظمة المريخ


الساعة الآن 01:36 PM.

Powered by vBulletin® Version 3.8.7
Copyright ©2000 - 2019, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012